Juan 3:19 - Nuevo Testamento Toba Sombrero Negro

¹⁹ Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Nuevo Testamento Toba Sur

¹⁹ Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.

La'aqtaqa Ñim Lo'onatac 'Enauacna 2013

¹⁹ Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Juan 3:19 Referans Kwoze

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

2 Ts 2:12

qaedi jogaa'me male qoye'n tadoue da'me ne'uaĝanague'j let'adaic, yema jogaa'me jo'ne ja yacoteguet da'me eja, dite da'me quetedapegue' da'me ja chimaqachiñe.

Romanos 2:8

Qalaĝaja yedolo'te da'me lalemataic ñe'me Dios da'me ya'uo ne'uaĝanague'j joga'me qoleguetaĝanaĝaiquipi nataq'aen gaa'me ja yoqochideta da'me yataqatelegue dite da'me yauote da'me ja no'en.

Juan 12:43

Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

Romanos 1:32

Jogaa'me yataqachiñe joote yayate'n queda'me Dios yauo'oe gaa'me 'laqataqa queda'me qom 'uo ga'me 'ye'tape naa'me naajo' ja qoyiyamaĝade'n, qama'le qoya'uo da'me nalataguec. Qalaĝaja jogaa'me taqaedita da'me quetedalegue da'me 'yetetedac da'me ja no'en, chayovida'a machidiñe q'ae'n da'me yeloteda'a ga'me laqaya da'me nach'e ena'am ye'tetac ga'me ja no'en.

Juan 5:44

¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

2 Pedro 3:3

Qama'le 'noota qom ena'uac da'me ami yataqata auayachiñe nataq'aen da'me anetoviñetaque da'me dojo': jogaa'me noloqo'ote jo'ne p'atedegue qama'le novi't qomle ga'me jiyaĝadipi jo'ne quetapegue'to jogaa'me ja 'noe'n jo'ne mach'e lamaico, choqoda'me e'n le'uenaĝanaĝaco

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Lucas 12:47

“Ñe'me nalemaĝajet jo'ne yayaten ga'me yepaquetapega ñe'me ladipa, qalaĝaja maliaĝa ja niyamaĝateta't nataq'aen ja yoqo'cha, joga'me yataqachiñe jalcote da'me qoye'uaĝan.

1 Pedro 2:8

Qama'le nach'e ena'am jenjo' 'naqatac laqaya eet'oi: “Nach'ena na'me qa' jo'ne en dapolegaĝa'n ga'me jiyaĝadipi, Na'me qa' jo'ne en 'naqadiñe jogaa'me.” Qa'a jogaa'me dapolegaĝa'n yajouaĝat da'me ja yoqochideta na'me 'naqataĝanaĝac. Qama'le nach'eda da'me jo'ne chiyaqayi da'me ne'uaĝanague'j.

Juan 7:7

Jogaa'me aleua laje'pi ja ami 'te nouelatapegalo, qalaĝaja da'me jayem qamqa'me 'uo da'me nouelaqataĝanaĝac, qa'a da'me jayem jechoĝotema naa'me ja 'noe'n jo'ne 'lonataqa.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Lucas 16:14

Jogaa'me fariseopi jo'ne nach'egaua naequetedapegue' jana'me laicaua domachita yema da'me dojo' qama'le ye'uetedac ñe'me Jesús.

Juan 1:5

Da'me dojo' lauaq da'me necoyadaĝanaĝat en yoqochiñe q'aen ga'me 'lalaĝa, qama'le da'me 'lalaĝa ja yaqanatet ta'le 'yomaĝat da'me yoqochiñe.

Juan 9:5

Nayi da'me yatemaliaĝa joue'ta jenjo' aleua queda'me jayem jo'ne aleua laje'pi lecoyadaĝanaĝat.

Juan 12:31

Nayi male 'uo da'me nec'ateneguec jena'me aleua laje'pi, male qoyamaĝaye ñe'me jo'ne damaĝajoĝonac jena'me aleua chayovida'a nayi.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.