Juan 6:27 - Nuevo Testamento Toba Sombrero Negro

²⁷ Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Nuevo Testamento Toba Sur

²⁷ Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

La'aqtaqa Ñim Lo'onatac 'Enauacna 2013

²⁷ Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Juan 6:27 Referans Kwoze

Colosenses 3:2

Auenache'talo gaa'me uo'oe jo'ne ueda'ague di'me piyem, qalaĝaja gaa'me uetedalegue jena'me aleua ena'te auenache'talo,

Juan 6:54

Chane'eja joga'me jo'ne yalic jenjo' yapat nataq'aen niyomigui janjo' yetauo', male 'uo da'me lec'alaĝa jo'ne qaya'te loiquiaqa', qama'le nach'e ena'am da'me 'ñiyelaĝachijeguem ga'me nolo' jo'ne p'ategue.

2 Timoteo 2:19

Qalaĝaja Dios joote ya'uo joga'me 'uaechiñe nataq'aen eja jo'ne qoyediñe ca'li: “Joñe'me Jaliaĝanec yateto'n jogaa'me mach'e lec'oqo'te”, nataq'aen enaac: “Yema jogaa'me 'nonaĝachidegue joñe'me Jaliaĝanec, 'noota qom queda'e da'me ja no'en.”

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Romanos 6:23

Joda'me lejetenataĝanaĝac ga'me adoec nach'eda neleuaĝa, qalaĝaja da'me lachetaĝanaĝac ñe'me Dios mach'e 'noyaĝac 'me ja 'naidena'a da'me joqotaqa'taguet ñe'me Cristo Jesús mach'e Qadejaliaĝanec.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Juan 6:51

Naqayem jo'ne pan 'me nec'alaĝa, jo'ne ñenochiñe da'me jachiyoĝogue di'me piyem. Joga'me jo'ne yalic jenjo' pan nach'e eta't da'me nec'aletaye: jenjo' pan jo'ne janegue, nach'ena jo'ne mach'e yapachidiyaĝac, da'me janegue qaedi 'uo da'me lec'alaĝa'j jogaa'me jiyaĝadipi.”

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

Mateo 6:19

“Ena'te auauoyi adaponequi ga'me adeuoyaĝaqui 'me uetalegue jena'me aleua, qa'a ua'a ga'me potoĝolo da'me yolaĝa't gaa'me uo'oe qama'le ne'uela'ajalo, nataq'aen gaa'me cachaĝayaqa yenoĝodeuo nale qama'le decachita.

Juan 6:58

Naqayem jo'ne pan 'me jachiyoĝogue di'me piyem, jayem jo'ne pan 'me ja jena'am jaga'me maná jo'ne yali'j joca'li jodia'me jo'ne auachiyoĝoyegueta 'me mach'e adet'aldi': jodia'me yali'j joca'li jaga'me maná qalaĝaja nach'e ena'ama da'me yele'u. Qalaĝaja nayi male ja ena'am: jogaa'me jo'ne yali'j jenjo' yapat, nach'egaua jo'ne 'uo da'me 'loyaĝac 'me qaya'te loiquiaqa'.

2 Pedro 1:17

Jauanaĝa ca'li ñe'me Qadet'a Dios da'me yanem da'me li'yoĝodenataĝanaĝac nataq'aen da'me en 'lonaĝac, joca'li 'uo da'me 'laqatac joñe'me Dios jo'ne eetac: “Jenjo' jo'ne mach'e Yalec 'me ñoqopitaĝaua: nach'ena jo'ne mach'e yiquiyac.”

Filipenses 2:13

Qa'a nach'eñe joñe'me Dios jo'ne ami yanouelo da'me nelnataĝaco jo'ne onaĝayaqa nataq'aen ami yanema da'me at'añaĝaqui qaedi aueñi di'yoq da'me yepaquetapega joñe'me.

