Juan 20:17 - Nuevo Testamento Toba Sombrero Negro

¹⁷ Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Nuevo Testamento Toba Sur

¹⁷ Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

La'aqtaqa Ñim Lo'onatac 'Enauacna 2013

¹⁷ Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Juan 20:17 Referans Kwoze

Juan 16:28

Eja da'me joote jeca'e di'me lejaliaĝa ñe'me Taĝadena' qaedi ñec'ata jenjo' aleua, qama'le nayi jeca'e jenjo' aleua qaedi ji'iyelaĝa joñe'me.”

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Apocalipsis 21:3

Qama'le jomachiya ga'me 'naqatac jo'ne yejam, chimaqapicot jaga'me je'onaĝaiqui jo'ne eetac: —Piiya: joñe'me Dios male en 'lemec jena'me 'lachaqa't joga'me jiyaĝadipi. Joñe'me male uetauelo jogaa'me, qama'le e'n jogaa'me mach'e 'lachaqadiaĝa'upi. Qa'a nach'eñe joñe'me Dios male ne'tajopa jogaa'me.

2 Corintios 6:18

Jayem Adet'ai qomle qama'le ami yalaqapi qomle nataq'aen yalelpi. Dojo' jayem ja'aeñi, jayem Anedios 'me ñapacalegue ena'uac.”

Romanos 8:29

Jogaa'me jo'ne joote latetoñii's ñe'me Dios joca'li, jogaa'me yanema da'me chiyoqochiñe eda'am ñe'me Lec'oĝot, qaedi ñe'me Lec'oĝot nach'eñe nepiloĝot da'me yataqata jalcote joga'me lanoqolqapi.

Juan 17:25

Am Taĝadena' jo'ne am yataqatelegue, joga'me aleua laje'pi ja am 'te yateto'n, qalaĝaja jayem qamqa'me am jateton qama'le naa'me naajo' male yayate'n da'me naqa'am jo'ne jayem anamaĝaquena.

Mateo 28:7

Jamoyi nataq'aen a'uaqataĝañema gaa'me lapaĝaguenataqa joñe'me: «¡Joote 'niyelaĝajeguem! Qama'le yec'ata di'me Galilea qaedi yitaĝa ami yemata'a't. Naqaedi di'me ua'a da'me auañiya qomle.» Naq'aeta da'me 'yaqatac 'me ami ja'aĝatema.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Apocalipsis 21:7

Gaa'me yaqanate't da'me noma't naa'me ja 'noe'n, nach'egaua jo'ne yacoteguet qomle yema da'me dojo' jo'ne qoyen lomataĝanaĝa'j, qa'a naqayem mach'e Nedios, nataq'aen jogaa'me mach'e yalaqa.

Hebreos 8:10

Qom male yenoĝodegue jogaa'me noloqo'ote Qama'le naq'aeta da'me 'yamaqatenataĝanaĝac Qaedi ñiyamaĝadenegueta jogaa'me lec'oqo'tepi ñe'me Israel: Janauelo qomle naa'me laqai'go daa'me yamaĝajoĝonaĝaco, Qama'le jedelo'te jogaa'me lai'li; Qa'a naqayem jo'ne mach'e jayem Nedios, Chane'eja joga'me jiyaĝadipi nach'egaua jo'ne mach'e ñejoĝonaqapi.

Juan 20:27

Mane'e ca'li yem da'me nenaĝategue, qama'le enapega joñe'me Tomás, enaac: —Auec'ate'n naa'me youa' qama'le auejetoue jana'me adiaĝata jenjo' liiuo jo'me clavo, nataq'aen auejetoue na'me adouaq jenjo' yae, jo'ne liiuo jajo'me miyoĝo. Ena'te auoqoleguet, ¡dite da'me auep'iya'a!

Juan 17:5

Nayi, am Taĝadena', jayem a'nonaĝachichigue da'me am jona'ajop, qaedi yitaĝa jauana da'me jalchi'ena 'yoyaĝac jo'ne onaĝaic da'me am jone'tajop ca'li da'me cha'li jona'li 'uo jenjo' aleua.

Juan 14:28

Joote jayem auayachiñe da'me jec qomle, qalaĝaja yitaĝa 'ñiyelaq qomle qaedi yitaĝa ami jouetauelo. Qom yataqachiñe eja da'me jayem adoqopichiya, qama'le ami made'tapolqa da'me auayachiñe da'me jec'ata ñe'me Taĝadena', qa'a nach'eñe jo'ne jayem napacalegue.

Juan 14:2

Di'me na'ña ñe'me Taĝadena' uo'oe gaa'me 'nachaqa'te jo'ne qayoĝode'. Yataqachiñe eja da'me dojo', qo'che' joote ami ja'aĝatema da'me jec qaedi jiyamaĝateta'ajalo jogaa'me mach'e at'achaqachidi'.

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 7:33

Qama'le Jesús enaac: —Nayi cha'li maliaĝa ami jouetauelo, qalaĝaja ja jayem 'te cop'a qom yenoĝodegue naa'me naajo' noloqo'ote, qama'le jec'ata ñe'me jo'ne jayem namaĝaquena.

Lucas 10:4

Ena'te auachiyi jaga'me anaicauai, uotaĝa ga'me aualiqui, uotaĝa ga'me adapela'chidi'. Nataq'aen ena'te yaloĝoja anechachetañe qaedi gamachaqaega auep'iyeñi ga'me adadiqui.

Mateo 25:40

Qama'le ja'ategueta qomle, jenaac: «Eja ami ja'aĝatema queda'me yema gaa'me jo'ne a'vichiyeque naajo' yaqaya'olqa 'me 'najode' qama'le nach'ayem jo'ne jayem a'vichiyec da'me dojo'.»

Hebreos 11:16

Qalaĝaja jodia'me yataqata yepaquetedapega ga'me 'nachaqa' jo'ne onaĝaic, ga'me 'nachaqa' jo'ne ua'ague di'me piyem. Chane'eja ñe'me Dios ja nepocoĝolegue ca'li da'me qo'yaĝat da'me naqaeñe jo'ne Nedios jodia'me, qa'a joote yaqataĝata't ga'me noic jo'ne en 'lachaqa't.

Marcos 12:26

Qama'le da'me dojo' jo'ne 'niyelaĝadijeguem jogaa'me joote yele'u: ¿jeele ja auec'achiñe da'me jo'ne Moisés yediñe ca'li, da'me 'yaĝatetac jaga'me epaq jo'ne edañgui? Dios dojapegue' ñe'me Moisés: “Mach'e jayem Nedios ñe'me Abraham, nataq'aen jayem Nedios ñe'me Isaac, nataq'aen jayem Nedios ñe'me Jacob.”