Juan 5:22 - Nuevo Testamento Toba Sombrero Negro

²² Nataq'aen ñe'me Taĝadena' ja naloqoten gamachaqaega, dite da'me jayem yanem yema da'me lañoqotaĝanaĝac qaedi jaloqotenaĝan,

Nuevo Testamento Toba Sur

²² Qataq ñi ita'a, ñimayi sa ishit da huo'o ca ÿauo'o ca nhuaxanaguec, chaqdata da ÿanem na llalec 'enauac da l'añaxac da ÿauo'o ca nhuaxanaguec ca shiÿaxaua,

La'aqtaqa Ñim Lo'onatac 'Enauacna 2013

²² Qataq Ñi Ita'a, saishet da nmit na shiỹaxauapi, chaqrata da ỹanem na Llalec 'enauac da la'añaxac da nmit namayepi,

Juan 5:22 Referans Kwoze

Juan 5:27

Nach'e ena'am da'me jayem yanem da'me yañoqotaĝanaĝac qaedi jaloqotenaĝan, queda'me nach'ayem jo'ne yataqachiñe jayem Jiyaĝaua Lec'oĝot.

Hechos 17:31

Qa'a Dios 'uo qomle ga'me nolo' jo'ne yelotelegue da'me ya'uo da'me chimaqachiñe nemitaguec yema jena'me aleua, yachiyoĝotetelegue ñe'me onolec jiyaĝaua jo'ne 'yatetelegue joñe'me; nach'eñe yaloĝonalo ena'uaque jogaa'me da'me 'niyelaĝachijeguem yachiyoĝotauelo joga'me napa'lpi.”

2 Corintios 5:10

Qa'a ena'uaque qo'mi jajoyaqa'aguet qomle ñe'me Cristo, jo'ne nach'eñe qanec'atenoqo't. Nach'eñe nimitapiye qomle gaa'me qat'onataqa, qama'le qo'mi yanema ga'me qanejetenaguec qom qadalo'taguet, uotaĝa qo'mi yanema ga'me qane'uaĝanaguec.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Hechos 10:42

Nataq'aen ñe'me qo'mi yamaĝalo'te da'me qaedi ja'aqataĝanaĝama gaa'me noyaqa da'me Dios nach'eñe en nec'atenoqo't ga'me nec'aletedaye nataq'aen ga'me napa'l.

Juan 9:39

Qama'le yitaĝa enaac ñe'me Jesús: —Da'me jayem ñec'ata jenjo' aleua qaedi ja'uo da'me yec'atenaĝanaĝac qaedi jogaa'me qana'mi male nelodegue, nach'e ena'ama jogaa'me jo'ne te'me nelotedaye qaedi 'uo da'me laqanamaĝa'j.

2 Timoteo 4:1

Da'me yaqataĝac am janem nayi, queda'me yataqata qo'mi yec'ate'tape joñe'me Dios choqoñe'me Cristo Jesús, jo'ne qomle male 'niyelaq, male ena'am ga'me jaliaĝanec t'adaic jo'ne ya'uo lec'atenaĝanaĝac jogaa'me nec'aletedaye choqodia'me joote yele'u, qama'le nejaliaĝatelo'te yema jogaa'me jiyaĝadipi.

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

Juan 17:2

Qa'a naqa'am jo'ne jayem auanem da'me yañoqotaĝanaĝac qaedi ñejaliaĝatelo'te yema ga'me jiyaĝadipi, nataq'aen da'me auanema da'me 'loyaĝac jo'ne ja 'naidena'a yema jogaa'me jo'ne jayem auanema.

1 Pedro 4:5

Qalaĝaja gaa'me male taida'a da'me 'yaĝadetem yema joga'me 'yetetedac joñe'me Jesucristo, nach'eñe jo'ne joote niyamaĝateta't qaedi naloqote'n joga'me jiyaĝadipi jo'ne nec'aletedaye choqodia'me joote yele'u.

Mateo 16:27

Qa'a jayem jo'ne yataqachiñe jayem Jiyaĝaua Lec'oĝot, qom ñovi' qama'le jayem ue'tajop da'me 'lonaĝa ñe'me Taĝadena' choqoga'me lamaĝa'spi jo'ne piyem laje'pi, qama'le jen nalo'taguet ga'me mach'e 'yetetac onolqa'tape ga'me jiyaĝadipi da'me jejeten.

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.