1 Pedro 1:24

Qa'a naa'me nedii's jo'ne qoyedidiñe joca'li eet'oi: “Yema ga'me jiyaĝadipi ena'am ga'me auaqapi, Nataq'aen da'me mach'e 'loyaĝac ena'am ga'me la'uo jena'me auaqapi. Ga'me lolelaĝa male daqaqa qomle qama'le ga'me la'uo 'naqañe,

Lucas 3:22

qama'le ñe'me Dios Lepaqal di'yoĝoja da'me nenochi'ña joñe'me, ena'am ga'me doqoto'. Nataq'aen queda'me qodomachiya ga'me najamaĝa 'me chimaqapije'ma di'me piyem, jo'ne enaac: —Am yalec jo'ne jauotec, mach'e am jo'ne yataqata Yiquiyac.

1 Ts 1:3

Nataq'aen queda'me jouaqa'tot joñe'me Qadet'a Dios, nach'e eta't jenataqa'ta joda'me yataqata ja aĝañiñi jena'me jenjo' jo'ne adepi'i, da'me onaĝaic adoqopich'i nataq'aen da'me yataqata ami 'uañaĝayaqa nale te'me 'uo ga'me ami qoyachalo'te jo'ne ja no'en, qa'a jouaĝat da'me yataqata auache'ta joñe'me Jaliaĝanec Jesucristo.

Colosenses 1:29

Nach'eda chiyaqayi da'me jo'onataĝatac, qama'le 'ñañaĝatec yema da'me mach'e 'yañaĝac choqoda'me lañoqotaĝanaĝac ñe'me Cristo jo'ne jayem netaye.

Juan 3:33

Joga'me jo'ne yaconeguet da'me 'laqataĝanaĝac joñe'me, nach'ega en yataqatelegue q'aen joñe'me Dios;

Hechos 2:22

“Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Juan 6:68

Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Lucas 9:35

Qama'le ga'me piyem lo'oc chimaqapegoue ga'me nejamaĝa jo'ne enaac: “Jenjo' mach'e yalec jo'ne yiquiyac: ¡'noota qom anaquiaĝañiya!”

Hebreos 12:16

Ena'te ami quejeguetaĝayaqa, chayovida'a da'me ena'te a'uotañi ga'me jo'ne chiyoqo'ot joñe'me Dios, qa'a naq'aeta da'me ya'uo ca'li ñe'me Esaú, da'me yemen jo'me te'me qoyen mach'e loĝot queda'me nach'eñe ñe'me nec'oĝot jo'ne nipiloĝot, ca'li en tayí da'me ya'uo onolec niqui'yaĝac.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Hebreos 4:11

Chane'eja da'me qo'mi, 'noota qom 'ñañaĝataq qaedi jañoĝotaq da'me jenoĝonaĝauo'o da'me 'nomataĝaiqui joñe'me Dios, qaedi qaya'te ta'le onolec jo'ne ja yenoĝoneuo'o yajouaĝat da'me que'teguelo jogaa'me jo'ne ja p'iida'a joñe'me Dios.

Colosenses 2:22

Ena'uaque naa'me naajo' 'nelaqataĝanaĝaco nach'enauate' ch'e jiyaĝaua lamaĝajoĝonaĝaco nataq'aen lapaĝaguenataĝanaĝaco, qama'le 'uo da'me pa'l qomle.

1 Corintios 9:2

Uotaĝa uo'oe jogaa'me ja jayem 'te 'yamaqate'n da'me jayem lamaĝajec ñe'me Jesús; ami qamqa'me jayem auacoñiyeguet, qa'a da'me at'oyaĝaqui dalaĝaic nach'eda yaloĝon queda'me jayem lamaĝajec ñe'me Jesús.

1 Corintios 6:13

Nataq'aen aueñiyapega chimaqachiñe ga'me adoequi nale aueñiyapega't: “Ga'me jaliguinaq qoya'uo qaedi taue jana'me qadeta'am, nataq'aen jana'me qadeta'am qoya'uo qaedi jenaĝa taue ga'me jaliguinaq.” Jaja'a, yataqachiñe eja da'me dojo', qalaĝaja Dios yapalaĝa't qomle jana'me qadeta'am nataq'aen ga'me jaliguinaq. Qama'le nach'e ena'am na'me qadapat: 'noota ta'le ja jenaĝa taue da'me nequejeguetaĝa, dite da'me qolaĝague ñe'me Jaliaĝanec, qa'a nach'eñe ñe'me jo'ne qo'mi yanema ga'me jouenaqataque.

