Juan 15:26 - Nuevo Testamento Toba Sombrero Negro

²⁶ “Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Nuevo Testamento Toba Sur

²⁶ Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

La'aqtaqa Ñim Lo'onatac 'Enauacna 2013

²⁶ Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Juan 15:26 Referans Kwoze

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Hechos 5:32

Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

Hechos 15:8

Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

1 Corintios 1:6

Qama'le da'me 'naqataĝanaĝac 'me 'yaĝatetac ñe'me Cristo joote ami qo'yetouelo;

Juan 16:7

Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

Hechos 1:4

Ca'li maliaĝa uetauelo gaa'me lamaĝa's, ñe'me Jesús uaqatalo jogaa'me, enaac: —Ena'te oquiya'e di'me Jerusalén, dite da'me cha'li auachiya'a ga'me jo'ne joote ami ja'aĝatapema, 'me jetaque ami yanema ñe'me Taĝadena'.