Juan 6:56 - Nuevo Testamento Toba Sombrero Negro

⁵⁶ Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

Nuevo Testamento Toba Sur

⁵⁶ Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

La'aqtaqa Ñim Lo'onatac 'Enauacna 2013

⁵⁶ Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

Juan 6:56 Referans Kwoze

Juan 14:20

Qama'le qom yovita ga'me nolo' joote auayachiñe queda'me jone'tajop joñe'me Taĝadena', nataq'aen da'me ami yataqata jayem ademii'teguet, qama'le nach'e ena'am da'me jayem ami jouetauelo.

1 Juan 3:24

Jogaa'me jo'ne yoqochideta daa'me lamaĝajoĝonaĝaco joñe'me Dios, nach'egaua neteda'ajop joñe'me, nataq'aen joñe'me netauelo jogaa'me. Nataq'aen dojo' jayatenaq queda'me qo'mi uetauelo: qa'a jouaĝat joñe'me Lepaqal jo'ne qo'mi yanema.

Apocalipsis 3:20

Jayem auec'achiñe nayi: cha'li joueta'uet da'me ami jiyaĝanalo. Qom 'uo ga'me domachiya da'me yiyaĝanaĝac nataq'aen da'me 'youategue ga'me najom, qama'le jenoĝoneuo, qama'le qadalo'ta't da'me jeque'yaq.

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

1 Juan 4:12

Jalchi'ena qaya'te ta'le yauana joñe'me Dios; qalaĝaja qom ñoqopitaqapega't, qama'le joñe'me Dios qo'mi netauelo nataq'aen joda'me loqopich'i yataqata qo'mi qoyiyamaĝatetouelo.

2 Corintios 6:16

Qo'mi mach'e 'lemec ñe'me Dios jo'ne nec'aletaye, nataq'aen ta'le Dios qo'mi uetauelo, qama'le ja jenaĝa qadeloĝot ga'me ch'e nequi'i. Qa'a mach'eñe ñe'me Dios enaac: “Jouetauelo jenjo' yalaqapi nataq'aen jequetauelo jogaa'me. Jayem Nedios qama'le yalaqapi qomle jogaa'me.”

Efesios 3:17

Qama'le ñachoĝodetapecot joñe'me Dios qaedi joñe'me Jesucristo uauelo naa'me adai'lidi', qa'a jouaĝat da'me yataqata auep'iiya'a joñe'me nataq'aen qaedi da'me adoqopich'i nach'eda da'me chiyaqayi yema ga'me auauoyi,

Juan 6:55

Qa'a jena'me yapat nach'ena jo'ne yataqatelegue niqui'yaĝat nataq'aen jana'me yetauo' nach'e ena'am yataqatelegue naiquip.

1 Juan 2:24

Chane'eja, 'noota qom aviyamaĝachiyouelo naa'me adai'lidi' da'me 'naqataĝanaĝac jo'ne eja, 'me auomachiiya jo'ne chiyoqo'tagueta gaa'me noloqo'ote ca'li yemta auacoñiyeguet da'me adepi'i. Qom naq'aeta queda'me dojo' netayelo jonaa'me adai'lidi', qama'le nach'e ena'am oquitalegue queda'me auoqochi'taguet joñe'me Dios Lec'oĝot, nataq'aen joñe'me Qadet'a.