Juan 21:18 - Nuevo Testamento Toba Sombrero Negro

¹⁸ Am ja'aĝatem da'me eja: da'me chiyoqotelegue da'me am nejoqolec, mach'e ane'tela't da'me auaidiñe jogaa'me adeuo qaedi auajoyi ga'me jo'ne a'uamaqaten. Qalaĝaja qom male am 'yaĝaicachigui, qama'le am qoyeladelegue da'me nacoloĝodegue naa'me adoua' qaedi ga'me jiyaĝaua laqaya am yanayelo ga'me adeuo, qama'le am yauegue qom'te ga'me jo'ne ja jetaque auajoyi.

Nuevo Testamento Toba Sur

¹⁸ Qaq ÿataqta 'eesa de'eda 'am sa'axatem nagui, da co'ollaq ñaq 'am nsoqolec, qalaq 'am maichi 'ai'aayiñi naua 'ogo da 'an'ot qataq 'am maichi 'oiqueetac ca 'aigue. Qalaxayi da ivita da 'am ÿi'axaiquiolec, nachi 'am 'ai'aatrauec naua 'adhua'q, qaq ÿaqa'a ca 'am n'otaxanaxan, qataq 'am qaÿaueegue cam sa ishit da ÿoqta 'atapeegue.

La'aqtaqa Ñim Lo'onatac 'Enauacna 2013

¹⁸ Qaq ỹataqta 'eesa de'era 'am sa'axatem nagui, da co'ollaq ñaq 'am nsoqolec, qalaq 'am maiche 'aỹa'aayiñi naua 'ogo da 'ano'ot qataq 'am maiche 'oiqueetac cam 'aigue. Qalaxaye da ivita da 'am ỹa'axaiquiolec, nache 'am 'aỹa'aatrauec naua 'arhua'q qataq ỹaqa'a ca 'am no'otaxanaxan, qataq 'am qaỹaueegue cam saishet da ỹoqta 'atapeegue.

Juan 21:18 Referans Kwoze

Juan 13:36

Qama'le joñe'me Simón Pedro yenat joñe'me Jesús: —Jaliaĝanec, ¿jach'e joga'me auajoyi? 'Yateguet joca'li ñe'me Jesús, enaac: —Ga'me jajoyi nayi, maliaĝa ja auaqanatet ta'le jayem oquegue, qalaĝaja qomle male cop'a qama'le yemta jayem oquegue.

Hechos 21:11

Mane'e da'me qo'mi yovitalo, naqat ga'me najataĝaiqui ñe'me Pablo, qama'le yecoñetec ñe'me naa'me loua' nataq'aen naa'me lapia'te, qama'le enaac: —Joñe'me Dios Lepaqal 'yaĝatetac joga'me judiopi jo'ne 'lachaqa't di'me Jerusalén queda'me naq'aeta da'me yecoñe't qomle ga'me loĝot jena'me jataĝaiqui, qama'le qoyanouelo qomle ga'me jiyaĝadipi jo'ne ja 'lachaqa'tena.

2 Corintios 5:4

Tamaliaĝa cha'li jouaqataue jena'me qat'emec 'me nach'ena qadapat, 'uo da'me qo'mi totelo'te nataq'aen qadeliñi. Ja naqaeda ta'le jetaque qadeleu, dite da'me jepagaqatapega ta'le qoyeleguemaĝat da'me toijec qat'oyaĝac, qaedi da'me qat'oyaĝac qoyen ta'ya ga'me 'noyaĝac nec'aletaye 'me ja yitaĝa pal.

Lucas 12:37

Made'tapolqa gaa'me nalemaĝaje'te jo'ne nelotedaye qom yejomalo'te ñe'me ladipa' da'me yovi'. Eja da'me ami ja'aĝatema queda'me en ñidiñe jogaa'me, qama'le mach'eñe yanouelo ga'me niqui'yaĝat.

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Juan 21:19

Da'me 'yaĝatem da'me dojo', ñe'me Jesús yayatenaĝanaĝanec ñe'me Pedro da'me eeta qomle da'me leleuaĝa jo'ne chiyaqayi da'me qo'nonaĝachigui ñe'me Dios. Ca'li yem da'me jo'ne 'yaĝatem qama'le uaqata joñe'me, enaac: —¡Jayem oquegue!