Juan 15:8 - Nuevo Testamento Toba Sombrero Negro

⁸ Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Nuevo Testamento Toba Sur

⁸ Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

La'aqtaqa Ñim Lo'onatac 'Enauacna 2013

⁸ Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa.

Juan 15:8 Referans Kwoze

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Mateo 5:16

Nach'e naq'aeta ga'me 'yoqochiñe jo'ne ami netayelo, 'noota qom yecoyadelo'te ga'me jiyaĝadipi, qaedi yauata daa'me onaĝayaqa 'me at'onataqadi' qama'le 'nonaĝachidegue joñe'me Dios.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Juan 15:5

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

Juan 13:35

Qom yataqata anoqopichiya'a't onolqa'tape da'me ami, qama'le yema ga'me jiyaĝadipi yayate'n qomle da'me yataqata ami yapaĝaguenataqa.

1 Corintios 10:31

Chane'eja, qom 'uo ga'me aualiquitac, uotaĝa 'uo ga'me aniyomiyigui, uotaĝa gamachaqaega a'vichetac, jalcote onaĝaic qom ga'me auauoyi nach'eda chiyaqayi da'me qo'nonaĝachigui ñe'me Dios.

1 Corintios 6:20

qa'a Dios joote ami ecoto joca'li. Qama'le 'noota ta'le a'uonataĝañiyalo naa'me adapa'chidi' qaedi a'nonaĝachiyegui joñe'me Dios.

Lucas 6:35

Qalaĝaja ami, 'noota qom adoqopichiyalo gaa'me adaute'udi', nataq'aen auauoyi da'me 'noota, nataq'aen a'nataĝanaĝañiyec ga'me adoĝochi qama'le ena'te auajoĝoñi'ta ta'le ami 'yiyelaĝategueta ga'me lajo'vi. Qaedi naq'aeta da'me jalcote da'me anejetenaguequi, da'me ami qoye'n lec'oqo'tolqa joñe'me Dios jo'ne napacalegue ena'uac, jo'ne nach'e ena'am nichoĝodenoqo't jogaa'me jo'ne ja yane'm da'me lamai'j joñe'me nataq'aen qaleuaĝayaqa.

1 Pedro 2:12

A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Tito 2:10

'Noota qom ja decachiyoto, dite da'me yaloĝo'n queda'me yataqachiñe eja yalemaqate'. Nach'e naq'aeta yema ga'me yauote qoyauanalo queda'me yataqachiñe 'noota da'me napaĝaguenataĝanaĝac 'me chiyoĝogue joñe'me Dios mach'e Qadec'alaĝaiqui.

Tito 2:5

nataq'aen qaedi joĝodail da'me 'loyaĝa'j, nedo'ta'ajalo, neteleta ga'me 'lachaqa't, choĝodenataĝanaĝail, nataq'aen naeda'ac ta'le uatec'alo jogaa'me loua', qaedi ja qoye'uetac da'me 'laqataĝanaĝac joñe'me Dios.

Mateo 5:44

Qalaĝaja ami ja'aĝatema: Adoqopichiyalo gaa'me jo'ne ami niquiya'alo, nataq'aen auajelaĝañilo'te ga'me jo'ne ami yachoĝode'tape.

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.