Juan 5:35 - Nuevo Testamento Toba Sombrero Negro

³⁵ “Juan ena'am jaga'me coyadaĝanaqate nale edañgui qama'le yoqochiñe, qama'le da'me ami jetaque ch'e a'uamaqachiñe da'me auachiyaue da'me lauac, qalaĝaja ja yemeda gaa'me noloqo'ote.

Nuevo Testamento Toba Sur

³⁵ So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

Juan 5:35 Referans Kwoze

2 Pedro 1:19

Qama'le jenjo' jo'ne yataqachiñe 'yaediñi daa'me nedii's jo'ne lapaĝaguenataĝanaĝaco jodia'me Dios 'laqataĝanaĝanaqa. Chane'eja yataqata auacoñiyegueta naa'me naajo' qama'le auoqochiiyalo, qa'a naa'me naajo' napaĝaguenataĝanaĝaco eda'am jaga'me coyadaĝanaqate qom yecoyadelegue ga'me 'nachaqa' jo'ne 'uo da'me 'lalaĝa. Yataqata auoqochiiya chayovida'a da'me yeda'aguet ga'me nete' qama'le nenoĝojeguem jaga'me uaqachiñi jo'ne ni'chije qaedi yecoyadelo'te naa'me adai'lidi'.

Mateo 11:11

Eja ami ja'aĝatema queda'me Juan 'me chilaĝanataĝanaĝaic nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue ñe'me Juan.

Juan 6:66

Qama'le ua'a ca'li da'me jalcote jogaa'me jo'ne te'me quetedapegue' joñe'me Jesús male yaĝadegue, nataq'aen da'me ja yitaĝa ta'le quetegue joñe'me.

Lucas 7:28

“Ami ja'aĝatema queda'me Juan nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue joñe'me Juan.

Marcos 6:20

qa'a Herodes t'oiyapega joñe'me, qa'a yayaten queda'me jiyaĝaua jo'ne chimaqachiñe nataq'aen ja 'nalegue, qama'le netela joñe'me. Mate mane'e nale Herodes domachiya joñe'me qama'le ja yayaten ga'me ya'uo, qalaĝaja 'uo da'me lamaic nale naquiaĝana joñe'me.

Mateo 21:26

Nataq'aen ja jaqanatetaq ta'le jenaqaac queda'me nach'egaua gaa'me jiyaĝa'u, qa'a qat'oiyapega ga'me jiyaĝadipi queda'me ena'uaque joga'me p'iida'a ñe'me Juan da'me mach'e Dios 'laqataĝanaĝanec.”

Marcos 1:5

Ena'uaque jogaa'me 'lachaqa't di'me aleua jo'ne Judea, nataq'aen jogaa'me 'lachaqa't di'me noic jo'ne Jerusalén, ena'uaque jogaa'me yec'adeta ñe'me Juan qaedi domachita; yechoĝote'tape jodaa'me loeco qama'le Juan nachilaĝadiñgui di'me ñache jo'ne Jordán.