Juan 18:32 - Nuevo Testamento Toba Sombrero Negro

³² Chane'eja yepaquichigui da'me 'laqatac joñe'me Jesús joca'li da'me joote 'yaĝatetac da'me eeta qomle da'me leleuaĝa.

Nuevo Testamento Toba Sur

³² Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.

La'aqtaqa Ñim Lo'onatac 'Enauacna 2013

³² Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.

Juan 18:32 Referans Kwoze

Juan 3:14

Qama'le ena'am ñe'me Moisés ca'li yanajeguem ga'me nanaic di'me aleua jo'ne totapega't qaedi qonec'alaĝatedegue ga'me jiyaĝadipi, qama'le nach'e ena'am joñe'me Jiyaĝaua Lec'oĝot da'me qoyanajeguem qomle,

Mateo 26:2

—Joote auayachiñe queda'me maliaĝa gaa'me dojolqa noloqo'ote nale qouenata nataq'aen qo'nonaĝachigui ga'me nolo' 'me Pascua, qama'le jayem jo'ne yataqachiñe Jiyaĝaua Lec'oĝot, jayem qoyanouelo qomle ga'me jiyaĝadipi qaedi jayem qoyep'enajeguem.

Mateo 20:19

Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

Juan 8:28

Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

Marcos 10:33

enaac: —Da'me jo'ne joote auañiya nataq'aen auayachiñe nayi, queda'me jajoĝogue di'me Jerusalén, ua'a da'me jayem jo'ne yataqachiñe Jiyaĝaua Lec'oĝot jayem qoyanouelo jogaa'me tamenaĝaiqui lo'olpi lejaliaĝanaqa, nataq'aen joga'me judiopi napaĝaguenoqo'tpi, qama'le jayem qoyepoleguelegue da'me qaedi jayem qoyalat, nataq'aen queda'me jayem qoyanouelo jogaa'me Roma laje'.

Gálatas 3:13

Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

Hechos 7:59

Mate mane'e da'me qoyajaĝaque ga'me qadipi, Esteban enaac ca'li netamen: “Jaliaĝanec Jesús, ¡auaconeguet jena'me yepaqal!”

Juan 10:33

Gaa'me judiopi laje' 'yadeteguet joñe'me: —Da'me jetaque am jajaĝajoq ja chiyoqodayi gaa'me uo'oe jo'ne onaĝayaqa 'me at'onataqa, ditelo naa'me at'aqataqa queda'me t'aĝanataĝa'n, nauteta ñe'me Dios. Qa'a ch'e am jiyaĝaua qalaĝaja naa'me at'aqataqa auenapela't naqa'am jo'ne am Dios.

Juan 10:31

Qama'le ua'a ca'li joga'me jiyaĝadipi da'me yitaĝa yaconalo gaa'me qadi qaedi yijaĝaque ñe'me Jesús.

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Juan 18:31

Qama'le yitaĝa Pilato enapegalo jogaa'me judiopi lajoĝola'te: —Ami mach'e auaviqui, qama'le auec'achiñiyec ga'me jo'ne 'yamaqaten da'me Dios lamaĝajoĝonaĝac jo'ne ami yanema joca'li. Qalaĝaja jogaa'me 'yadeteguet joñe'me Pilato: —Da'me qo'mi jo'ne qo'mi judiopi laje' ja qo'mi 'te qoyaje'tema ta'le 'uo ga'me jalataq.

Juan 21:19

Da'me 'yaĝatem da'me dojo', ñe'me Jesús yayatenaĝanaĝanec ñe'me Pedro da'me eeta qomle da'me leleuaĝa jo'ne chiyaqayi da'me qo'nonaĝachigui ñe'me Dios. Ca'li yem da'me jo'ne 'yaĝatem qama'le uaqata joñe'me, enaac: —¡Jayem oquegue!