Juan 3:36 - Nuevo Testamento Toba Sombrero Negro

³⁶ Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Nuevo Testamento Toba Sur

³⁶ Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

La'aqtaqa Ñim Lo'onatac 'Enauacna 2013

³⁶ Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 3:36 Referans Kwoze

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 1:12

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

1 Ts 5:9

Qa'a joñe'me Dios ja qo'mi 'te yiyaĝanalo qaedi qo'mi dalemata'yalo, dite da'me jaconaĝaguet da'me nec'alaĝa 'me chiyoqo'ot ñe'me mach'e Qadec'alaĝaiqui Jesucristo.

Efesios 5:6

Ena'te anejeñeta ta'le ami qoyoqovi'n da'me qom ami qoyanema gaa'me 'naqataqa jo'ne ja ejoda, qa'a chiyaqayilo naa'me naajo' noqovinaĝaco, joñe'me Dios dalemata'yalo jo' qomle gaa'me ja yoqochideta.

Romanos 5:9

Qama'le nayi, Dios joote qo'mi e'n yataqatelo'te q'ae'n chiyaqayi da'me yeleu ca'li ñe'me Cristo, qama'le p'ajaye eja da'me qo'mi qonec'alaĝatedegue ga'me nolo' p'ategue 'me 'uo da'me nec'atenaĝanaĝac jo'ne na'ya q'aen joñe'me.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Apocalipsis 21:8

Qalaĝaja jogaa'me jo'ne qolanaqaiquipi choqoga'me qoleguetaĝanaĝaiquipi, nataq'aen gaa'me jo'ne qodaqaequeda'a, choqoga'me lataĝanaĝaiquipi nach'e ena'am da'me quejeguetaĝaiquipi nataq'aen gaa'me jo'ne yeda'n gaa'me laqaya', choqogaa'me jo'ne netametot nale ga'me nequi'i, choqoga'me ena'uac joga'me pecaiquipi, yema jogaa'me yovidedeta qomle da'me qoyajaĝadiñgui jaga'me limaĝañi jo'ne uetañgui ga'me dole' let'adaic, jo'ne nach'ega 'me neleuaĝa jo'ne p'ategue.

1 Ts 1:10

choqoda'me auache'ta joñe'me Jesús da'me 'niyelaq, chiyaqa'ague jodi'me piyem, nach'eñe jo'ne Dios Lec'oĝot 'me mach'e Dios nec'alaĝachijeguem ca'li. Jesús nach'eñe qo'mi nec'alaĝatedegue qaedi ja qo'mi 'te nedalo'te da'me t'adaic ne'uaĝanague'j ga'me jiyaĝadipi jo'ne na'ta.

Gálatas 3:10

Qalaĝaja gaa'me jo'ne que'teguelo daa'me namaĝajoĝonaĝaco da'me jetaque t'onataĝadeuo'o ñe'me Dios, jogaa'me ena'am ta'le dajoteda'ague ga'me 'uo da'me lichic, qa'a gaa'me nedii's enaac: “Dios ye'uaĝa'n qomle ena'uaque gaa'me jo'ne ja que'teguelo yema daa'me namaĝajoĝonaĝaco.”

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Lucas 3:6

Qama'le yema gaa'me jiyaĝadipi yauana qomle da'me lec'alaqataĝanaĝac ñe'me Dios jo'ne nedo'quena.»”

Hebreos 10:29

Qama'le nayi, ¿qo'li ja yaguegue ga'me ne'uaĝanague'j qoyen jogaa'me jo'ne 'yota'n ñe'me Dios Lec'oĝot? Qa'a nach'egaua gaa'me jo'ne ja 'yamaqate'n jaga'me letauo' joñe'me, nach'aga jaga'me letauo' jo'ne naliñi qoyen joca'li qaedi en yepaquichigui da'me 'namaqatenataĝanaĝac dalaĝaic, qama'le en qoyapalaĝa't gaa'me qadoeco. Nach'e ena'am jogaa'me ye'uetedac ñe'me Dios Lepaqal jo'ne qo'mi yichoĝode'tape.

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Romanos 4:15

Qa'a daa'me namaĝajoĝonaĝaco ch'e qo'mi neda'alo ga'me qane'uaĝanaguec; qalaĝaja ga'me ua'a da'me qaya'te namaĝajoĝonaĝac, nach'e ena'am ua'a da'me qonepaten ga'me damaĝajoĝolegue ga'me naqataĝacopi.

Lucas 2:30

Qa'a yataqachiñe jauana da'me dojo' adec'alaqataĝanaĝac

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Juan 4:36

Jogaa'me jo'ne dapogaĝa'n yacoteguet da'me nejetenague'j, qama'le ga'me lapogue'j 'me yapotena't nach'egaua ga'me jiyaĝadipi jo'ne 'uo da'me 'loyaĝa'j jo'ne ja 'naidena'a, qaedi gaa'me jo'ne danaĝa'n nataq'aen gaa'me jo'ne dapogaĝa'n nalo'ta't da'me made'tapolqa.

Juan 6:58

Naqayem jo'ne pan 'me jachiyoĝogue di'me piyem, jayem jo'ne pan 'me ja jena'am jaga'me maná jo'ne yali'j joca'li jodia'me jo'ne auachiyoĝoyegueta 'me mach'e adet'aldi': jodia'me yali'j joca'li jaga'me maná qalaĝaja nach'e ena'ama da'me yele'u. Qalaĝaja nayi male ja ena'am: jogaa'me jo'ne yali'j jenjo' yapat, nach'egaua jo'ne 'uo da'me 'loyaĝac 'me qaya'te loiquiaqa'.

Hechos 14:2

Qalaĝaja joga'me judiopi jo'ne ja p'iida'a en nautenaĝanegueta ga'me ja judiopi jogaa'me qadaqaya'olqa.

Hebreos 3:18

Qama'le ¿jach'e jogamaĝa 'yaĝatema joñe'me Dios da'me ja yaqanate't ta'le yenoĝodoue di'me mach'e 'nomataqa'? Nach'egaua jo'ne ja yoqochideta joñe'me.

Hebreos 3:19

Qama'le joote jayatenaq da'me ja yaqanate't ta'le yenoĝodeuo ca'li jogaa'me, yajouaĝat da'me qaya'te lepe'e'.