Biblia Todo Logo
Bib sou entènèt

- Piblisite -




Juan 17:10 - Nuevo Testamento Toba Sombrero Negro

10 Yema gaa'me yalemaĝaje'te nach'e ena'am adalemaĝaje'te, nataq'aen yema adalemaĝaje'te nach'e ena'am yalemaĝaje'te, qama'le da'me mach'e 'yonaĝac qoyela'a da'me uetauelo jogaa'me.

Gade chapit la Kopi

Nuevo Testamento Toba Sur

10 Cha'ayi 'enauac nam ÿalamaxatpi, namayipi 'adalamaxatpi, qaq nam 'adalamaxatpi, namayipi nataq'en ÿalamaxatpi. Nachi da ÿi'oxoyic qaila'a da huetaigui namayipi.

Gade chapit la Kopi

La'aqtaqa Ñim Lo'onatac 'Enauacna 2013

10 Cha'aye 'enauac nam ỹalamaxatpi, namayepi 'aralamaxatpi, qaq nam 'aralamaxatpi, namayepi nataqa'en ỹalamaxatpi. Nache 'enauac de'era ỹachaxan da ỹa'amaqchec qataq da ỹa'añaxac.

Gade chapit la Kopi




Juan 17:10
16 Referans Kwoze  

Ñe'me Taĝadena' nataq'aen jayem, onolec da'me mach'e qat'oyaĝac.


Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.


Nach'ena 'uo jo' qomle male 'niyelaq ñe'me Qadejaliaĝanec Jesucristo, qama'le ga'me Dios lec'oqo'tepi yataqata 'nonaĝachidegue joñe'me, chayovida'a da'me yoqochetem yemeda ga'me p'etaqadaiquipi. Qama'le da'me ami nach'e ena'am ovitaue joga'me Dios lec'oqo'tepi, qa'a auacoñiyeguet ca'li ga'me 'laqatac joñe'me Qadec'alaĝaiqui jo'ne ami ja'aĝatapema.


Qa'a yema da'me lajoĝoc joñe'me Dios yataqata yematalegue da'me 'loyaĝac ñe'me Cristo,


Qom naq'aeta qama'le ami yataqata qo'nonaĝachigui joñe'me Qadejaliaĝanec Jesucristo yajouaĝa't da'me ami, qama'le joñe'me nach'e ena'am da'me ami 'nonaĝachiguilo onolqa'tape da'me ami, qa'a naqaeda da'me leyalaqataĝanaĝac joñe'me Qadet'a Dios, choqoñe'me Qadejaliaĝanec Jesucristo.


Ja jetaque jen lichigui nale jena'me yeuel, dite da'me qom maliaĝa jayem 'uo, uotaĝa qom male jeleu, jetaque jaco'teguet joda'me 'yañaĝac, qaedi nale jayem qoyec'atetac, male yataqata qo'nonaĝachigui joñe'me Cristo.


Ena'uaque gaa'me jo'ne neda'ña di'me Éfeso, judiopi choqoga'me ja judiopi nomeda'a, qama'le jalcote da'me loqolanaqa't. Nach'eda eeta da'me nichiquetaye da'me natetonaguec da'me lenaĝat ñe'me Jaliaĝanec Jesús.


Mane'e da'me Jesús domachiya, qama'le enaac: —Jenjo' lapite'nayaĝac ja naqaena ta'le en yeleu q'aen, nach'edata da'me uetaue da'me nichoĝodenataĝanaĝac qaedi yaloĝon da'me 'loyaĝac ñe'me Lec'oĝot joñe'me Dios, da'me 'uo da'me li'yoĝodic joñe'me Dios.


qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.


Qama'le yemeda 'nonaĝachidegue ñe'me Dios, qa'a nach'eñe ñe'me jayem yanem da'me yadalaĝac.


Chane'eja Jesús enaac: —Nayi male na'ta da'me laloqo' da'me male qoyaloĝon da'me 'yonaĝac, queda'me mach'e jayem Jiyaĝaua Lec'oĝot.


Swiv nou:

Piblisite


Piblisite