Juan 5:20 - Nuevo Testamento Toba Sombrero Negro

²⁰ Qa'a ñe'me Taĝadena' jayem noqopita nataq'aen da'me jayem yaloĝonalo ena'uaque jogaa'me uo'oe jo'ne 'lonataqa, nataq'aen jogaa'me 'lonataqa laqaya' jo'ne let'adayaqa nach'e ena'am jayem yaloĝonalo qomle, qaedi ami ua'ajopa qomle da'me auoqoch'iyem.

Nuevo Testamento Toba Sur

²⁰ Cha'ayi ñim lta'a ÿataqta ÿauotec nam llalec, ÿoqo'oyi ÿachaxana 'enauac nam i'otpi, qataq ñaq queto'ot da ÿoqta lta'adaicpi qome na ÿachaxanapi namayi, nachi ÿataqta ishit qome da i'ot da qad'aalaqai.

La'aqtaqa Ñim Lo'onatac 'Enauacna 2013

²⁰ Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.

Juan 5:20 Referans Kwoze

Juan 3:35

Ñe'me Net'a 'uo da'me loqopich'i ñe'me Lec'oĝot, chane'eja yanem da'me lañoqotaĝanaĝac qaedi nejaliaĝatelo'te ena'uac gaa'me uo'oe.

Mateo 3:17

Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

2 Pedro 1:17

Jauanaĝa ca'li ñe'me Qadet'a Dios da'me yanem da'me li'yoĝodenataĝanaĝac nataq'aen da'me en 'lonaĝac, joca'li 'uo da'me 'laqatac joñe'me Dios jo'ne eetac: “Jenjo' jo'ne mach'e Yalec 'me ñoqopitaĝaua: nach'ena jo'ne mach'e yiquiyac.”

Juan 17:26

Chane'eja joote am jatetonaĝanaĝaneque nataq'aen da'me mach'e at'onaĝac nach'e ena'am da'me nach'e eta't da'me jayatenaĝanaĝa'n, qaedi da'me adoqopich'i jo'ne jayem auen ue'tajop nach'e ena'am uetauelo jonaa'me, qama'le nach'ayem da'me jouetauelo.

Juan 15:15

Ja yitaĝa ami jiyaĝanaĝaneque da'me ami ñejoĝonaqa, qa'a ga'me ch'e nejoĝonec ja yayaten ga'me mach'e ye'tetac joga'me lejaliaĝanec. Ami jiyaĝanaĝaneque nayi da'me ami yaqaya', qa'a joote ami jayatenaĝanaĝaneque yema da'me jo'ne jayem 'yaĝatem ñe'me Taĝadena'.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Juan 10:32

Qama'le ñe'me Jesús enaac: —Uo'oe qayoĝode' jogaa'me 'yonataqa 'me onaĝayaqa jo'ne chiyoqodayi da'me lañoqotaĝanaĝac ñe'me Taĝadena', naa'me jo'ne joote auañiyalo nale jayem auajoyi'taguet. ¿Jach'e jogamaĝa jayem auajouaĝachem naa'me naajo' jo'ne uo'oe da'me jetaque jayem auajaqaye?

Juan 5:29

qama'le chiyaqapiñelo jogaa'me napa'l lete'. Jodia'me jo'ne yauote da'me 'noota ca'li nec'aletedaye, nach'ediaua jo'ne 'niyelaĝadijeguem qomle qaedi yacoteguet da'me lec'alaĝa jo'ne qaya'te loiquiaqa', qalaĝaja jodia'me jo'ne yauote da'me ja no'en ca'li, nach'ediaua jo'ne 'niyelaĝadijeguem qomle qaedi qoya'uo da'me ne'uaĝanague'j.

Juan 5:25

Eja da'me ami ja'aĝatema: da'me male qoyoqo'ta ga'me nolo', nataq'aen da'me joote novi', qom jodia'me yele'u domachita da'me yajamaĝa, jayem mach'e Lec'oĝot joñe'me Dios, qama'le jogaa'me jo'ne domachita male nec'aletedaye.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 1:18

Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Mateo 17:5

Mane'e ca'li cha'li dojetac qama'le 'uo ga'me piyem lo'oc jo'ne edañgui yapadelo'te jogaa'me, nach'ega piyem lo'oc chimaqapegoue ga'me nejamaĝa jo'ne enaac: “Jenjo' mach'e Yalec jo'ne jauotec, nach'ena Yiquiyac: anaquiaĝañiya.”

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Mateo 4:8

Yem qama'le payac yauegue ga'me qajoĝonaĝa jo'ne yataqachiñe qayaje'mec, qama'le yaloĝonalo ena'uaque naa'me ale'u lael choqoda'me 'lonaĝa'j jogaa'me.