Juan 17:25 - Nuevo Testamento Toba Sombrero Negro

²⁵ Am Taĝadena' jo'ne am yataqatelegue, joga'me aleua laje'pi ja am 'te yateto'n, qalaĝaja jayem qamqa'me am jateton qama'le naa'me naajo' male yayate'n da'me naqa'am jo'ne jayem anamaĝaquena.

Nuevo Testamento Toba Sur

²⁵ 'Am ita'a mayi ÿataqta ÿaÿamaqchiyiñi naua 'au'o't, nam huetalecpi ana 'alhua sa ishit da 'am ÿauatton. Qalaxayi aÿim 'am sauatton, qaq ne'enapi mashi sogote da ÿaÿaten da 'am aÿim 'adamaxashic.

La'aqtaqa Ñim Lo'onatac 'Enauacna 2013

²⁵ 'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 17:25 Referans Kwoze

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 15:21

Yema jenjo' jo'ne ami qo'yeteque chiyaqayi da'me jayem auoqochi'taguet, qa'a ja qoyateton ñe'me jo'ne jayem namaĝaquena.

Juan 7:29

Da'me jayem qamqa'me jateton qa'a naqayem jo'ne jachiyoĝogue, nataq'aen da'me nach'eñe jo'ne jayem namaĝaquena.

Juan 16:27

qa'a nach'eñe ñe'me Taĝadena' jo'ne ami noqopitalo, jouaĝat da'me jayem adoqopichiya, nataq'aen da'me a'uamaqachiñe da'me naqayem jo'ne jachiyoĝogue ñe'me Dios.

Hebreos 8:11

Nataq'aen da'me male ja yitaĝa ta'le youen da'me 'uo ga'me yapaĝaguen Ga'me lequiaĝaua uotaĝa joga'me mach'e laqaya, Da'me qaedi jayem yateton, Qa'a male ena'uac ga'me jiyaĝadipi joote jayem yateton, Chayovida'a gaa'me jo'ne ja 'yaĝayaqa, qama'le nach'e ena'ama jogaa'me 'yaĝayaqa.

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Juan 8:55

Qalaĝaja queda'me ja auatetoñi joñe'me, dite jayem qamqa'me jateton. Chane'eja qom jenaac da'me ja jateton, qama'le naqayem jo'ne pecaic, qama'le ami jena'ama. Qalaĝaja queda'me eja da'me jateton joñe'me nataq'aen da'me joqoch'alo daa'me 'laqataqa.

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Apocalipsis 13:8

Chane'eja nach'eñe ñe'me jiyac polio' jo'ne 'uo da'me 'lamaqatenataĝanaĝa'j ena'uaque joga'me aleua laje'pi, ena'uaque jogaa'me jo'ne ja qoyedidiñe ca'li naa'me lenaqa'te joca'li yemta qoye'et jena'me aleua, da'me ja qoyededelegue jaga'me nede jo'ne uetaye da'me nec'alaĝa 'me loĝot joñe'me 'Naĝanaĝate Lec'oĝot jo'ne joote qoyalat.

1 Juan 1:9

Qalaĝaja, qom jechoĝotaqa'tape daa'me qadoeco qama'le ñe'me Dios yapalaĝa't ena'uaque jodaa'me, nataq'aen qo'mi nepolidiñe qaedi yiyo'y ena'uac gaa'me jo'ne ja chimadichidiñe. Nach'e naq'aeta qa'a Dios ja doqovinaĝan, dite da'me yataqatelegue joñe'me.

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

1 Corintios 15:34

Ami, jalcote 'noota ta'le a'viyelaqaiya da'me onaĝaic adadiqui nataq'aen ja yitaĝa auauoyi adoequi, queda'me uo'oe gaa'me ami uetauelo 'me maliaĝa ja yateto'n ñe'me Dios. Jenaac da'me dojo' qaedi 'uo da'me adepocoĝoqui.

