Juan 5:30 - Nuevo Testamento Toba Sombrero Negro

³⁰ “Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Nuevo Testamento Toba Sur

³⁰ Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

La'aqtaqa Ñim Lo'onatac 'Enauacna 2013

³⁰ Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a.

Juan 5:30 Referans Kwoze

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Juan 14:10

¿Qo'li ja a'uamaqachiñe da'me nach'ayem jo'ne jone'tajop joñe'me Taĝadena', nataq'aen joñe'me mach'e jayem ne'tajop? Naa'me naajo' jo'ne ami ja'aĝatetapema ja naq'aeta ta'le mach'e 'yaqataqa, dite da'me 'uo ñe'me Taĝadena' jo'ne jayem ne'tajop, nach'eñe jo'ne ya'uo na'me mach'e 'lonataĝanaĝac nale.

Mateo 26:39

Paja'a Jesús yec'ata ga'me qaya'ta, qama'le naĝañi chayovida'a yeda'aguet jena'me aleua jaga'me nepe, qama'le enaac da'me netamen: “Am Taĝadena', qom naq'aeta da'me aviyamaĝaden, ¡jayem auachiyoĝotaue da'me dojo' yachoĝodec! Qalaĝaja 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

Juan 8:28

Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

Romanos 15:3

Qa'a nach'e naq'aeta ñe'me Cristo ja yelotaque da'me ta'le mach'e niyamaĝadela't; ja naq'aeta, dite da'me tachiguilo naa'me nedii's jo'ne joote qoyediñe ca'li, eet'oi: “Ga'me jo'ne am qoyejouenec nataq'aen da'me am qo'enapega mach'e jayem uedalegue.”

Juan 8:50

Jayem ja jelaque da'me jayem qo'nonaĝachigui, qalaĝaja 'uo ñe'me jo'ne yelaque da'me ñi'yoĝodenataguec, qama'le nach'eñe jo'ne jayem naloqoten.

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

Juan 17:4

“Jayem joote am 'ñonaĝachichigui da'me cha'li joue'ta jena'me jenjo' aleua, nataq'aen joote jomat da'me jo'ne jayem auamaĝalo'te.

Juan 18:11

Qama'le Jesús enapega ñe'me Pedro: —A'viyelaĝatoue ga'me lae't na'me adedaĝanaĝat. Qom ñe'me Taĝadena' jayem niyomaĝañegue jenjo' jo'ne qaya'te lamaic chem, qama'le yataqata ñiyomigui jaĝa'te.

Romanos 2:5

Qalaĝaja qom yataqachiñe ja damichigui na'me adauel, ja jetaque a'viyeloqot ñe'me Dios, dite da'me alapotapega't da'me ane'uaĝanaguec 'me am qoyachalegue qomle, ga'me nolo' qom 'uo da'me nec'atenaĝanaĝac, qom ñe'me Dios yechoĝot da'me lajouaĝajet ga'me onolec qama'le qoya'uo ne'uaĝanaguec.

Romanos 2:2

Qama'le jayatenaq queda'me Dios yataqachiñe yaqate'tegue da'me nemitaque ga'me jiyaĝaua lajouaĝajet qom ya'uo ne'uaĝanague'j jogaa'me jo'ne naq'aete' daa'me 'lonataqa.