Juan 6:55 - Nuevo Testamento Toba Sombrero Negro

⁵⁵ Qa'a jena'me yapat nach'ena jo'ne yataqatelegue niqui'yaĝat nataq'aen jana'me yetauo' nach'e ena'am yataqatelegue naiquip.

Nuevo Testamento Toba Sur

⁵⁵ Cha'ayi da i'oquiaxac, nachida da ÿoqta 'eesa nallic, qataq naua itago'q, nachinaua na ÿoqta 'eesa naquip.

La'aqtaqa Ñim Lo'onatac 'Enauacna 2013

⁵⁵ Cha'aye da ỹo'ocỹaxac, nachera da ỹoqta 'eesa nallec, qataq naua itago'q, nachenaua na ỹoqta 'eesa naquip.

Juan 6:55 Referans Kwoze

Juan 15:1

Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Juan 8:36

Chane'eja naq'aeta, qom japalaĝa't naa'me adoecodi', queda'me jayem Lec'oĝot joñe'me Dios, qama'le eja yataqachiñe ami qoyejodegue.

Juan 6:32

Qama'le Jesús 'yategueta, enaac: —Eja da'me ami ja'aĝatema, queda'me ja naqaeñe ñe'me Moisés ta'le ami yanema jaga'me pan 'me chiyoĝogue piyem, dite ñe'me Taĝadena' jo'ne nach'eñe ami yanema jaga'me jo'ne yataqatelegue pan.

Juan 1:9

Ñe'me necoyadaĝanaĝat jo'ne yataqatelegue nec'achi'ña jena'me aleua qaedi yecoyadelegue ena'uaque gaa'me jiyaĝadipi.

Hebreos 8:2

Qama'le nach'eñe jo'ne yataqata dajo'tot joñe'me Dios, qa'a uetaue di'me tamenaĝaiqui jo'ne ja 'nalegue, 'me ja 'lonata'j jogaa'me jiyaĝa'u dite da'me nach'eñe ñe'me Dios jo'ne ye'et.

Juan 1:47

Mane'e da'me yauana ñe'me Jesús da'me nec'ata ñe'me Natanael qama'le eetac: —Jenjo' jo'ne naequena yataqachiñe yataqatelegue Israel le'ec, nach'ena jo'ne qaya'te loqovinaĝanaĝac.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Juan 6:54

Chane'eja joga'me jo'ne yalic jenjo' yapat nataq'aen niyomigui janjo' yetauo', male 'uo da'me lec'alaĝa jo'ne qaya'te loiquiaqa', qama'le nach'e ena'am da'me 'ñiyelaĝachijeguem ga'me nolo' jo'ne p'ategue.

Juan 6:56

Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.