Romanos 4:11

Qama'le ca'li yoĝo'yi da'me yaconeguet ga'me 'nanaĝajet ñe'me Abraham, ena'am ta'le 'nanec uotaĝa ena'am ta'le qo'yamelegue da'me joote Dios yateton da'me yataqatelegue nataq'aen chimaqachiñe qa'a chiyaqayi da'me lepe'e. Nach'eda naq'aeta da'me Abraham chiyoqotelegue da'me male let'a't ena'uaque jogaa'me jo'ne 'uo da'me lepe'e', mate mane'e ja yacoteguet da'me 'nanaĝajet; qama'le naq'aeta da'me Dios nach'e ena'am yatetonegueta da'me yataqatelo'te q'ae'n jogaa'me.

Juan 15:24

Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 11:42

Da'me jayem joote jayaten da'me nach'e eta't jayem auomachiya, qalaĝaja am ja'aĝatem da'me qaedi 'uo da'me layamaĝac jena'me jenjo' jiyaĝadipi jo'ne ueta'ñena, qaedi ja yoqolegue't da'me naqa'am da'me jayem anamaĝaquena.

Juan 8:18

Qo'che' da'me jayem nach'e ena'am da'me mach'e 'ñaĝatetapela't, qama'le ñe'me Taĝadena' jo'ne jayem namaĝaquena, naqaeñe jo'ne aqataĝanaĝaic laqaya 'me jayem 'yaĝatetac.

Marcos 9:7

Qama'le ua'a ca'li needañe ga'me piyem lo'oc jo'ne yapadelo'te jogaa'me. Nataq'aen queda'me chimaqapegoue joga'me lo'oc ga'me nejamaĝa jo'ne enaac: “Jenjo' mach'e yalec jo'ne jauotec: ¡anaquiaĝañiya!”

Marcos 1:11

Nataq'aen queda'me qodomachiya ga'me nejamaĝa jo'ne chimaqapije'ma di'me piyem jo'ne enaac: “Am yalec jo'ne jauotec, mach'e am jo'ne yataqata yiquiyac.”

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Santiago 1:11

Qa'a qom nenoĝojeguem jañe'me ajeua qama'le 'uo 'lañaĝac jena'me lauaq, qama'le en daqaqa jena'me lolelaĝa; chane'eja jena'me te'me la'uo male en 'naqañe ena'uac, qama'le da'me te'me 'lonaĝa male qaya. Qama'le nach'e naq'aeta qomle ga'me neuoyaq, da'me ena'am ta'le daqaqa ga'me mach'e nemenaĝaiqui.

2 Corintios 4:18

Qa'a qo'mi ja jenaĝa diyachitapiyelo naa'me qadai'li qa'a jouaĝat ga'me 'uo jo'ne ualegue da'me qat'oyaĝac nayi, qa'a ja cop'a qom qaya. Dite da'me qanedotela't jouaĝat ga'me di'yoĝom da'me qat'oyaĝac qomle da'me daja' piyem. Nayi ja jayatenaq ga'me 'noyaĝac qomle; da'me eja jayatenaq queda'me ja yitaĝa 'naidena'a qomle.

Mateo 8:20

Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Juan 3:15

qaedi ena'uaque jogaa'me jo'ne p'iida'a joñe'me yauata da'me 'loyaĝa'j jo'ne ja 'naidena'a.”

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:53

Jesús male enaac: —Eja da'me ami ja'aĝatema, da'me jayem jo'ne jayem Jiyaĝaua Lec'oĝot: qom ja aualiqui jenjo' yapat, nataq'aen da'me ja aniyomiyigui jana'me yetauo', qama'le ja auañiya da'me nec'alaĝa jo'ne qaya'te loiquiaqa'.

Juan 6:62

¿Jach'e jogamaĝa eete' gaa'me at'aqataqadi' da'me ta'le jayem auañiya da'me jec'adije'ma di'me jo'ne jalchi'ena 'yachaqa', naqayem 'me Jiyaĝaua Lec'oĝot?