Juan 18:37 - Nuevo Testamento Toba Sombrero Negro

³⁷ Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Nuevo Testamento Toba Sur

³⁷ Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

La'aqtaqa Ñim Lo'onatac 'Enauacna 2013

³⁷ Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 18:37 Referans Kwoze

Juan 8:47

Gaa'me Dios lec'oqo'te naquiaĝanalo naa'me 'laqataqa. Qalaĝaja queda'me ja ami 'te Dios lec'oqo'te, ja jetaque anaquiaĝañiya joñe'me.

1 Juan 4:6

Qo'mi qamqa'me yataqachiñe jachiyajaqayi joñe'me Dios. Gamachaqaega jo'ne yateton joñe'me Dios, nach'ega jo'ne qo'mi naquiaĝanalo. Qalaĝaja, gamachaqaega jo'ne ja chiyoĝoguet joñe'me Dios qamqa'me ja qo'mi 'te naquiaĝanalo. Naq'aeta da'me dojo', male jatetonaq joga'me jo'ne chiyoĝoguet joñe'me Dios Lepaqal, nataq'aen ga'me jo'ne chiyoĝoguet ñe'me nepaqal jo'ne qovinaĝanaĝaic.

Juan 8:14

Jesús male 'yategueta: —Da'me dojo' yapaĝaguenataĝanaĝac 'uo da'me lajo'viyaĝac, mate mane'e mach'e jayem da'me 'ñaĝatetapela't, qa'a jayaten ga'me jo'ne jachiyoĝogue nataq'aen ga'me jo'ne jec'ata qomle. Qama'le ja ena'am da'me ami: ja auayachiñe ga'me jachiyoĝogue nataq'aen di'me jo'ne jec'ata qomle.

1 Juan 3:19

Qom jauoqo da'me dojo', qama'le jayatenaq queda'me jachiyajaqaue da'me eja, qama'le 'uo da'me qat'emaĝac queda'me jouaqat'ot joñe'me Dios.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

1 Timoteo 6:13

Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

Lucas 23:3

Pilato yenat joñe'me: —¿Qo'li mach'e am lejaliaĝane'j joga'me judiopi? Jesús 'yateguet, enaac: —Nach'e naq'aeta da'me anenaĝategue.

Marcos 15:2

Pilato yenat joñe'me: —¿Qo'li mach'e am lejaliaĝane'j joga'me judiopi? 'Yateguet ñe'me Jesús: —Nach'e naq'aeta da'me anenaĝategue.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.

Juan 3:32

nach'eñe jo'ne 'yaĝatetac ga'me jo'ne mach'e yauana nataq'aen da'me domachiya, qalaĝaja qaya'te ta'le yaconeguet da'me 'laqataĝanaĝac.

Mateo 26:64

Jesús 'yateguet: —Naq'aeta da'me mach'e anenaĝategue. Nataq'aen nach'e ena'am ami ja'aĝatema queda'me jayem auañiya qomle jayem jo'ne yataqachiñe Jiyaĝaua Lec'oĝot da'me joneta'ña na'me yayaten ñe'me jo'ne napacalegue ena'uac, nataq'aen japetalo'te gaa'me piyem loje' qom 'ñiyelaq.

Mateo 27:11

Jesús qoyaue'uo ñe'me jaliaĝanec qaedi dajoya'aguet, qama'le yachimaĝata: —¿Qo'li naqa'am jo'ne lajoĝola't joga'me judiopi? Jesús 'yateguet: —Naq'aeta da'me anenaĝategue.

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios:

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,

1 Juan 3:14

Jayatenaq queda'me jachiyajaqaue da'me neleuaĝa qama'le nayi jaĝaue da'me qadec'alaĝa; dojo' jayatenaq qa'a qadoqopitalo gaa'me qadaqaya'olqa. Ga'me jo'ne ja noqopita ga'me laqaya maliaĝa uetaue da'me neleuaĝa.

Lucas 22:70

Yem qama'le ena'uaque yenatetedac joñe'me: —Chane'eja, ¿naqa'am jo' da'me am c'oĝot ñe'me Dios? Jesús 'yategueta jogaa'me: —Jaja'a, naq'aeta da'me anenaĝachiyegue queda'me naqayem.

Marcos 14:62

Jesús 'yategueta jogaa'me: —Jaja'a, mach'e jayem. Nataq'aen jayem auañiya qomle da'me jayem jo'ne yataqachiñe Jiyaĝaua Lec'oĝot queda'me joneta'ña jena'me yayaten ñe'me jo'ne napacalegue ena'uac, nataq'aen qom ñovi' japetalo'te gaa'me piyem loje'.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Juan 8:45

Qalaĝaja da'me jayem ami ja'aĝatema da'me eja, qama'te ja jayem 'te auep'iiya'a.

Juan 8:46

Da'me ami, ¿jach'e ga'me yaqanatet ta'le jayem naloĝona queda'me 'uo ga'me yoec? Da'me ja'aĝatetac da'me eja, qama'le ¿toqoch'e ja jayem 'te auep'iiya'a?

1 Juan 2:21

Qama'le nayi ami janema jenjo' 'yaqatac; qalaĝaja, yaqa'a ta'che ja auayachiñe da'me jo'ne eja, dite da'me joote auayachiñe; nataq'aen auayachiñe queda'me gamachaqaega noqovinaĝanaĝac ja yaqanatet ta'le qoyachiyoĝotaye q'aen da'me jo'ne eja.