Juan 5:10 - Nuevo Testamento Toba Sombrero Negro

¹⁰ qama'le jogaa'me judiopi lajoĝola'te eedapega joga'me jo'ne yemegue: —Jenjo' nolo' jo'ne niyamaqatac, ja am 'te qoyaje'tem ta'le auachi na'me adetala'.

Nuevo Testamento Toba Sur

¹⁰ nachi na judiopi 'eetega som shiÿaxaua mayi no'oita, 'eeta': –Na na'a'q, namayi mataxaqui, qaq ÿoqo'oyi sa ishit da qaÿashin da 'am 'anallaguishiitac na 'adacanec.

La'aqtaqa Ñim Lo'onatac 'Enauacna 2013

¹⁰ Ỹoqo'oye huo'o so lataxala'pi na judiopi 'eetega som ỹale maye qanataren, 'eeta': –Na na'a'q, namaye mataxaqui, qaq ỹoqo'oye saishet da qaỹashen da 'am 'analleguisheetac na 'aracanec.

Juan 5:10 Referans Kwoze

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Lucas 6:2

Qama'le uo'oe gaa'me fariseopi jo'ne denataĝa'n: —¿Toqoch'e auauoyi ga'me jo'ne ja qoyajeta ta'le qoya'uo ga'me nolo' jo'ne niyamaqatac?

Lucas 13:14

Qalaĝaja ñe'me lejaliaĝanec ga'me nemaĝaiqui dalemata ca'li, qa'a Jesús en yemegue jañe'me yauo da'me nolo' jo'ne niyamaqatac, qama'le enapega ga'me jiyaĝadipi: —Uo'oe seis gaa'me noloqo'ote da'me jo'onataĝanaq. Chane'eja 'noota qom anec'achiuo naajo' noloqo'ote qaedi qoyen ademiyegue, qalaĝaja ena' di'me nolo' jo'ne niyamaqatac.

Marcos 3:4

Yem qama'le yena't jogaa'me laqaya': —¿Jach'e ga'me qoyajeta ta'le qoya'uo ga'me nolo' jo'ne niyamaqatac? ¿Qo'li qoyajeta ta'le qoye'tem ga'me 'noota jenjo' qadaqaya, uotaĝa ta'le qoye'tem ga'me ja no'en? ¿Qo'li qoyajeta ta'le qonec'alaĝategue ga'me 'loyaĝac, uotaĝa ta'le qoyapalaĝat? Qalaĝaja jogaa'me qaya'te nenaĝatedegue.

Marcos 2:24

Jogaa'me fariseopi yena't ñe'me Jesús ca'li: —¡Pega! ¿Toqoch'e daa'me adapaĝaguenataqa yauote ga'me jo'ne ja qoyajeta ta'le qoya'uo ga'me nolo' jo'ne niyamaqatac?

Juan 5:16

Chane'eja naqaeda da'me dojo' jo'ne yajouaĝadetem jogaa'me najoĝola'te male yecaatetedac ñe'me Jesús qaedi yala't, yajouaĝat da'me 'uo ga'me ye'et ca'li jo'me nolo' jo'ne niyamaqatac.

Juan 7:23

Da'me ami jetaque auepaqachiñichiguelo naa'me 'laqataqa ñe'me Moisés, chane'eja da'me ami male auañoĝochi da'me a'vichi ga'me 'nanaĝajet ga'me notolec, da'me te'me uetoue ga'me nolo' jo'ne niyamaqatac, qama'te ¿teua'atoqo' da'me jayem aualemataitapega queda'me yajouaĝat da'me 'loyaĝac ga'me jiyaĝaua da'me male jen yemegue da'me ñataden jo'me nolo' jo'ne niyamaqatac?

Lucas 23:56

Ca'li 'viyelaĝadeta ga'me 'lachaqa't, qama'le yiyamaĝateta'ajalo ga'me yoĝoqui' jo'ne davioĝo'n. Gaa'me yauo' 'nomatedegue ca'li ga'me nolo' jo'ne niyamaqatac, nach'e naq'aeta da'me lamaĝajoĝonaĝac joñe'me Dios.

Mateo 12:10

'Uo ñe'me jiyaĝaua uetaue ga'me, jo'ne qaqata ga'me louaq; qama'le queda'me yelotedaque ga'me chiyaqayi da'me 'uo ga'me lajouaĝajet ñe'me Jesús, yachimaĝadeta ca'li enapega'ajalo: —¿Qo'li qoyajeta da'me qoyen yemegue jenjo' jiyaĝaua jenjo' nolo' 'me niyamaqatac?

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?

Juan 5:11

Joga'me jiyaĝaua 'yateguet ca'li: —Jo'me jo'ne jayem yemegue q'aen jayem enapega: «Auachi na'me adetala' qama'le oc.»

Juan 5:15

Joga'me jiyaĝaua ec qama'le t'aqataĝanema jogaa'me najoĝola'te queda'me Jesús nach'eñe jo'ne yemegue q'aen.