Biblia Todo Logo
Bib sou entènèt

- Piblisite -




Juan 19:17 - Nuevo Testamento Toba Sombrero Negro

17 jo'ne qoyen yachi jaga'me sodoso da'me qoyauega ga'me aleua lae jo'ne lenaĝat da'me Gólgota, da'me hebreo 'laqatac jo'ne yelo'teguet da'me «Naqaic lep'inec 'lachaqa'.»

Gade chapit la Kopi

Nuevo Testamento Toba Sur

17 Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Gade chapit la Kopi

La'aqtaqa Ñim Lo'onatac 'Enauacna 2013

17 Qaq co'ollaq ime, nache qanayecot So Jesús, maiche ỹachetac qanqa'en so npe'enaxaqui, da nqo'oneuga so 'alhua maye qaỹamata'ac da nqaic lpi'inec lma'. Qaq nam hebreo la'aqtaqa ỹamata'ac Gólgota.

Gade chapit la Kopi




Juan 19:17
23 Referans Kwoze  

Ca'li yovideta ga'me comadaĝa lenaĝat Naqaic P'inec, qama'le qoyep'enajeguem ñe'me Jesús nataq'aen jogaa'me dojolqa 'me qaleuaĝayaqa, onolec ga'me p'aye ga'me yayaten, ga'me laqaya p'aye ga'me 'nemaq.


Nataq'aen gamachaqaega jo'ne ja yachitac jaga'me mach'e sodoso qaedi jayem equegue, qama'le ja yaqanatet ta'le yapaĝaguenatac.


Ca'li gaa'me coico laje' male yaue'j ñe'me Jesús qaedi yep'edajeguem, yiyaĝata ñe'me jiyaĝaua jo'ne Cirene le'ec, lenaĝat Simón, jo'ne yemta chiyoĝogue ga'me 'nonaĝa, qama'le e'n yep'etac jaga'me sodoso da'me dajota'ye ñe'me Jesús.


Qoyachiyoĝotaue ga'me noic da'me qoyaueguegue qama'le qoyajaĝaque ga'me qadipi; gaa'me jo'ne eetapela'ajalo choqotaĝanaĝayaqa jo'ne nauteta di'me, yepotateguet ga'me leuo qaedi netelalo ñe'me nejoq lenaĝat Saulo.


¡'Noota qom nenochiñe toqo' chiyaqalegue jana'me sodoso, jenjo' “Dios Liquiyac” jo'ne “Israel Lejaliaĝanec”, qaedi jauanaĝa nataq'aen male jep'iyaqa joñe'me! Nataq'aen jogaa'me jo'ne ueta'ñoto joñe'me jo'ne qoyep'edajeguem nach'e ena'ama ye'uetedac joñe'me.


Nataq'aen 'uo ca'li ga'me qoyedelegue jo'ne nalocheje'ma ga'me laqaic, enaac: “Jenjo' mach'e lejaliaĝane'j ga'me judiopi.”


Yem da'me dojo' qama'le t'aqataĝanema ena'uaque ga'me jiyaĝadipi: —Qom 'uo gamachaqaega jo'ne jetaque jayem ue'tajop qaedi yapaĝaguenatac, qama'le 'noota qom ja yitaĝa nenatetala't, nataq'aen 'noota qom nach'e eta't yachitac jaga'me sodoso qama'le jayem equegue.


Nataq'aen qoyanajeguem ga'me epaq jo'ne ualegue da'me yajouaĝat da'me qoyalat, jo'ne enaac: “Joñe'me lejaliaĝane'j joga'me judiopi.”


Jesús yelochigui joñe'me nataq'aen 'uo da'me lichoĝodenataĝanaĝac, da'me 'yateguet: —'Uo ga'me maliaĝa ja aua'uo: cha'li 'uaeñe auemen yema ga'me jo'ne adeuoyaĝac, nataq'aen auanema jogaa'me jo'ne choĝodayaqolqa. Nach'eda naq'aeta da'me male 'uo da'me adeuoyaĝac jodi'me piyem. Yem qama'le auanaequena, nataq'aen jayem oquegue.


Yem qama'le Jesús yemata'a't gaa'me lapaĝaguenataqa nataq'aen yema joga'me jiyaĝadipi, qama'le enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, nataq'aen 'noota qom yachi jaga'me sodoso qama'le jayem equegue.


Nataq'aen ga'me nalo'te ga'me laqaic qoya'uo ga'me nediijec jo'ne ualegue da'me yajouaĝat da'me qoyalat. Ga'me nediijec enaac: “Jenjo' mach'e Jesús lejaliaĝane'j joga'me judiopi.”


Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.


Nataq'aen ñe'me jo'ne ja yachitac jaga'me sodoso qaedi jayem equegue, ja tayet da'me ñauela't.


Di'me Jerusalén, yauaqa'a ga'me jom 'me lenaĝat da'me 'Naĝanaĝatel, 'uo jaga'me noĝop lae't jo'ne hebreo lenaĝat q'aen da'me Betzatá, jo'ne yauanalo gaa'me cinco ga'me qotayape'ualo.


Ca'li ñe'me Pilato domachiya da'me dojo', qama'le yenoĝonaqatenegue ñe'me Jesús qama'le ñichi'ña di'me c'atenaĝanaĝaiqui, di'me 'nachaqa' jo'ne lenaĝat da'me Gabatá, nach'eda da'me hebreo 'laqatac jo'ne yeloteguet «di'me naq'aec jo'ne qa'.»


Swiv nou:

Piblisite


Piblisite