Juan 20:1 - Nuevo Testamento Toba Sombrero Negro

¹ Joca'li ne'teta jo'me nolo' jo'ne domingo, queda'me joote yenoĝonegue jo'me nolo' jo'ne niyamaqatac, qama'le María jo'ne Magdala laje dajoyi jaga'me napa'l lae't, qama'le yauana ga'me qa' jo'ne lapadenaĝat joga'me nadiiuo da'me joote qonaqat.

Nuevo Testamento Toba Sur

¹ Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

La'aqtaqa Ñim Lo'onatac 'Enauacna 2013

¹ Qaq som la'auaxanec na'a'q naua na'axa'te, nache aso María maye lma' ye Magdala, asomaye tauga aso huachiqui co'ollaq nte'etom, co'ollaq ñaq napaltañi, qaq co'ollaq mashe saqaỹapeque aso huachiqui, nache asomaye ila'a da so coma' maye lapoxot asomaye da mashe qanqat.

Juan 20:1 Referans Kwoze

Marcos 16:9

Ca'li joote 'niyelaĝajeguem ñe'me Jesús ga'me ne'teta nolo' jo'ne 'uaechiñe ga'me semana, 'uaechiñe naloĝoneguet jañe'me María jo'ne Magdala laje, nach'añe jo'ne chiyoĝotauelo siete payac lepaqa'li da'me yamaĝadegue.

Mateo 27:60

qama'le yachaue ga'me dalaĝaic napa'l lae't jo'ne na'ña ga'me mach'e 'naleua jo'ne taue ga'me qa' t'adaic ga'me lejedec. En lapadenaĝat ga'me qa' t'adaic ga'me nadiiuo joga'me napa'l lae't, yem qama'le ec.

Marcos 15:46

Chane'eja José ecot ga'me ualoq jo'ne chiyaqayi jaga'me lino, naqachiñe ga'me lapat ñe'me Jesús qama'le lecoĝoye joga'me. Yem qama'le yachaue ga'me napa'l lae't jo'ne nejedec ga'me qajoĝonaĝa, nataq'aen ga'me lauac ga'me napa'l lae't en lapadenaĝat ga'me qa' t'adaic.

Juan 20:26

Qama'le joca'li yenoĝodegue jaa'me ocho noloqo'ote, jogaa'me napaĝaguenataqa yitaĝa nalo'ta't da'me yema'a'ajalo, netedaue ga'me emec, qama'le nach'e ena'am 'uo ñe'me Tomás. Yataqata napadichigui ga'me najom joca'li, qalaĝaja ñe'me Jesús yitaĝa yenoĝoneua'alo jogaa'me, qama'le yitaĝa yep'iye'n da'me uañe laeñi jogaa'me, enaac: —¡'Nemaĝac ami uetauelo!

Juan 19:25

Nataq'aen da'me uo'oe gaa'me yauo' ueteda'ajop jaga'me nesodoso ñe'me Jesús, nach'añe jañe'me María mach'e lat'e, nataq'aen jañe'me laqaya jaga'me lat'e chaqañe'me María jo'ne loua ñe'me Cleofás nataq'aen jañe'me María jo'ne Magdala laje.

Apocalipsis 1:10

Ca'li jouetoue jo'me nolo' jo'ne laloqo' joñe'me Jaliaĝanec da'me qo'nonaĝachigui, qama'le jayem ua'ajop da'me lañoqotaĝanaĝac ñe'me Dios Lepaqal. Chane'eja jomachiya ga'me lejamaĝa da'me chimaqapegue jena'me jachiyoĝogue jo'ne netenec da'me 'laqatac, ena'am jaga'me najeede qom qoyajediye.

Mateo 27:64

Qo'che' nayi 'noota qom auamaĝajoĝolegue qaedi qonauan jaga'me napa'l lae't chayovida'a yenoĝodegue tres noloqo'ote. Ja 'noota qom nec'adeta gaa'me lalemaĝaje'te qama'le decachita ga'me lapat qama'le ua'edi t'aqataĝanema ga'me jiyaĝadipi queda'me joote 'niyelaĝajeguem. Qom naq'aeta da'me dojo' p'ategue noqovinaĝanaĝac yataqachiñe lama'aja qomle, ja ena'am ga'me 'uaeñe.

1 Corintios 16:2

Jalcote 'noota ta'le nalochiguilo naa'me noloqo'ote 'me niyamaqataqa da'me onolqa'tape yiyota'a jaga'me naicaua, onole jaga'me yiyota'a jaga'me lomataĝanaqate nale yenoĝonegue ga'me semana, qama'le yiyamaĝat. Chane'eja qom ami jovitalo, qama'le ja jouetaque ta'le japetena't jaga'me nachetaqataĝanaqate.

Hechos 20:7

Nolo' 'uaechiñe ga'me semana qadema'a't qaedi jecolaĝataĝaye ga'me pan, qama'le Pablo dojetapegue'to ca'li ga'me p'etaqadaiquipi. Queda'me jetaque yeuotac ga'me nete' laqaya qama'le nichiyaĝategue ga'me 'laqataĝanaĝac chayovida'a laeñi ga'me pi'yaq.

Mateo 27:56

María jo'ne Magdala laje uetauelo gaa'me, nataq'aen María lat'e ñe'me Santiago nataq'aen José, nataq'aen jañe'me lat'e' jogaa'me Zebedeo c'oqo'te.

Mateo 27:66

Chane'eja eque' ca'li, naua'n ga'me napa'l lae't qama'le qo'yamelegue ga'me 'nanaĝajet ga'me qa' 'me lapadenaĝat. Yem qama'le qoyacheteda'ajop gaa'me coico laje' 'me vitaĝayaqa.

Mateo 28:1

Ca'li joote yenoĝonegue jo'me nolo' 'me niyamaqatac, ga'me ne'teta ga'me nolo' domingo, María jo'ne Magdala laje nataq'aen jaga'me María laqaya yec'adeta ga'me napa'l lae't.

Mateo 28:2

Qanach'e 'uo ga'me yataqachiñe let'adaic ledaĝa jena'me aleua, qa'a 'uo ñe'me Jaliaĝanec lamaĝajec 'me piyem le'ec chiyaqaje'ma di'me piyem da'me nenochiñe qama'le yec'ata ga'me napa'l lae't, yamaĝaye ga'me qa' t'adaic qama'le nalegue joga'me.

Juan 11:38

Jesús yitaĝa let'adaic da'me nedotela't qama'le yec'ata jaga'me napa'l lae't, jo'ne ch'e jauac joca'li, ga'me nadiiuo napadetaye neta'uet ga'me qa'.

Juan 11:41

Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.