Juan 5:39 - Nuevo Testamento Toba Sombrero Negro

³⁹ Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Nuevo Testamento Toba Sur

³⁹ Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

La'aqtaqa Ñim Lo'onatac 'Enauacna 2013

³⁹ Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Juan 5:39 Referans Kwoze

Lucas 24:27

Yem qama'le noqotetapeque ena'uaque daa'me nedii's jo'ne 'yaĝatetedac joñe'me, chiyoĝotetelo'te gaa'me ledii's di'me Moisés qama'le yajoĝo'tague gaa'me ledii's dia'me Dios 'laqataĝanaĝanaqa.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Hechos 17:11

Naajo' judiopi jo'ne yataqachiñe onaĝaic ga'me letadenataĝanaĝa'j ja ena'ama gaa'me neda'ña di'me Tesalónica, yataqachiñe 'uo da'me lamaic ta'le yacoteguet da'me 'naqataĝanaĝac, qama'le noloqo'ote, noloqo'ote napaĝaguenalo daa'me nedii's qaedi yayaten qom yataqachiñe eja ga'me jo'ne Dios 'yaĝatetac.

Mateo 22:29

Jesús 'yategueta jogaa'me: —¡Yataqachiñe adejomiyac, qa'a ja auayachiñe' daa'me nedii's jo'ne qoyedidiñe ca'li, nataq'aen ja auayachiñe da'me 'lañaĝac ñe'me Dios!

Hechos 13:27

Qa'a gaa'me jo'ne neda'ña di'me Jerusalén nataq'aen gaa'me lejaliaĝanaqa ja yatetoteguet ñe'me Jesús, uotaĝa ta'le yayate'n gaa'me 'laqataqa dia'me Dios 'laqataĝanaĝanaqa jo'ne qoyec'ate'n nale uedaue gaa'me lemaĝaiqui yemeda gaa'me noloqo'ote 'me niyamaqataqa. Qama'le naq'aeta da'me mach'egaua, ca'li yala't ñe'me Jesús, qama'le yepaquichiguilo gaa'me jo'ne joote qo'yaĝate'tape.

Juan 5:46

Qa'a ta'le ami auep'iiya'a da'me enaac ñe'me Moisés, nach'e ena'am jayem auep'iiya'a, qa'a Moisés yediñe da'me dojo' da'me jayem 'yaĝatetac.

Romanos 3:2

Yataqata jalcote ga'me chiyaqayilo. Da'me 'uaeñe, yaje'tema jogaa'me judiopi da'me yanema da'me 'laqataĝanaĝac.

Marcos 12:10

Anetoviñetac ga'me jo'ne joote qoyediñe joca'li jo'ne enaac: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.

Apocalipsis 19:10

Chane'eja te'me jejoidiñe naa'me yeliquetel, jejocoto naa'me lapia'te joñe'me piyem le'ec queda'me te'me 'ñonaĝachigui, qalaĝaja jayem uaqata: “Ena'te aua'uo da'me dojo', qa'a naqayem jo'ne ch'e jayem Dios lalemaĝajet, qama'le nach'e am jena'am, choqogaa'me adaqaya'olqa jo'ne nach'e eta't da'me 'yamaqate'n naa'me 'laqataqa joñe'me Jesús. Nach'eñeta ñe'me Dios jo'ne a'nonaĝachigui.” Qa'a naa'me 'laqataqa joñe'me Jesús, nach'enaua jo'ne 'yañaqate't joñaa'me Dios 'laqataĝanaĝanaqa.

Romanos 1:2

Dios naya'alo q'aen ca'li gaa'me 'laqataĝanaĝanaqa da'me yaqataĝañi da'me dojo' jo'ne 'uo ca'li.

Hechos 26:27

Am jaliaĝanec Agripa, ¿qo'li auep'iya'a ga'me nenaĝatedegue jogaa'me Dios 'laqataĝanaĝanaqa? Yataqata jayaten queda'me auep'iya'a.

Juan 7:52

Qama'le jogaa'me male 'yadeteguet: —¿Qo'li nach'e ena'am da'me am Galilea le'ec? Anapaĝaguenalo jonaa'me nedii's qama'le auayaten da'me ja chiyaqa'ña di'me Galilea ga'me Dios 'laqataĝanaĝanec.

Juan 5:32

Qalaĝaja 'uo ga'me jiyaĝaua laqaya jo'ne ya'uo da'me 'laqataĝanaĝac queda'me jayem 'yaĝatetac, qama'le jayaten queda'me yataqachiñe yataqatelegue da'me mach'e 'laqataĝanaĝac.

Juan 5:36

Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

Lucas 16:31

Qalaĝaja Abraham enaac: «Qom ja jetaque yoqochideta di'me Moisés nataq'aen Dios 'laqataĝanaĝanaqa, qama'le ¿teua'atoqo' 'yamaqaten qom 'uo gamachaqaega yeleu jo'ne 'niyelaĝajeguem?»”

Hebreos 11:16

Qalaĝaja jodia'me yataqata yepaquetedapega ga'me 'nachaqa' jo'ne onaĝaic, ga'me 'nachaqa' jo'ne ua'ague di'me piyem. Chane'eja ñe'me Dios ja nepocoĝolegue ca'li da'me qo'yaĝat da'me naqaeñe jo'ne Nedios jodia'me, qa'a joote yaqataĝata't ga'me noic jo'ne en 'lachaqa't.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

Lucas 16:29

Qalaĝaja Abraham 'yateguet: «Jogaa'me joote uetauelo gaa'me ledii's di'me Moisés nataq'aen dia'me Dios 'laqataĝanaĝanaqa: ¡'noota qom yoqocha'alo!»

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.

Hebreos 11:35

Uo'oe gaa'me yauo' jo'ne yauanalo da'me yitaĝa nec'aledegue jogaa'me mach'e laqaya' jo'ne joote yele'u. Nataq'aen uo'oe gaa'me jiyaĝa'u laqaya' jo'ne yeletem da'me layaliaĝa'j, queda'me ja yacoteguet da'me ta'le qoyejodegue, qa'a yayate'n da'me yitaĝa nec'alidijeguem, qama'le yauata da'me nec'alaĝa jo'ne onaĝaic.

Lucas 24:25

Chane'eja Jesús yanema da'me 'laqatac: —¡Yataqachiñe qaya'te adayatenaĝanaĝaqui nataq'aen ja ami 'te yelo'tegueta da'me a'uamaqachiñe ena'uaque da'me jo'ne 'yaĝatetedac dia'me Dios 'laqataĝanaĝanaqa!

Juan 5:40

qalaĝaja ami ja jetaque jayem anec'achiya qaedi ami ua'ajopa da'me adec'alaĝaqui.

Marcos 10:3

Joñe'me 'yategueta, enaac: —¿Jach'e ga'me damaĝajoĝolegue di'me Moisés?