1 Corintios 1:21

Dios yauanalo ga'me aleua laje'pi queda'me ja yacota da'me mach'e layatenaĝanaĝa'j qaedi yateto'n joñe'me, chane'eja ñe'me jetaque t'onataĝana da'me qat'aqataĝanaĝac jo'ne ena'am ta'le chiyoĝojoĝoc qaedi nec'aledegue gaa'me jo'ne p'iida'a.

Romanos 3:26

Qa'a ja yalaĝadaic ñe'me Dios. Ñe'me jetaque yaloĝon da'me qo'mi e'n yataqatelo'te q'ae'n ga'me nolo' jo'ne tachigui q'aen; qa'a naq'aeta queda'me yataqatelegue ñe'me qama'le e'n yataqatelo'te jogaa'me jo'ne p'iida'a ñe'me Jesús.

Romanos 3:11

Qaya'te gamachaqaega netaque da'me letadenataĝanaĝac, Qaya'te gamachaqaega netaque ñe'me Dios.

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

Hechos 26:18

Am jamaĝalo jogaa'me qaedi a'uatedegue naa'me 'lae'te nataq'aen yaĝadegue ga'me 'lalaĝa, dite joga'me 'yoqochiñe; qaedi male ja quetegue ñe'me Satanás, dite joñe'me Dios; nataq'aen qaedi jayem p'iida'a qama'le qoyapalaĝa't jodaa'me loeco, nataq'aen qaedi qoyapetenegueta qomle ga'me Dios c'oqo'tepi.»

Hechos 17:23

Qa'a da'me jec'ate'n naa'me oviyapi'ñalo nale auauoyi gaa'me ademaĝacodi', jauana ga'me c'atoĝonaĝala' jo'ne ualegue ga'me qoyediñe, naajo' 'naqataqa: «Tamenaqa' da'me qonetamenot ga'me dios jo'ne ja qoyateton.» Chane'eja, ga'me anetameñetapecot 'me ja auatetoñi, nach'eda ñanaequena qaedi ami ja'aĝatema.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

Juan 17:21

Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Juan 17:18

Qama'le ena'am da'me jayem anamaĝalo joga'me aleua laje'pi, nayi da'me jayem nach'e ena'am jayem jamaĝalo joga'me ch'e aleua laje'pi.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 16:30

Nayi male jauanaĝa da'me auayaten yema naa'me naajo' uo'oe nataq'aen ja auouetaque ta'le 'uo ga'me ya'uo ga'me lenataĝanaĝac. Chane'eja chiyaqayi da'me dojo' nayi ja'amaqatenaq da'me auachiyaqaje'ma ñe'me Dios.

Juan 16:3

Jenjo' yauote qa'a ja yateto'n ñe'me Taĝadena' uotaĝa ta'le jayem yateto'n.

Juan 8:19

Qama'le qoyenatec: —¿Jach'e ga'me ue'ta ga'me adet'a? Jesús male 'yategueta: —Da'me ami ja jayem 'te auatetoñi, nach'e ena'am ja auatetoñi ñe'me Taĝadena'; ta'le jayem auatetoñi qama'le nach'e ena'am auatetoñi ñe'me Taĝadena'.

Juan 6:19

Qama'le joca'li male napacalegue ga'me cinco uotaĝa seis kilómetros, qama'le yauata da'me chiyoĝogue jena'me chiyoqocho'ogue ñe'me Jesús da'me quetalegue joga'me noĝop let'adaic da'me nec'ata jaga'me licota, qama'le jalcote 'uo da'me loqolanaqa'.

Juan 3:17

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 1:18

Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Mateo 16:16

Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Apocalipsis 16:5

Da'me yem qama'le jomachiya ñe'me piyem le'ec laqaya jo'ne nouatoqo't jena'me noĝop 'me eetac: “Am Jaliaĝanec jo'ne ja am 'te 'nalegue, Naqa'am jo'ne jalchi'ena am 'uo nataq'aen nach'e eta't da'me qo'mi oue'tajopa, Yataqata yiyamaqachiñe da'me aua'uo tachigui nayi Da'me auec'ateneque naa'me naajo' jo'ne at'onataqa,