Juan 18:12 - Nuevo Testamento Toba Sombrero Negro

¹² Joga'me coicopi choqoñe'me mach'e lejaliaĝane'j nataq'aen jogaa'me neteloqo't joga'me tamenaĝaiqui male yacode'uo joñe'me Jesús qama'le yecoñe't.

Nuevo Testamento Toba Sur

¹² Nachi som allippi qataq som lta'a, qataq som nhuataxanaqpi na judiopi, somayipi ÿaconeu'a so Jesús, nachi icoñida't naua lhua'q.

La'aqtaqa Ñim Lo'onatac 'Enauacna 2013

¹² Nache som alleppi maye Roma le'ecpi qataq som lta'a, qataq som huataxanaqpi maye nauaatalec naxa aso no'onaxanaxaqui late'erai, somayepi ỹaconeua'a So Jesús, nache icoñera't naua lhua'q.

Juan 18:12 Referans Kwoze

Juan 18:3

Chane'eja ñe'me Judas da'me yovidi't jalcote joga'me coicopi jo'ne lequiaĝa'upi nataq'aen uo'oe gaa'me neteloqo't joga'me tamenaĝaiqui nataq'aen gaa'me lamaĝa's joga'me tamenaĝaiqui lo'olpi choqoga'me fariseopi, jo'ne uo'oe jogaa'me 'leuoĝonaqate', nataq'aen da'me yachi'tape jogaa'me lecoyadaĝanaqatel nataq'aen gaa'me lecoyadaĝanaqate laqaya jo'ne dole'.

Mateo 26:57

Jogaa'me jo'ne yecoñe't ca'li ñe'me Jesús yauegueta ga'me 'lachaqa' ñe'me Caifás, nach'eñe p'ajaye lejaliaĝanec joga'me tamenaĝaiqui lo'olpi, nach'ega ua'a da'me yema'a't joga'me judiopi napaĝaguenoqo'tpi nataq'aen ga'me 'yaĝaicachidipi.

Hechos 21:37

Ca'li yamta'le qoyamaĝaue ga'me coicopi 'lachaqa', Pablo yachimaĝata ñe'me coicopi lajoĝola': —¿Qo'li jaqanatet ta'le cada'ac am jojapegue'? Ñe'me coicopi lajoĝola' 'yateguet: —Auayaten jaĝa'te ta'le auadenaĝa't naa'me griegopi 'laqataqa.

Hechos 21:31

Yamta'le qoyalat, ca'li ñe'me coico lejaliaĝanec 'me Roma le'ec dep'iquilegue da'me yema di'me noic 'me Jerusalén ja niyamaĝa ca'li.

Lucas 22:54

Chane'eja qoyecoñe' ñe'me Jesús qama'le qoyauega ga'me 'lachaqa' ñe'me lejaliaĝane'j ga'me tamenaĝaiqui lo'olpi. Pedro yec'atalegue ca'li qayatalegue q'aen.

Marcos 15:1

Mane'e ca'li 'yoĝojañi, jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi choqoga'me judiopi napaĝaguenoqo'tpi yema'a't, gaa'me jiyaĝa'u jo'ne yataqachiñe p'ajodaye. Qama'le qoyanetayelo ga'me lequet ñe'me Jesús da'me yaue'j, qaedi qoyajoĝona'aguet joñe'me Pilato.

Marcos 14:53

Chane'eja Jesús qoyaue'uo ñe'me lejaliaĝane'j ga'me tamenaĝaiqui lo'olpi, qama'le yema'a't ena'uaque jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi nataq'aen joga'me judiopi napaĝaguenoqo'tpi.

Mateo 27:2

Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Hechos 23:10

Queda'me ma'ejama'le nichiquetaye ga'me ja niyamaĝa, ñe'me coicopi lejaliaĝanec t'oiyapega ta'le qonauecapiye ñe'me Pablo, qo'che' yiyaĝanalo gaa'me coico laje' qaedi en ca'ae jogaa'me, qama'le yitaĝa qoyauega ga'me coicopi 'lachaqa'.

Mateo 27:27

Jogaa'me necoico laje' ñe'me jaliaĝanec yauedeta ñe'me Jesús ga'me dajoyalegue ga'me emec jo'ne nejaliaĝaiqui jo'ne napegoue ñe'me jaliaĝanec Pilato, qama'le yemata'a't yema ga'me coicopi.

Hechos 10:1

Di'me noic jo'ne Cesarea na'ña ñe'me jiyaĝaua jo'ne lenaĝat Cornelio, lajoĝola' ga'me coicopi jo'ne qoyenaqateneque ga'me Italia Laje'pi.