Juan 16:27 - Nuevo Testamento Toba Sombrero Negro

²⁷ qa'a nach'eñe ñe'me Taĝadena' jo'ne ami noqopitalo, jouaĝat da'me jayem adoqopichiya, nataq'aen da'me a'uamaqachiñe da'me naqayem jo'ne jachiyoĝogue ñe'me Dios.

Nuevo Testamento Toba Sur

²⁷ cha'ayi ñimayi maichi qami' ÿauoteque. Qami' ÿauoteque, cha'ayi aÿim qauauochiic, qataq qau'amaqchiñi da aÿim sachigoqtot ñimayi.

La'aqtaqa Ñim Lo'onatac 'Enauacna 2013

²⁷ Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Juan 16:27 Referans Kwoze

Juan 14:21

Joga'me jo'ne yaconegueta daa'me yamaĝajoĝonaĝaco nataq'aen da'me yoqo'chalo, qama'le nach'ega yaloĝon da'me yataqachiñe eja jayem noqopita. Qama'le ñe'me Taĝadena' noqopita ga'me jo'ne jayem noqopita, qama'le nach'e ena'am da'me jayem joqopita joga'me nataq'aen da'me ñaloĝoneguet.”

Juan 14:23

Jesús 'yateguet joñe'me: —Ga'me jo'ne jayem noqopita, yoqocha'alo naa'me 'yaqataqa, qama'le Taĝadena' noqopita ga'me, qama'le ñe'me Taĝadena' nataq'aen jayem ñanaĝaquena qaedi jonaqa'ajop joga'me.

Juan 17:23

queda'me jayem male jouetauelo jogaa'me nataq'aen da'me am nach'e eta't jayem oue'tajop, qaedi yataqata nalo'ta't naa'me. Chane'eja qom naq'aeta qama'le yema joga'me aleua laje'pi male nomeda'a da'me jayem anamaĝaquena, nataq'aen da'me adoqopitalo naa'me, nach'e ena'am da'me yataqata jayem adoqopita.

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

1 Corintios 16:22

Qom 'uo ga'me ja noqopita ñe'me Jaliaĝanec, joote qoyachetalegue ga'me ne'uaĝanaguec jo'ne yataqachiñe t'adaic. ¡Am Qadejaliaĝanec, ja anayaloĝoden da'me auanaequena!

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

2 Corintios 5:14

Joda'me loqopich'i ñe'me Cristo napacalegue da'me qat'oyaĝac. Jayatenaq queda'me ena'uac nep'aĝanegueta ca'li yeleu ñe'me, chane'eja ena'am ta'le ena'uaque qo'mi joote qadeleu.

Juan 16:30

Nayi male jauanaĝa da'me auayaten yema naa'me naajo' uo'oe nataq'aen ja auouetaque ta'le 'uo ga'me ya'uo ga'me lenataĝanaĝac. Chane'eja chiyaqayi da'me dojo' nayi ja'amaqatenaq da'me auachiyaqaje'ma ñe'me Dios.

Mateo 10:37

Ñe'me jo'ne noqopita ga'me let'a uotaĝa lat'e qama'te ja yaguegue da'me jayem noqopita, qama'le ja tayet da'me ñauela't. Nataq'aen ñe'me jo'ne noqopita ga'me c'oĝot uotaĝa c'oqote qama'te ja yaguegue da'me jayem noqopita, qama'le ja tayet da'me ñauela't.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.

Apocalipsis 3:9

Auec'achiñe da'me jo'ne je'eteque jogaa'me jo'ne chiyoqodayi da'me lemaĝac ñe'me Satanás, jogaa'me jo'ne pecayaqa da'me eetapela'ajalo nach'egaua jo'ne lec'oqo'tepi joñe'me Dios, qalaĝaja ja naqaegaua: jen qomle da'me ami yec'atalo qaedi yejoidiñe naa'me leliquetel da'me ami dajo'tagueta, qama'le yataqata yayate'n da'me jayem eja da'me ami joqopitalo.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

Hebreos 12:6

Qa'a ñe'me Jaliaĝanec yapaĝaguen yema ga'me jo'ne noqopita, Nataq'aen da'me ye'uaĝa'n nale gaa'me jo'ne yaconegueta da'me e'n lec'oqo'te.”

1 Timoteo 1:15

Jenjo' yataqata eja, qama'le 'noota ta'le yema jep'iyaqa, queda'me Cristo Jesús nec'ata ca'li jena'me aleua qaedi nec'alaĝatedegue jogaa'me loeco lo'olpi, qama'le jayem tachigui da'me naqayem loeco lo'o t'adaic.

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

1 Corintios 15:47

Ga'me 'uaeñe jiyaĝaua qoyachiyoĝotaye ga'me lojoche jena'me aleua ca'li qoye'et nataq'aen chiyaqaue jena'me aleua; ñe'me jiyaĝaua jo'ne p'ategue, nach'eñe Cristo, qamqa'me chiyaqaje'ma di'me piyem.

Romanos 8:3

Qa'a ñe'me Dios male ye'et da'me jo'ne ja yañoĝot da'me ye'et da'me namaĝajoĝonaĝac jo'ne chiyoqo'ot di'me Moisés, qa'a da'me lachoĝolaĝac da'me ch'e nejiyaĝauayaĝac qama'le ja yaqanatet ta'le yomat da'me dojo'. Qama'le Dios namaĝaquena ñe'me C'oĝot ena'am da'me lachoĝolaĝac ga'me ch'e jiyaĝaua 'me loeco lo'ol nataq'aen ena'am ta'le nemenec 'me nep'aĝaneguet gaa'me loeco joga'me jiyaĝadipi, nach'eda naq'aeta da'me ena'am q'aen ga'me ch'e jiyaĝaua 'me etaĝaloĝoic chiyaqayi da'me male yolaĝachigui ga'me etaĝaloĝoc.

Juan 7:29

Da'me jayem qamqa'me jateton qa'a naqayem jo'ne jachiyoĝogue, nataq'aen da'me nach'eñe jo'ne jayem namaĝaquena.

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.