Juan 4:42 - Nuevo Testamento Toba Sombrero Negro

⁴² Chane'eja t'aqataĝatem jañe'me yauo: —Nayi male ja nach'edata da'me jep'iyaqa joñe'me jouaĝat da'me jo'ne qo'mi a'uaĝatema, qa'a nayi mach'e qo'mi da'me jomachaĝa joñe'me, qama'le jayatenaq da'me yataqatelegue eja naqaeñe ñe'me jo'ne Lec'alaĝaiqui ena'uac ga'me jiyaĝadipi.

Nuevo Testamento Toba Sur

⁴² Nachi qoÿiitega aso 'alo, qoÿiita': –Nagui sa ishit da chaqdata da 'ad'aqtaxanaxac da sa'amaqtenaq, cha'ayi qomi' nataq'en maichi ñi'axaÿaxanaqtega somayi, qataq saÿajnaqta da somayi ÿoqta 'eesa da nachiso so nta'a som lca'alaxaqui nam shiÿaxauapi mayi huetalec ana 'alhua.

La'aqtaqa Ñim Lo'onatac 'Enauacna 2013

⁴² Nache somayepi 'eetega aso 'alo, 'eeta': –Nagui saishet da nachaqrata da 'ara'aqtaxanaxac da sa'amaqtenaq, cha'aye qomi' nataqa'en maiche ña'axaỹaxanaqtega damaye qataq saỹaanaqta da ỹoqta 'eesa da nachera da Nta'a Lca'alaxaqui nam shiỹaxauapi maye huetalec ana 'alhua.

Juan 4:42 Referans Kwoze

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Juan 1:29

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

1 Timoteo 4:10

Qama'le nayi nach'eda 'uo da'me qat'onatac nataq'aen qadeloiquiaĝac, qa'a jouaĝat da'me janemaĝam da'me qadeuataqataĝanaĝac joñe'me Dios jo'ne ja pal, jo'ne nach'eñe mach'e Lec'alaĝaiqui yema jena'me jiyaĝadipi, qama'le yataqata nec'alaĝatedegue jogaa'me jo'ne p'iida'a joñe'me.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 4:29

—Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Juan 11:17

Da'me yovita, Jesús yauana qaale joote cuatro jaa'me noloqo'ote da'me Lázaro uetaue jaga'me napa'l lae't.

Mateo 1:21

María 'uo qomle ga'me c'oĝot, qama'le auen lenaĝat Jesús qomle. Naq'aeta da'me lenaĝat qa'a nec'alaĝatedegue qomle gaa'me jiyaĝadipi chiyoĝotauelo jodaa'me loeco.”

Juan 4:41

Qama'le yitaĝa qayoĝode' gaa'me p'iida'a joñe'me queda'me domachiyalo naa'me mach'e 'laqataqa.

Hechos 5:31

Dios yañijeguem qama'le yana'ña na'me yayaten, qama'le en najoĝola' nataq'aen nec'alaĝaiqui qaedi ga'me Israel c'oqo'tepi 'viyelaĝadeta ñe'me Dios qama'le yacoteguet da'me qoyapalaĝa't daa'me loeco.

Hechos 13:23

Ga'me chiyaqayi ñe'me David mach'e Jesús, nach'ena Dios Lamaĝajec qaedi nec'alaĝatedegue ga'me israelpi, naq'aeta da'me joote yaqataĝañi da'me 'laqatac ca'li.

1 Juan 2:2

Jesucristo nach'eñe jo'ne nemenegueta ena'uac daa'me qadoeco ca'li yeleu, qaedi naa'me qadoeco male qoyapalaĝa't, nataq'aen ja nach'e qo'mita dite da'me yema gaa'me aleua laje'pi.