Juan 6:42 - Nuevo Testamento Toba Sombrero Negro

⁴² Qama'le ua'a ca'li enapega'ajalo: —¿Qo'li ja naqaeda da'me dojo' Jesús jo'ne lec'oĝot ñe'me José? Da'me qo'mi joote jatetonaq ñe'me let'a nataq'aen jañe'me lat'e, qama'te ¿teua'atoqo' enapela't chiyoĝogue di'me piyem?

Nuevo Testamento Toba Sur

⁴² Nachi somayipi 'eeta': –¿Damayi sa ishito' da nachida da Jesús, dam llalec so José? Qomi' sauattonaq so lta'a José qataq aso late'e. Qaq ¿táloxochiyo' da 'enapec chigoqo'ot na piguem?

La'aqtaqa Ñim Lo'onatac 'Enauacna 2013

⁴² Nache somayepi 'eeta': –¿Damaye saisheto' peta'a da nachera da Jesús, dam llalec so José? Qomi' sauattonaq so lta'a qataq aso late'e. Qalaq ¿ta'ainco' da 'eetega chegoqo'ot na piguem?

Juan 6:42 Referans Kwoze

Lucas 4:22

Qama'le ena'uaque yiyamaĝade'n ñe'me Jesús nataq'aen qoyoqoche'ema queda'me yataqachiñe onaĝayaqa daa'me 'laqataqa. Enapega't jogaa'me: —Qalaĝaja, ¡dojo' mach'e José c'oĝot!

Marcos 6:3

Qalaĝaja, ¡naqaeda da'me ye'tac jena'me epaq! Nataq'aen, ¡naqaeda da'me María lec'oĝot! ¡Naqaeda lanoqolqa ñaa'me Santiago, José, Judas nataq'aen Simón! ¡Mach'e qat'achaqadiaĝa'u gaa'me la'nolel! Qo'che' ja jetaque qonaquiaĝana joñe'me.

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

1 Corintios 15:47

Ga'me 'uaeñe jiyaĝaua qoyachiyoĝotaye ga'me lojoche jena'me aleua ca'li qoye'et nataq'aen chiyaqaue jena'me aleua; ñe'me jiyaĝaua jo'ne p'ategue, nach'eñe Cristo, qamqa'me chiyaqaje'ma di'me piyem.

Juan 6:62

¿Jach'e jogamaĝa eete' gaa'me at'aqataqadi' da'me ta'le jayem auañiya da'me jec'adije'ma di'me jo'ne jalchi'ena 'yachaqa', naqayem 'me Jiyaĝaua Lec'oĝot?

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Romanos 9:5

Nach'egaua lec'oqo'tepi dia'me jachiyojoĝogueta 'me qadet'al; nataq'aen qadaqachidiaĝa'u, qama'le chiyaqayi da'me mach'e nejiyaĝauayaĝa'j novidetaquena ñe'me Dios liquiyac, mach'e Dios 'me napacalo'te ena'uaque gaa'me uo'oe, 'noota qom nach'e eta't qo'nonaĝachigui. Jaja'a, nach'e naq'aeta da'me dojo'.

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 6:43

Jesús 'yategueta, enaac: —Ena'te jayem auedaĝachitapega.