Juan 5:5 - Nuevo Testamento Toba Sombrero Negro

⁵ 'Uo ga'me onolec jo'ne ue'tajop jaga'me noĝop lae't jo'ne 'uo da'me lapite'nayaĝac nalo'taguet treinta y ocho jogaa'me 'uoidi.

Nuevo Testamento Toba Sur

⁵ Qaq huo'o so shiÿaxaua nachi hueta'asop asomayi. Somayi mashi ivi' naua treinta y ocho vi'iyi da lalolaxa.

La'aqtaqa Ñim Lo'onatac 'Enauacna 2013

⁵ Qaq huo'o so ỹale, nache hueta'asop asomaye. Somaye mashe ivi' naua treinta y ocho vi'iye da lalolaxa.

Juan 5:5 Referans Kwoze

Hechos 3:2

Ca'li yovideta ga'me, 'uo ñe'me jiyaĝaua jo'ne ja t'añegue chiyoqo'teguet ga'me yemta niyiñe. Yemeda gaa'me noloqo'ote qoyaneta'ña lae ga'me tamenaĝaiqui najom lenaĝat Onaĝaic, qaedi nale yenoĝoneuo ga'me jiyaĝadipi qama'le dajelaĝataque nachetaqate.

Lucas 8:43

Qama'le 'uo jañe'me yauo jo'ne yalegoue ga'me jiyaĝadipi jo'ne ja paja'a emeguet jaga'me tauo' nale yovita da'me laloqo' da'me 'nayac, jo'ne nalo'taguet doce gaa'me 'uoidi da'me 'uo da'me lachoĝodec. Joote yejeteneque gaa'me nata' lo'olpi yema ga'me jo'ne yauana, temaqaedi da'me ja qoyen 'te yemegue q'aen.

Marcos 9:21

Ca'li Jesús yenat ñe'me let'a ga'me notolec: —¿Jach'e ga'me chiyoqotelegue da'me ua'ajop da'me dojo'? Joñe'me let'a 'yateguet: —Chiyoqotelegue ca'li maliaĝa ja 'yaĝaic.

Hechos 14:8

Di'me Listra 'uo ñe'me jiyaĝaua jo'ne ja yaqanatet ta'le piyiñe. Qaya'te ua'a da'me yeuotac, qa'a chiyoqo'taguet da'me niyiñe da'me ja t'añegue. Dojo' jiyaĝaua ñichiñe ca'li,

Lucas 13:16

Chane'eja janjo' yauo, jo'ne mach'e chiyoĝoguet di'me Abraham, qama'te Satanás en lecoñetaeje da'me dojo' lapite'na chiyoqo'teguet dieciocho 'uoidi, ¿qo'li ja 'noota ta'le qoyejoye nayi, mate mane'e nolo' jo'ne niyamaqatac?

Hechos 9:33

Nach'edi ua'a da'me yauana ñe'me jiyaĝaua jo'ne lenaĝat Eneas, jo'ne chiyoqo'tegueta ocho gaa'me 'uoidi da'me uetalegue ga'me lela', choĝolaĝaic.

Juan 9:1

Mane'e ca'li ec ñe'me Jesús, qama'le yauana ñe'me jiyaĝaua jo'ne jalchi'ena qanam joca'li niyiñe.

Juan 5:14

Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Hechos 4:22

Ñe'me jiyaĝaua jo'ne en yemegue da'me nañoqotaĝanaĝac joote yauanalo cuarenta ga'me ne'uoidi.

Juan 9:21

qalaĝaja da'me neloye nayi, qo'mi ja jayatenaq, nataq'aen da'me ja jayatenaq ga'me jo'ne ya'uo da'me lec'atenaĝanaĝac. Chane'eja da'me ami, mach'e auenachi, qa'a joote 'yaĝaic na'me, qama'le mach'ena na'me yaqanatet da'me 'uo ga'me ami 'yaĝatema.

Juan 5:6

Mane'e ca'li Jesús yauana ga'me ueta'ña da'me vichiñe qama'le joote yayaten da'me qayoĝode' jaa'me 'uoidi da'me ue'tajop da'me lapite'nayaĝac, qama'le yenat: —¿Qo'li jetaque ademegue?