Juan 4:34 - Nuevo Testamento Toba Sombrero Negro

³⁴ Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Nuevo Testamento Toba Sur

³⁴ Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

La'aqtaqa Ñim Lo'onatac 'Enauacna 2013

³⁴ Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Juan 4:34 Referans Kwoze

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Juan 5:30

“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Juan 17:4

“Jayem joote am 'ñonaĝachichigui da'me cha'li joue'ta jena'me jenjo' aleua, nataq'aen joote jomat da'me jo'ne jayem auamaĝalo'te.

Juan 19:30

Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

Mateo 26:39

Paja'a Jesús yec'ata ga'me qaya'ta, qama'le naĝañi chayovida'a yeda'aguet jena'me aleua jaga'me nepe, qama'le enaac da'me netamen: “Am Taĝadena', qom naq'aeta da'me aviyamaĝaden, ¡jayem auachiyoĝotaue da'me dojo' yachoĝodec! Qalaĝaja 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

Juan 5:36

Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

Juan 4:32

Qama'le enaac joñe'me: —Jayem joote jeque'e, jalic da'me jo'ne ja auatetoñi.

Lucas 19:10

Qa'a jayem jo'ne Jiyaĝaua Lec'oĝot ñanaequena qaedi ñemitaque ga'me jo'ne yejomac nataq'aen ñec'alaĝategue joga'me.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Lucas 15:10

Ami ja'aĝatema queda'me nach'e ena'am jalcote da'me lamai'j joñaa'me piyem laje' jouaĝat ga'me onolec loeco lo'o jo'ne 'niyeloqot joñe'me Dios.”

Hechos 20:35

Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

Juan 6:33

Qa'a jaga'me pan jo'ne chiyaqayi joñe'me Dios, nach'eñe jo'ne nenochiñe joca'li da'me chiyoĝogue di'me piyem, qama'le nataq'aen da'me ya'uo da'me lec'alaĝa'j jogaa'me jiyaĝadipi.

Mateo 3:15

Jesús 'yateguet: —Cha'li auomachi'ta da'me dojo' nayi, qa'a chimaqachiñe da'me qolaqa'tegue ga'me Dios damaĝajoĝolegue. Chane'eja Juan male domachi'ta.

Lucas 2:49

Jesús 'yategueta jogaa'me: —¿Toqoch'e jayem aueloyitaque? ¿Ja auayachiñeyac joona queda'me jouetaue jena'me Taĝadena' 'lemec?

Juan 8:29

Qa'a ñe'me Taĝadena' jo'ne jayem namaĝaquena nach'e eta't da'me jayem ue'tajop; nataq'aen da'me ja jayem 'te yejamaĝat, qa'a da'me jayem nach'e eta't ja'uo da'me jo'ne 'yamaqaten joñe'me.

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Mateo 9:19

Jesús ec, qama'le nach'e ena'am naequetapegue'to jogaa'me lapaĝaguenataqa.