Juan 16:7 - Nuevo Testamento Toba Sombrero Negro

⁷ Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

Nuevo Testamento Toba Sur

⁷ Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

La'aqtaqa Ñim Lo'onatac 'Enauacna 2013

⁷ Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Juan 16:7 Referans Kwoze

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Hechos 10:34

Chane'eja Pedro paja'a doje ca'li, qama'le enaac: —Nayi male jayaten queda'me Dios ja en 'te yaqa'a ga'me jiyaĝaua nataq'aen ga'me laqaya,

Juan 14:28

Joote jayem auayachiñe da'me jec qomle, qalaĝaja yitaĝa 'ñiyelaq qomle qaedi yitaĝa ami jouetauelo. Qom yataqachiñe eja da'me jayem adoqopichiya, qama'le ami made'tapolqa da'me auayachiñe da'me jec'ata ñe'me Taĝadena', qa'a nach'eñe jo'ne jayem napacalegue.

Juan 14:3

Chane'eja qom yem da'me jec nataq'aen da'me jiyamaĝateta't gaa'me at'achaqachidi', qama'le yitaĝa 'ñiyelaq qaedi male ami yequiaĝa'u, qaedi ami nach'e eta't da'me oñiya'ña di'me jo'ne 'nachaqa' di'me jo'ne nach'edi 'nachaqa' jo'ne joneta'ña.

Lucas 9:27

Eja da'me ami ja'aĝatema queda'me nayi uo'oe gaa'me jo'ne ueteda'a jena'me jenjo' cha'li ja yele'u chayovida'a qom yauata da'me lejaliaĝa joñe'me Dios.

Lucas 4:25

Joca'li 'uo di'me Dios 'laqataĝanaĝanec Elías, cha'li ja uotep nalo'taguet tres gaa'me 'uoidi nataq'aen seis gaa'me auoĝoyaqa, qama'le 'uo ga'me ne'ep yema jena'me aleua. Jaajo' noloqo'ote yataqachiñe eja queda'me uo'oe jalcote jaga'me p'ai dia'me israelpi joca'li.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

Juan 16:8

Mane'e qom novi', qama'le yayatenaĝanaĝaneque jogaa'me jiyaĝa'u jo'ne aleua laje' da'me eeta jogaa'me lepatenaĝanaĝaco, nataq'aen joga'me chimadichiñe, nataq'aen da'me lec'atenaĝanaĝac joñe'me Dios.