Juan 19:24 - Nuevo Testamento Toba Sombrero Negro

²⁴ jogaa'me coico laje' male nenatetapega'ajalo: —Ena'te jecolaĝataqapiye, dite da'me ñalitaĝaye, qaedi ga'me jo'ne tachigui qama'le nach'ega jo'ne en loĝot. Chane'eja naq'aeta da'me yepaquichiguilo naa'me nedii's jo'ne Dios 'laqataqa 'me eet'oi: “Qoyaĝachilo gaa'me yeuo, Qama'le qonalitelegue jaga'me yapoto.” Qama'le naq'aeta da'me yauote ca'li gaa'me coico laje'.

Nuevo Testamento Toba Sur

²⁴ Nachi soua ale't 'ena'po': –Sa ishit qome da secolaxataqa'ague anamayi. Chaqdata da ñallitaxagui, yaqto' saÿajnaq chaq negue't ca talec. Huaña, nachi ÿataqta ipacchigui da 'enapec naua nanettrañi l'aqtaqa ñi Dios mayi 'eeta': “Qanaloguilo qome naua aÿogo, qanallichiguilo, da yaqto' huo'o ca talec.” Qaq nachida da 'eetec co'ollaxa so allippi.

La'aqtaqa Ñim Lo'onatac 'Enauacna 2013

²⁴ nache soua huataxanaq lashe' 'ena'apo': –Saishet qome da secolaxataqa'ague anamaye. Nachaqrata da ñalletaxagui, yaqto' saỹaanaq chaq negue't ca talec. Huaña, nache ỹataqta ipacchiguilo da 'ena'ape naua nanettrañi la'aqtaqa Ñim Lo'onatac 'Enauacna maye 'eeta': «Qanaloguilo qome naua aỹogo, qanallichiguilo da yaqto' huo'o ca talec.»

Juan 19:24 Referans Kwoze

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Hechos 13:27

Qa'a gaa'me jo'ne neda'ña di'me Jerusalén nataq'aen gaa'me lejaliaĝanaqa ja yatetoteguet ñe'me Jesús, uotaĝa ta'le yayate'n gaa'me 'laqataqa dia'me Dios 'laqataĝanaĝanaqa jo'ne qoyec'ate'n nale uedaue gaa'me lemaĝaiqui yemeda gaa'me noloqo'ote 'me niyamaqataqa. Qama'le naq'aeta da'me mach'egaua, ca'li yala't ñe'me Jesús, qama'le yepaquichiguilo gaa'me jo'ne joote qo'yaĝate'tape.

Juan 10:35

Da'me qo'mi joote jayatenaq naa'me nedii's 'yaĝatetedac da'me eja jo'ne qaya'te yaqanatet ta'le neman. Qama'le ñe'me Dios en lenaĝat diospi gaa'me jiyaĝa'u jo'ne 'yaĝate'tape naa'me 'laqataqa.

Mateo 27:35

Mane'e ca'li joote qoyep'enajeguem, jogaa'me coico laje' nalichiguilo gaa'me leuo ñe'me Jesús qaedi necolaĝachilo jogaa'me.

Marcos 15:24

Chane'eja male qoyep'elegue jaga'me sodoso. Nataq'aen jogaa'me coico laje' jo'ne vitaĝayaqa nalichiguilo ga'me leuo ñe'me Jesús qaedi necolaĝachilo, nataq'aen qaedi yayate'n ga'me tachigui da'me 'uo ga'me yachi.

Lucas 23:34

Jesús enaac: —Taĝadena', auapalaĝat da'me dojo' laviyaĝa'j, qa'a ja yayate'n ga'me yauote. Qama'le jogaa'me coico laje' nalichiguilo ga'me leuo ñe'me Jesús qaedi ua'ajop da'me tachigui.

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»