Juan 19:35 - Nuevo Testamento Toba Sombrero Negro

³⁵ Joñe'me jo'ne yauana da'me dojo', nach'ayem jo'ne ja'aĝatetac, qama'le da'me mach'e 'yaqataĝanaĝac yataqachiñe eja. Nach'e ena'am jayaten da'me jo'ne ja'aĝatetac yataqachiñe eja, qaedi nach'e ena'am da'me ami yataqachiñe auep'iiya'a.

Nuevo Testamento Toba Sur

³⁵ Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi.

La'aqtaqa Ñim Lo'onatac 'Enauacna 2013

³⁵ Qaq som ỹa'axat de'era, somaye co'ollaxa ỹauaachigui qataq ỹataqta 'eesa de'era 'enapec. Cha'aye somaye ỹaỹateeta da ỹataqta 'eesa de'era la'aqtac, yaqto' qami' nataqa'en ishet da qaua'amqaanataxañi.

Juan 19:35 Referans Kwoze

Juan 21:24

Nach'ayem napaĝaguenatac jo'ne jechoĝo't naa'me naajo' uo'oe, qama'le naa'me naajo' jedidiñe. Nataq'aen jayatenaq queda'me yataqata eja da'me dojo' jo'ne joote qoyediñe.

Juan 15:27

Qama'le nach'e ena'am da'me naqa'ami jo'ne ami 'yaqataĝanaĝanaqa, qa'a joote jayem ovi'tajop ca'li da'me jo'ne 'uaechiñe.

1 Pedro 5:1

Nayi ami jaqatalo, ami 'yaĝaicachidi jo'ne ami lajoĝola'te gaa'me p'etaqadayaqa, queda'me nach'e ena'am jayem 'yaĝaicachigui jo'ne ja'aĝatetac da'me jo'ne lachoĝodec joñe'me Cristo, qama'le nataq'aen jouetaue qomle da'me 'lonaĝa joñe'me jo'ne qo'mi di'yoĝoma jo' qomle.

Romanos 15:4

Qa'a ena'uaque gaa'me qoyediñe joca'li gaa'me noloqo'ote 'me joote yenoĝodegue, qoyedidiñe qaedi qo'mi yapaĝague'n, qaedi chiyaqayilo jogaa'me male qanañaĝaden nataq'aen da'me qo'mi qoloyaĝanate't qaedi 'uo da'me qadeuataqataĝanaĝac.

Hechos 10:39

“Qama'le qo'mi mach'e choqotaĝanaĝayaqa ena'uaque jodaa'me yauo'oe ca'li ñe'me Jesús ca'li ue'ta di'me Judea nataq'aen Jerusalén. Yem qama'le qoyalat ca'li, qoyanetaye jaga'me sodoso.

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

1 Juan 5:13

Ami jo'ne auep'iiya'a joñe'me Dios Lec'oĝot, ami jamaĝalo jenjo' yediijec qaedi auanomitelegue queda'me ami ua'ajopa da'me at'oyaĝaqui jo'ne yataqatelegue.

Juan 19:26

Mane'e ca'li Jesús yela'a jañe'me lat'e nataq'aen ñe'me lapaĝaguenatac jo'ne naequetapegue', joñe'me jo'ne yataqata nauotaĝaua, qama'le t'aqataĝanem jañe'me lat'e, enaac: —Chidena', dojo' qomle da'me ac'oĝot.

Juan 14:29

Jenjo' ami ja'aĝatema nayi da'me jona'li 'uo ga'me di'yoq, qaedi qom yovita da'me yepaquichigui qama'le yataqata jayem auep'iiya'a.

Juan 11:42

Da'me jayem joote jayaten da'me nach'e eta't jayem auomachiya, qalaĝaja am ja'aĝatem da'me qaedi 'uo da'me layamaĝac jena'me jenjo' jiyaĝadipi jo'ne ueta'ñena, qaedi ja yoqolegue't da'me naqa'am da'me jayem anamaĝaquena.

Juan 11:15

Qalaĝaja 'noota da'me ja joue'tague di'me ua'ña, qa'a naq'aeta yataqachiñe 'noota queda'me jouaĝat ami, qaedi auep'iiya'a. Qalaĝaja, ¡jajoĝogue jec'atenaĝanaĝa!

3 Juan 1:12

Qama'le ena'uaque dechoqotaĝatec ñe'me Demetrio jalcote 'noota ga'me 'naqataguec, nataq'aen da'me eja qo'mi yayatenaĝaneque queda'me yataqachiñe 'noota ñe'me. Choqoda'me qo'mi nach'e ena'am 'noota ga'me qat'aqatac jo'ne jotauanaq joñe'me, qama'le auayaten queda'me ja'aĝataqatac da'me jo'ne chimaqachiñe.