Juan 20:23 - Nuevo Testamento Toba Sombrero Negro

²³ Qama'le qom auapalaĝachi' naa'me loeco ga'me jiyaĝaua, qama'le naa'me loeco yataqata qoyapalaĝa't, Dios ja yitaĝa yauanalo naa'me. Qalaĝaja qom ja auapalaĝachi', qama'le ja qoyapalaĝa't naa'me loeco joga'me, Dios maliaĝa yauanalo.

Nuevo Testamento Toba Sur

²³ Qaq cam qami' qauapalaxachi na lasouaxashitpi, nachi camayi qaÿapalaxat na lasouaxashitpi. Qaq cam sa ishit da qauapalaxachi na lasouaxashitpi, nachi camayi sa ishit da qaÿapalaxat na lasouaxashitpi.

La'aqtaqa Ñim Lo'onatac 'Enauacna 2013

²³ Qaq cam qami' qauapalaxache na lasouaxashetpi, nache Ñim Lo'onatac 'Enauacna ỹapalaxat na lasouaxashetpi. Qaq cam saishet da qauapalaxache na lasouaxashetpi, nache Ñimaye saishet da ỹapalaxat na lasouaxashetpi.

Juan 20:23 Referans Kwoze

Mateo 18:18

“Dojo' ami ja'aĝatema, qom dojolqa ami adaloi'ta't jena'me jenjo' aleua qom 'uo ga'me aviyaĝañiyaque nale anetameñi, ñe'me Taĝadena' 'me na'ague di'me piyem ami yanema.

Mateo 16:19

Am janema qomle ga'me lo'ol da'me qo'youategue joda'me lejaliaĝa di'me piyem; ga'me auecoñe' 'me ue'ta jena'me aleua, nach'e ena'am qoyecoñedeta't da'me daja' piyem, nataq'aen ga'me auejoye 'me ue'ta jena'me aleua, nach'e ena'am qoyejotañe da'me daja' piyem.

1 Timoteo 1:20

Daajo' yajouaĝat jaa'me Himeneo choqoñe'me Alejandro, qama'le naajo' jamaĝalo'te joñe'me payac Satanás, qaedi male yataqata yayate'n queda'me ja 'noota qom ch'e ye'uetedac joñe'me Dios.

Hechos 10:43

Ena'uaque dia'me Dios 'laqataĝanaĝanaqa joote 'yaĝatetedac ca'li ñe'me Jesús, nataq'aen joote 'yaĝate'tape gaa'me jo'ne p'iida'a ñe'me Jesús queda'me joñe'me nach'eñe yapalaĝa't jodaa'me loeco.”

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

1 Corintios 5:4

Qom ademiya'a't, da'me ami jo'ne ademii'teguet ñe'me mach'e Qadejaliaĝanec Jesús, qama'le nataq'aen da'me yeuelyaĝac ami uetauelo, qama'le jaconaĝaguet da'me lañoqotaĝanaĝac ñe'me Qadejaliaĝanec Jesús

Efesios 2:20

Da'me ami aueñiya'am ga'me lae ga'me emec let'adaic jo'ne qo'noĝotapejeguem, qama'le quetede'egue jogaa'me ledii's gaa'me paĝaguenataĝanaĝayaqa 'uaediñe jo'ne Jesús lamaĝa's nataq'aen gaa'me Dios 'laqataĝanaĝanaqa, qama'le nach'eñe joñe'me Jesucristo jo'ne ena'am ga'me qa' 'me t'añiyapeguet ga'me emec.

Juan 20:22

Qama'le yepetetouelo jogaa'me, qama'le enaac: —¡Auacoñiyeguet joñe'me Dios Lepaqal!