Juan 5:15 - Nuevo Testamento Toba Sombrero Negro

¹⁵ Joga'me jiyaĝaua ec qama'le t'aqataĝanema jogaa'me najoĝola'te queda'me Jesús nach'eñe jo'ne yemegue q'aen.

Nuevo Testamento Toba Sur

¹⁵ Nachi se'eso shiÿaxaua jec da da'aqtaxanem na judiopi da nachiso so Jesús som nataden somayi co'ollaxa.

La'aqtaqa Ñim Lo'onatac 'Enauacna 2013

¹⁵ Nache se'eso ỹale jec da da'aqtaxanema soua lataxala'ate so judiopi da, nacheso So Jesús som nataren somaye co'ollaxa.

Juan 5:15 Referans Kwoze

Juan 4:29

—Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?

Juan 9:34

Qama'le male qo'enapega joñe'me: —Am jo'ne chiyoqochiñe joca'li aniyiñe da'me am loeco lo'o, qama'te ¿toqoch'e jetaque qo'mi auapaĝague'n? Qama'le ua'a ca'li male qoyamaĝaye qoyen ca'e ga'me lemaĝaiqui' jogaa'me judiopi.

Juan 9:30

Joñe'me jiyaĝaua 'yategueta: —Yataqachiñe yoĝoja'a da'me dojo' jo'ne auauoyi queda'me toqoch'e ja auayachiñe ga'me jo'ne chiyoĝogue, jojo' jiyaĝaua jo'ne nach'ejo 'me e'n 'youatedegue naa'me 'yae'te.

Juan 9:25

Joñe'me male 'yategueta: —Uotaĝa eja naq'aeta da'me loeco lo'o, qalaĝaja uotaĝa ja naq'aeta, qa'a onolec da'me jo'ne jayaten: da'me naqayem jo'ne jayem qanam joca'li qalaĝaja nayi male 'uo da'me yec'atenaĝanaĝac.

Juan 9:15

qama'le gaa'me fariseopi yena't joñe'me qanam: —¿Jach'e ga'me am qo'eetec joca'li da'me male aneloye? Qama'le joga'me male 'yategueta: —'Uo jo'me jiyaĝaua jo'ne yiyoĝolo'te jo'me jenal naa'me 'yae'te, qama'le da'me yem, male ñapi'l, qanach'e male ñeloye.

Juan 5:12

Qama'le yenatetedac: —¿Jach'e jo'me jo'ne am enapega: «Auachi na'me adetala' qama'le oc»?

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?

Marcos 1:45

Qalaĝaja mane'e ca'li ec ñe'me jiyaĝaua, qama'le paja'a 'yaĝatetac ga'me 'uo joca'li. Qo'che' ñe'me Jesús male ja yaqanatet da'me tauelo jogaa'me noyaqa, dite da'me p'aye nale ue'ta gaa'me ale'u jo'ne totapega'ajalo. Qalaĝaja ena'uaque gaa'me chiyaqapeguelo, yec'adeta joñe'me qaedi yauata nataq'aen naquiaĝata.

Juan 5:10

qama'le jogaa'me judiopi lajoĝola'te eedapega joga'me jo'ne yemegue: —Jenjo' nolo' jo'ne niyamaqatac, ja am 'te qoyaje'tem ta'le auachi na'me adetala'.

Juan 5:16

Chane'eja naqaeda da'me dojo' jo'ne yajouaĝadetem jogaa'me najoĝola'te male yecaatetedac ñe'me Jesús qaedi yala't, yajouaĝat da'me 'uo ga'me ye'et ca'li jo'me nolo' jo'ne niyamaqatac.

Juan 5:18

Chane'eja nach'eda da'me dojo' yajouaĝat jogaa'me judiopi lajoĝola'te ua'ajopa da'me ma'ejama'le yediaĝadelegue da'me jetaque yala't joñe'me Jesús, qa'a ja nach'edata da'me t'onataĝañgui ga'me nolo' jo'ne niyamaqatac, dite da'me eetapela't ena'am ñe'me Dios ca'li eetapega ñe'me Dios nach'eñe jo'ne yataqachiñe Let'a.