Juan 18:20 - Nuevo Testamento Toba Sombrero Negro

²⁰ Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Nuevo Testamento Toba Sur

²⁰ Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Juan 18:20 Referans Kwoze

Juan 7:26

Qa'a da'me dojo' joote ueta'ñena da'me dojetapegoue jena'me jiyaĝadipi ja nañoĝotetapiñe, qalaĝaja qaya'te ta'le onolec jo'ne yaqanatet da'me enapega. Qa'a ¿uotaĝa naa'me qadajoĝola'te e'n eja da'me naqaeda da'me jo'ne mach'e Dios Liquiyac?

Mateo 4:23

Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Lucas 21:37

Quete' gaa'me noloqo'ote da'me Jesús dapaĝaguenataĝatapegoue ga'me tamenaĝaiqui, qama'le ne'uaĝanañe nale ua'a ga'me qajoĝonaĝa jo'ne Olivo Lichidijat.

Juan 7:4

Qa'a qom jetaque 'uo da'me anatetonaguec, qama'le ja auoĝotetapiñe gaa'me uo'oe jo'ne a'uete'tape. Qa'a qalaqach'ele a'uetetac qaedi qoyauana da'me at'onatac, qama'le nach'eda aue'et da'me auajoya'agueta ena'uaque jogaa'me aleua laje'pi.

Lucas 4:15

nataq'aen dapaĝaguenataĝatapegouelo gaa'me nemaĝaiqui' nale ga'me noic jo'ne yec'ata, qama'le ena'uaque 'nonaĝachidegue joñe'me.

Mateo 26:55

Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Mateo 9:35

Jesús quetayelo ena'uaque joga'me noicolqa nataq'aen 'nachaqa'tolqa, dapaĝaguenataĝatapegouelo gaa'me nemaĝaiqui' 'me na'ñalo nale gaa'me yec'atalo. Dapaĝaguenataĝatapec da'me onaĝaic 'naqataĝanaĝac jo'ne 'yaĝatetac da'me Dios lejaliaĝa, nataq'aen en yemedegue ga'me leuaĝaiquipi 'me yodapecache gaa'me lapite'nadi choqogaa'me layaliaĝaco.

Juan 8:26

Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

Juan 8:2

Jojo'me ne'teta 'me nolo' laqaya, qama'le yitaĝa 'viyelaĝa ga'me tamenaĝaiqui, qama'le jogaa'me jiyaĝadipi yec'adeta joñe'me, da'me ñichiñe qaedi yapaĝague'n.

Juan 7:28

Joca'li Jesús domachiyalo, da'me uetaue ga'me tamenaĝaiqui da'me dapaĝaguenataĝatac, qama'le netenec da'me 'laqatac, enaac: —¡Chane'eja auepíchitapega da'me joote jayem auatetoñi, nataq'aen da'me joote auayachiñe ga'me jo'ne jachiyoĝogue! Qalaĝaja ja mach'e jayem ta'le yelnataĝac da'me ñanaequena, dite da'me jayem namaĝaquena ñe'me jo'ne yataqatelegue, joñe'me jo'ne ja auatetoñi.

Juan 7:14

Qalaĝaja ca'li male yovita ga'me laeñi ga'me neualaĝayaĝaiqui, qama'le Jesús taue ga'me tamenaĝaiqui da'me dapaĝaguenataĝan.

Mateo 26:65

Chane'eja ñe'me p'ajaye lejaliaĝanec ga'me tamenaĝaiqui lo'olpi yecolaĝata'aguelo gaa'me leuo, qama'le enaac: —¡Ye'uetac ñe'me Dios! ¿Teua'atoqo' jouenaqatapiye gaa'me choqotaĝanaĝayaqa laqaya'? Ami yataqachiñe auomachiiyalo daa'me 'laqataqa 'me 'leuenaĝanaĝaco;

Hechos 26:26

Ñejo' ñe'me jaliaĝanec Agripa, jo'ne yataqachiñe yayate'n naa'me naajo' uo'oe. Qo'che' jayotelegue da'me yojaĝac da'me jajoya'aguet ñe'me; qa'a jeetapega nach'e ena'am ñe'me yayaten yema da'me dojo', queda'me ja naqaegaua uo'oe jo'ne ja qoyayaten ga'me qochiyoĝota'ña.

Mateo 24:26

Qo'che' qom qo'yaĝatema: «Auec'achiñe, di'cha'a di'me ue'ta, aleua 'me totapega't», ena'te auec'achiya. Uotaĝa qom ami qo'yaĝatema: «Jenjo' jena'me ue'ta nañoĝotapiñe», ena'te a'uamaqachiñe.

Marcos 8:32

Yataqachiñe 'yoqo'tegue da'me dojo' yaqatoĝonouelo jogaa'me. Chane'eja ñe'me Pedro yiyota'a joñe'me qama'le dojapegue', enaac: —¡Ja naq'aeta da'me am qo'yetec qomle!

Juan 6:59

Da'me dojo' jo'ne dapaĝaguenataĝanec joñe'me Jesús joca'li uetaue joga'me tamenaĝaiqui di'me noic 'me Capernaúm.

Juan 18:21

¿Toqoch'e jayem auenat? Auena't jogaa'me jo'ne joote jayem domachita, qaedi naqaegaua 'me 'yaĝatetedac da'me mach'e 'yaqataĝanaĝac.