Juan 16:20 - Nuevo Testamento Toba Sombrero Negro

²⁰ Eja da'me ami ja'aĝatema: da'me ami cha'li anoyeñitac qomle nataq'aen da'me 'uo da'me adachoĝodequi, qalaĝaja joga'me aleua laje'pi cha'li 'uo da'me lamaic. Da'me ami, te'me 'uo da'me adachoĝodequi, qalaĝaja ja cop'a da'me male neleguemaĝata da'me adamaiqui.

Nuevo Testamento Toba Sur

²⁰ Qaq ÿataqta 'eesa de'eda qami' sa'axatema nagui, da qami' qome qanoÿiñiitac, qataq qauaquicoita, qaq nam shiÿaxauapi mayi huetalec ana 'alhua, namayipi qome machiguiñi. Qalaxayi nai'ctaxa qome da qami' ÿataqta qauaquicoita, qalaxayi de'eda qadaquicoqoi, damayi naigui ca qantonaxaqui.

La'aqtaqa Ñim Lo'onatac 'Enauacna 2013

²⁰ Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.

Juan 16:20 Referans Kwoze

Santiago 1:2

Ami yaqaya'olqa, 'noota qom ami made'tapolqa qom ami yovitalo jogaa'me yodapecache jo'ne napiyenataĝanaĝaco,

Mateo 5:4

“Nataq'aen made'tapolqa qomle gaa'me jo'ne noye'tape, qa'a nach'egaua gaa'me jo'ne qoloyaĝanate'tape qomle.

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

Marcos 16:10

Jañe'me dajoyilo ca'li nataq'aen t'aqataĝanema jogaa'me jo'ne quetedapegue' joñe'me Jesús, jo'ne totelo'te nataq'aen noye'tape jogaa'me.

Judas 1:24

Ñe'me Qadet'a Dios 'uo da'me lañoqotaĝanaĝac qaedi ami netela'aque da'me ta'le auachiyaqaijeguem, qama'le ami nechalataĝadoue queda'me qaya'te adejamaĝataĝaqui nataq'aen ami jaqachiguilo joda'me adamaiqui qom auajoiya'aguet da'me 'lonaĝac joñe'me.

Lucas 24:21

“Qo'mi 'uo da'me qadajoĝonataĝanaĝac queda'me nach'eñe de'uolegue qomle jena'me 'naleua di'me Israel. Qalaĝaja nayi joote yenoĝodegue gaa'me tres noloqo'ote da'me 'uo da'me dojo'.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Romanos 5:11

Nataq'aen ja jaldata da'me dojo', dite da'me nach'e ena'am 'ñonaĝataĝaye ñe'me Dios yajouaĝat ñe'me Qadejaliaĝanec Jesucristo, qa'a nach'eñe ñe'me Cristo jo'ne chiyaqayi da'me jaconaĝaguet nayi da'me qo'mi qoyadalaĝa't.

Lucas 24:17

Qama'le Jesús yena't: —¿Jach'e ga'me auojetapiye da'me auoyitac? Qama'le nechachidiñe qalaĝaja 'uo da'me lemalaqataĝanaĝa'j,

Lucas 23:27

Jalcote ga'me jiyaĝadipi quetedapegue' joñe'me, nataq'aen jalcote gaa'me yauodipi jo'ne noye'tape nataq'aen 'yalaqatedapeguem da'me lemalaqataĝanaĝa'j jouaĝat joñe'me.

Apocalipsis 18:7

Auañem nayi da'me layaliaĝa nataq'aen da'me lachoĝodec, analoqote'teguet da'me ee'tec ca'li ni'yoĝodela't nataq'aen da'me 'yetetac jo'ne yataqachiñe ja no'en. Qa'a 'uo ca'li da'me lelnataĝac jaga'me jo'ne eetac: «Jenjo' jena'me joue'ta da'me joñichiñe ena'am ta'le jayem nejaliaĝana. Da'me jayem ja jayem 'te p'ai, nataq'aen qaya'te ta'le yachoĝodec qomle.»

Apocalipsis 11:10

Jogaa'me jo'ne 'lachaqa't jodi'me aleua ja 'yamaqate'n jodia'me Dios 'laqataĝanaĝanaqa, qa'a eetedapega nach'ediaua dia'me jo'ne chiyaqayilo da'me layaliaqa'. Chane'eja yataqata netotec da'me leleuaĝa' jodia'me, yauote da'me lamai'j nataq'aen yache't gaa'me leyalaqataĝanaĝa'j gaa'me laqaya'.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 16:6

Nayi lichiguilo naa'me adai'lidi' qa'a ja'aĝatetac da'me dojo' 'uo.

Lucas 22:62

Chane'eja Pedro ca'e ga'me ue'ta qama'le yataqachiñe noyen.

Lucas 22:45

Ca'li ñijeguem, yomat da'me netamenaĝac, yec'ata ga'me ueteda'a gaa'me lapaĝaguenataqa, qanach'e yejomalo'te da'me t'oche'tape, nejalichidiñe jouaĝat da'me lemalaqataĝanaĝa'j.

Lucas 6:21

“Ami made'tapolqa, ami jo'ne adoqouachi nayi, qa'a ami chayaĝayaqa qomle. “Ami made'tapolqa, ami jo'ne 'uo da'me ademalaqataĝanaĝaqui nayi, qa'a male ami najaqachiguilo ga'me adamaiqui qomle.

Marcos 14:72

Qama'le paja'a yitaĝa noyen ga'me olegaĝa, qama'le Pedro netouena ga'me Jesús joote 'yaĝatem: “Qom yauaqa'a da'me 'viyelaĝalegue da'me noyen ga'me olegaĝa qama'le joote tres jayem anematapec.” Qama'le Pedro noyen ca'li.

1 Ts 1:6

Qama'le da'me ami, yataqata oquiyegue ca'li joga'me jauoqotac mach'e qat'onataĝanaĝac, nataq'aen joga'me 'lonataĝanaĝac joñe'me Jaliaĝanec, chayovida'a da'me auacoñiyeguet ga'me 'naqatac. Qama'le auachiyoĝotedaue joga'me adamaiqui jo'ne ami yanema ñe'me Dios Lepaqal da'me chiyaqaue ga'me adachoĝodequi.

Juan 20:20

Mane'e da'me yem da'me nenaĝategue, qama'le yaloĝonalo naa'me loua' nataq'aen ga'me lae. Qama'le yataqachiñe made'tapolqa jogaa'me napaĝaguenataqa queda'me yitaĝa yauata joñe'me Jaliaĝanec.

Mateo 21:38

Qalaĝaja ca'li yauata ga'me c'oĝot, jogaa'me onataĝanaĝayaqa male enapega't: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»