Juan 17:20 - Nuevo Testamento Toba Sombrero Negro

²⁰ “Ja nach'enauate' naa'me naajo' jo'ne ñachoĝodetapelo'te, dite da'me nach'e ena'ama gaa'me jayem p'iida'a qomle domachita da'me jayem 'yaĝatetedac naa'me naajo' ac'oqo'te.

Nuevo Testamento Toba Sur

²⁰ Qalaxayi sa ishit da nachaqnata namayipi da ñachoxodeetapeguelec, nataq'en cam aÿim i'amaqtenpi qome, qom hua'axaÿa ca l'aqtaxanaxac namayipi.

La'aqtaqa Ñim Lo'onatac 'Enauacna 2013

²⁰ Qaq saishet da nachaqnauate' naamaye da ñachoxoreetapegueleguete, nataqa'en cam Aỹem ỹa'amaqtenpi qome, qom hua'axaỹa ca la'aqtaxanaxa'c naamaye.

Juan 17:20 Referans Kwoze

Hechos 2:41

Chane'eja naq'aeta, gaa'me jo'ne yoqochideta da'me 'laqataĝanaĝac qonachilaĝa'n ca'li; qama'le jojo' nolo' uoja'aegaua tres mil jiyaĝadipi da'me nichidegue ga'me p'etaqadaiquipi.

Hechos 4:4

Qalaĝaja qayoĝode' gaa'me jo'ne domachita ga'me napaĝaguenataĝanaĝac, qama'le p'iida'a; qama'le ga'me tachi'ña liñi ga'me p'etaqadaiquipi, nach'egauate' gaa'me le'emdipi da'me qonaloqote'n, yamta'le yovida'a da'me cinco mil.

Efesios 4:11

Qama'le nach'eñe jo'ne yauo'oe daa'me nayatenaĝanaĝaco jo'ne yanema jena'me jiyaĝadipi. Chane'eja uo'oe gaa'me qoyanema da'me 'lonata'j jo'ne Dios lamaĝa's, nataq'aen gaa'me laqaya' jo'ne Dios 'laqataĝanaĝanaqa, nataq'aen gaa'me laqaya' jo'ne qoyanema da'me 'yaĝa'tape da'me Dios 'laqatac, nataq'aen gaa'me laqaya' jo'ne yelolo'te jena'me Dios lec'oqo'tepi nataq'aen yapaĝague'tape.

Romanos 16:26

Qalaĝaja nayi chiyoqotelo'te naa'me ledii's dia'me Dios 'laqataĝanaĝanaqa da'me qoyajeta da'me qoyaloĝon, naq'aeta da'me lamaĝajoĝonaĝac ñe'me Dios 'me ja 'naidena'a. Dojo' ja di'yoq 'me 'yaeñi ñe'me Dios male qoyatetonaĝaneque ena'uaque gaa'me ale'u lael, qaedi p'iida'a nataq'aen yoqochideta.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 17:19

Qama'le yajouaĝat naa'me naajo' da'me jayem male ñiyamaĝatela't, qaedi nach'e ena'am niyamaĝatetedoue da'me jo'ne eja.

Juan 17:21

Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.