Biblia Todo Logo
Bib sou entènèt

- Piblisite -




Juan 2:19 - Nuevo Testamento Toba Sombrero Negro

19 Jesús 'yategueta jogaa'me, enaac: —Auolaĝachigui jenjo' tamenaqa', qalaĝaja qom tres naa'me noloqo'ote qama'le yitaĝa jañijeguem.

Gade chapit la Kopi

Nuevo Testamento Toba Sur

19 Nachi so Jesús 'enapeco': –Qomyi qanlaxachiiñi ana n'onaxanaxaqui, nachi aÿim qaltaq ñi'oxooshiguem qome; tres na'axa'te, nachi qaltaq semat.

Gade chapit la Kopi

La'aqtaqa Ñim Lo'onatac 'Enauacna 2013

19 Nache So Jesús 'enapeco': –Qomye qanlaxachiiñi ana no'onaxanaxaqui late'erai, nache Aỹem qaltaq ño'oxoosheguem qome; tres na'axa'te, nache qaltaq semat.

Gade chapit la Kopi




Juan 2:19
23 Referans Kwoze  

—Qo'mi yataqachiñe jomachaĝa quelqaya da'me enaac: “Japalaĝat qomle jenjo' tamenaĝaiqui jo'ne 'lonata'j gaa'me jiyaĝa'u, qalaĝaja tres gaa'me noloqo'ote yitaĝa 'ñedijeguem ga'me laqaya jo'ne ja jiyaĝaua 'lonatac.”


Qama'le nale gaa'me tadelegue male ye'uetedac, yayoqo'tape naa'me laqai'go, nataq'aen enapega't: —¡Dequetolec! Am jo'ne jetaque auapalaĝat mañaĝa ga'me tamenaĝaiqui t'adaic nataq'aen auaqanatet ta'le yitaĝa a'niyelaĝachijeguem qom tresolqa gaa'me noloqo'ote,


nataq'aen enaac: —Am jo'ne jetaque auapalaĝat mañaĝa ga'me tamenaĝaiqui let'adaic nataq'aen auaqanatet ta'le yitaĝa a'niyelaĝachijeguem qom tresolqa gaa'me noloqo'ote, ¡mach'e anec'alaĝatela't! Qom eja am Dios Lec'oĝot, ¡male auachiyaqalegue jana'me anesodoso da'me anenochiñe!


Qa'a naq'aeta ca'li Jonás uetaue ga'me niyaq tres gaa'me noloqo'ote nataq'aen tres gaa'me pi'yaĝadi qama'le jayem jo'ne yataqachiñe Jiyaĝaua Lec'oĝot jena'am qomle jouetaue jena'me aleua nalo'taguet tres gaa'me noloqo'ote nataq'aen tres gaa'me pi'yaĝadi.


Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.


Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.


Chane'eja nach'eñe ñe'me Jesús da'me Dios 'niyelaĝachijeguem, qama'le ena'uaque qo'mi jechoĝotaqatac da'me dojo'.


Qalaĝaja Dios 'niyelaĝachijeguem, yachiyoĝotaue da'me leco'yaĝac da'me leleuaĝa, qa'a da'me neleuaĝa ja yaqanatet ta'le nale'en nomat.


Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.


Qa'a jouaĝat da'me nachilaĝanataĝanaĝac nach'e ena'am qo'mi ena'am ta'le jouaĝaue jaga'me napa'l lae't jo'ne qoyachaue ca'li ñe'me Cristo, nataq'aen ena'am ta'le qadeleu ca'li qaedi qo'mi qo'niyelaĝachidijeguem nataq'aen qadec'alegue qaedi jaconaĝaguet da'me 'noyaĝac dalaĝaic, nach'e naq'aeta ca'li Cristo qo'niyelaĝachijeguem, chiyaqayi da'me let'adaic lañoqotaĝanaĝac ñe'me Let'a.


Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;


Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.


Ca'li ami qonachilaĝa'n qama'le ami qoyijediñijop joñe'me Cristo, nataq'aen ca'li 'niyelaĝajeguem qama'le nach'e ena'am a'niyelaqaejeguem, qa'a auep'iiya'a joñe'me Dios jo'ne 'uo da'me lañoqotaĝanaĝac qaedi 'niyelaĝachijeguem joñe'me.


Qalaĝaja, ta'le qo'yaĝatetac ñe'me Cristo queda'me 'niyelaĝajeguem ca'li, chiyaqauelo joga'me napa'lpi, ¿toqoch'e uo'oe gaa'me ami uetauelo jo'ne eetapela'ajalo ja qo'niyelaĝachidijeguem jogaa'me yele'u?


nach'e ena'am qo'mi nala'alo da'me qoyediñe. Qa'a Dios nach'e ena'am yatetoneguet da'me qadepe'e, qom jep'iyaqa ñe'me jo'ne 'niyelaĝachijeguem ca'li ñe'me Jesús, mach'e Qadejaliaĝanec,


Qama'le ca'li Dios chiyoĝotauelo dia'me napa'lpi ñe'me C'oĝot, 'uaeñe da'me ami namaĝalo qaedi ami netamelo'te, da'me male onolqa'tape aĝañidiñi da'me at'onataqadi' jo'ne ja 'noe'n.”


Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.


qama'le enapega't: —Jaliaĝanec, ñetouenaqatac quelqaya cha'li nec'aletaye di'me dijo' qovinaĝanaĝaic, 'yaĝatetac queda'me qom yenoĝodegue trejolqa gaa'me noloqo'ote qama'le 'niyelaĝajeguem.


Chane'eja chiyoqochiñe joca'li ñe'me Jesús 'naĝatetapela't queda'me youetaque da'me yec'ata di'me Jerusalén, nataq'aen queda'me nautetedapega qomle ga'me 'yaĝaicachidipi, choqogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi, qaedi jalcote da'me lachoĝodec jo'ne yauote qomle, nataq'aen da'me yala't. Qalaĝaja qom yenoĝodegue gaa'me tres noloqo'ote qama'le 'niyelaĝajeguem.


Jomachaĝa da'me 'yaĝatetac ga'me Jesús Nazaret le'ec, da'me enaac nejoyiñe qomle ga'me tamenaĝaiqui, nataq'aen da'me janaqa'ac qat'oyaĝac jo'ne Moisés qo'mi yepotanegueta yadalaĝat qomle.


Swiv nou:

Piblisite


Piblisite