Juan 21:22 - Nuevo Testamento Toba Sombrero Negro

²² Jesús 'yateguet joñe'me: —Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten? Da'me am, nach'edata da'me adema'a da'me jayem oquegue.

Nuevo Testamento Toba Sur

²² Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

La'aqtaqa Ñim Lo'onatac 'Enauacna 2013

²² Nache So Jesús 'enapeco': –Da Aỹem ñeshetaique da namaye nache 'eetai' da nca'altauec, choche ivitta'a qom Aỹem ñe'eguelaq, qaq ¡'aua'aqta'a qome namaye, saishet da 'atapegueua'a! 'Am, qalaxaye Aỹem qoquegue.

Juan 21:22 Referans Kwoze

Marcos 9:1

Jesús dojapegue'to ga'me jiyaĝadipi: —Eja da'me ami ja'aĝatema queda'me uo'oe gaa'me nayi ueteda'a jena'me jenjo', cha'li ja yele'u chayovida'a qom yauata da'me lovidaĝac da'me lejaliaĝa joñe'me Dios choqoda'me lañoqotaĝanaĝac.

Apocalipsis 2:25

nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

Apocalipsis 3:11

Jayem paja'a da'me ñanac qomle, qama'le 'noota qom aviyamaĝachetac da'me jo'ne joote ami uetauelo, qaedi qaya'te 'uo ga'me yaqanatet ta'le deuodaĝanec da'me adomataĝanaĝachi.

Santiago 5:7

Qalaĝaja ami yaqaya'olqa, 'noota qom ami ue'tajopa da'me anapogaĝadenaĝaqui, chayovida'a da'me qom male novitequena joñe'me Jaliaĝanec. Qama'le nach'e ena'am jogaa'me jo'ne neteda'ña ga'me 'nonaĝa queda'me yeuateteda'a da'me jetaque yapotena'ajalo da'me nejalayaĝac jo'ne onaĝaic, ga'me jo'ne mach'e lane'j, qama'le yeuateteda'agueta gaa'me noloqo'ote jo'ne male 'uo nale ga'me uotep.

1 Corintios 11:26

Chane'eja, chayovida'a qom 'niyelaq ñe'me Jaliaĝanec, nale yovita da'me jaliguinaq ga'me pan nataq'aen nale ñiyomaĝaye jaga'me yomaĝaiqui, nach'eda ja'aĝataqatac queda'me nach'eñe ñe'me yeleu ca'li qaedi qo'mi nec'alaĝatedegue.

Juan 21:19

Da'me 'yaĝatem da'me dojo', ñe'me Jesús yayatenaĝanaĝanec ñe'me Pedro da'me eeta qomle da'me leleuaĝa jo'ne chiyaqayi da'me qo'nonaĝachigui ñe'me Dios. Ca'li yem da'me jo'ne 'yaĝatem qama'le uaqata joñe'me, enaac: —¡Jayem oquegue!

Mateo 24:44

Chane'eja 'noota qom yataqata aniyamaĝacheta't, qa'a jaga'me hora qom male ja auenache'ta, male yitaĝa ñovi'.

Apocalipsis 22:20

Joñe'me jo'ne 'yaĝatetac da'me dojo', eetac: —Eja da'me jayem paja'a da'me 'ñiyelaĝaquena qomle. Qama'le nach'e naq'aeta da'me dojo'. Am Jaliaĝanec Jesús, ¡Auanaequena!

Apocalipsis 22:7

“Chane'eja da'me jayem paja'a da'me yitaĝa 'ñiyelaq qomle, qama'le matac ga'me jo'ne yoqocha'alo naa'me 'naqataqa jo'ne napaĝaguenataĝanaĝaco, naa'me jo'ne qoyedidiñe 'me uetedalegue janjo' nede.”

Apocalipsis 1:7

¡A'vicheta't! ¡Cristo na'taquena qomle da'me nalegue ga'me piyem lo'oc! Qama'le yema ga'me jiyaĝadipi male yauata, Chayovida'alo jogaa'me nalatoqo't nach'e ena'am da'me yauata joñe'me; Qama'le yema joga'me jiyaĝadipi jo'ne uedalegue jena'me aleua male 'uo da'me lachoĝode'j yajouaĝat joñe'me. Chane'eja naq'aeta da'me dojo'. Jaja'a, nach'e naq'aeta da'me dojo'.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Mateo 24:27

Qa'a ena'am ga'me laqaselegaĝa di'me piyem, mane'e da'me edañgui yicoyadelo'te naa'me lael di'me piyem, nach'e naq'aeta qomle jayem jo'ne Jiyaĝaua Lec'oĝot ga'me nolo' da'me 'ñiyelaĝaquena.

Mateo 24:3

Yem qama'le yec'adeta di'me qajoĝonaĝa 'me Olivo Lichidijat. Jesús ñiyiñe ca'li yejamache' gaa'me lapaĝaguenataqa qama'le yachimaĝadeta joñe'me: —Jetaque qo'mi a'uaĝatema jach'e ga'me ua'a qom yepacalegue da'me dojo'. ¿Jach'e jogamaĝa at'anec qomle da'me at'iyelaĝajoĝoc nataq'aen da'me loiquiaqa'yaĝac jena'me aleua?

Mateo 8:22

Qalaĝaja Jesús 'yateguet: —Jayem oquegue, qama'le auomachiya'alo ga'me napa'lpi qaedi mach'e yijediñi gaa'me yele'u.

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

Juan 21:21

Mane'e joca'li Pedro yauana, qama'le yenatec joñe'me Jesús: —Jaliaĝanec, qama'le da'me dojo', ¿jach'e jogamaĝa eeta qomle?

1 Ts 2:19

Qalaĝaja, ¿jach'e ga'me mach'e qaneuatoqo't, uotaĝa mach'e qadamaic, chayovida'a ga'me chiyaqayi ga'me ñetonaqata't, nale qo'mi yec'ate'tape joñe'me Qadejaliaĝanec mach'e Jesús jo' qomle male 'niyelaq? Qom ja naqa'ami, ¿teua'atoqo' ta'le 'uo ga'me jiyaĝaua laqaya ta'le eetapega naqaega male qoyichoĝoden?

Santiago 5:8

Qama'le nach'e ena'am da'me ami 'noota qom 'uo da'me adeuataqataĝanaĝaqui choqoda'me nach'e eta't da'me adachimaqaetegue, qa'a joñe'me Jaliaĝanec paja'a da'me yitaĝa 'niyelaĝaquena qomle.