Juan 4:1 - Nuevo Testamento Toba Sombrero Negro

¹ Joga'me fariseopi male nomeda'a da'me jo'ne Jesús male qayoĝode' jogaa'me quetegue nataq'aen da'me qayoĝode' jogaa'me jo'ne nachilaĝa'n, qama'le ja ena'am ñe'me Juan

Nuevo Testamento Toba Sur

¹ Na fariseopi mashi ÿaÿaten da so Jesús nquictauec na lataxanatacpi qataq napacalec so Juan na lachilaxanatacpi.

La'aqtaqa Ñim Lo'onatac 'Enauacna 2013

¹ Na fariseopi co'ollaxa ỹaỹaten da So Jesús nquictauec na lataxanatacpi qataq napacalec so Juan na lachelaxanatacpi.

Juan 4:1 Referans Kwoze

Juan 3:26

qama'le yec'adeta joñe'me Juan gaa'me lapaĝaguenataqa qaedi qot'aqataĝanem: —Am paĝaguenataĝanaĝaic, jo'me jo'ne am ue'tajop ca'li oue'ta di'me lajego di'me Jordán, jo'me jiyaĝaua jo'ne qo'mi a'uaĝatapema, joote dachilaĝanataĝatac, nataq'aen ena'uaque joga'me jiyaĝadipi quetegue joñe'me.

Juan 3:22

Ca'li yem da'me dojo', qama'le Jesús ec, lequiaĝa'u jogaa'me lapaĝaguenataqa da'me dajotegue ga'me aleua jo'ne Judea, di'me jo'ne ue'tague ñe'me Jesús da'me dachilaĝanataĝatac.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

1 Corintios 15:47

Ga'me 'uaeñe jiyaĝaua qoyachiyoĝotaye ga'me lojoche jena'me aleua ca'li qoye'et nataq'aen chiyaqaue jena'me aleua; ñe'me jiyaĝaua jo'ne p'ategue, nach'eñe Cristo, qamqa'me chiyaqaje'ma di'me piyem.

1 Corintios 2:8

Qaya'te onolec gaa'me jo'ne nejaliaĝatedelegue jena'me aleua ta'le yayaten dojo' nayatenaĝanaĝac; ta'che joote yayate'n, qama'le ja yanetedaye jaga'me sodoso da'me yala't ñe'me Jaliaĝanec jo'ne naqaeñe netaue da'me 'lonaĝac ñe'me Dios.

Hechos 10:36

Dios dojapegue'to ca'li jogaa'me israelpi c'oĝo'tepi, yechoĝotetapema da'me 'naqataĝanaĝac jo'ne 'nemaĝac 'me chiyaqayi ñe'me Jesucristo, mach'e Lejaliaĝane'j yema ga'me jiyaĝadipi.

Apocalipsis 19:16

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Santiago 2:1

Ami yaqaya'olqa, da'me auep'iiya'a ñe'me Qadejaliaĝanec Jesucristo jo'ne 'uo da'me 'lonaĝa, ena'te jetaque auauoyi adiquiyaĝanaĝaqui ga'me onolec adaqayai, qom ja nach'e ena'ama gaa'me adaqayadi' laqaya'.

Lucas 2:11

Nayi niyi'ña di'me David 'lachaqa' ñe'me adec'alaĝaiqui, nach'eñe Jaliaĝanec jo'ne Dios Liquiyac.

Lucas 19:34

Jogaa'me 'yategueta: —Qa'a ñe'me Jaliaĝanec cada'ac youetaque.

Lucas 19:31

Nataq'aen qom 'uo gamachaqaega ami yena't queda'me toqoch'e auejoyiye, qama'le a'uaqataĝañem, aueñe'tae: «Ñe'me Jaliaĝanec cada'ac youetaque.»

Lucas 1:76

Qama'le, am yalec, am qoyenaqatenec qomle 'laqataĝanaĝanec ñe'me Dios 'me p'ajaye, Qa'a a'uauta, am dajoyalegue ñe'me Jaliaĝanec qaedi a'ueteta'ajalo gaa'me ladico,

Lucas 7:13

Ca'li ñe'me Jaliaĝanec yauana jaga'me p'ai, 'uo da'me lichoĝodenataĝanaĝac qama'le dojapegue' jaga'me: —Ena'te anoyen.

Lucas 7:19

qama'le yamaĝata ñe'me Jaliaĝanec qaedi yachimaĝadeta: “¿Qo'li naqa'am da'me am jeuataqataque, uotaĝa jeuataqataque ga'me jiyaĝaua laqaya?”

1 Corintios 1:17

Qa'a Cristo ja jayem 'te yamaĝalegue qaedi ami ñachilaĝa'n, dite da'me ami ja'aĝatema da'me onaĝaic 'naqataĝanaĝac. Qalaĝaja naa'me 'yaqataqa ja chiyaqayilo gaa'me jiyaĝaua layatenaĝanaĝaco, qaedi ja yejamaĝajaye da'me leleuaĝa ñe'me Cristo ca'li qoyep'enaje'mec jaga'me sodoso.