Juan 19:28 - Nuevo Testamento Toba Sombrero Negro

²⁸ Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Nuevo Testamento Toba Sur

²⁸ Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco': –Huo'o na ÿaquip.

La'aqtaqa Ñim Lo'onatac 'Enauacna 2013

²⁸ Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Juan 19:28 Referans Kwoze

Juan 19:30

Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

Lucas 22:37

Qa'a ami ja'aĝatema queda'me yepaque'tegue yema ga'me jo'ne mach'e jayem 'yaĝatetedac daajo' nedii's jo'ne enaac: «Qama'le qoyapetenegueta joga'me qaleuaĝaiquipi.» Qa'a yauaqa'a nayi da'me yoiquiaqa'yaĝac 'me yeleuaĝa.

Juan 19:24

jogaa'me coico laje' male nenatetapega'ajalo: —Ena'te jecolaĝataqapiye, dite da'me ñalitaĝaye, qaedi ga'me jo'ne tachigui qama'le nach'ega jo'ne en loĝot. Chane'eja naq'aeta da'me yepaquichiguilo naa'me nedii's jo'ne Dios 'laqataqa 'me eet'oi: “Qoyaĝachilo gaa'me yeuo, Qama'le qonalitelegue jaga'me yapoto.” Qama'le naq'aeta da'me yauote ca'li gaa'me coico laje'.

Lucas 18:31

Jesús yiyota'alo da'me yiyaĝanalo gaa'me lapaĝaguenataqa jo'ne doce, qama'le enaac: “Nayi jajoĝogue di'me Jerusalén, ua'a da'me male yepaque'teguelo yema gaa'me yedidiñe joca'li dia'me Dios 'laqataĝanaĝanaqa jo'ne jayem 'yaĝatetedac, mach'e jayem Jiyaĝaua Lec'oĝot.

Juan 18:4

Qalaĝaja ñe'me Jesús joote yayaten yema da'me lajouaĝac qoyen qomle, qama'le chiyoqotouelo jogaa'me lapaĝaguenataqa qama'le yena't joga'me coicopi: —¿Jach'e ga'me anechetaque?

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Hechos 13:29

Ua'edi, ca'li yem yema ga'me jo'ne qo'yetec, ga'me jo'ne qoyediñe joca'li 'me 'yaĝatetac joñe'me, qama'le qoyachiyoĝotalegue jaga'me sodoso, qama'le qoyijeñi.

Lucas 9:31

Jogaa'me yataqachiñe uetedaue da'me 'lonaĝac jo'ne p'ajaye nataq'aen dojetedapiye da'me qom ca'e jena'me aleua ñe'me Jesús jo'ne ua'a qomle di'me Jerusalén.

Lucas 12:50

Jaue qomle da'me ñapiyenaguec jo'ne 'uo da'me lichic, nataq'aen ¡degueja da'me yachoĝodec chayovida'a qom yepacalegue da'me dojo'!

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Juan 17:4

“Jayem joote am 'ñonaĝachichigui da'me cha'li joue'ta jena'me jenjo' aleua, nataq'aen joote jomat da'me jo'ne jayem auamaĝalo'te.

Juan 19:36

Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”