Juan 15:21 - Nuevo Testamento Toba Sombrero Negro

²¹ Yema jenjo' jo'ne ami qo'yeteque chiyaqayi da'me jayem auoqochi'taguet, qa'a ja qoyateton ñe'me jo'ne jayem namaĝaquena.

Nuevo Testamento Toba Sur

²¹ Qaq 'enauac qome ne'ena qami' qai'oteque souaxat aÿim, cha'ayi namayipi sa ishit da ÿauatton ñim aÿim namaq.

La'aqtaqa Ñim Lo'onatac 'Enauacna 2013

²¹ Qaq 'enauac qome ne'ena qami' qaỹo'oteque souaxat da qami' ỹapaxaguenataqa, cha'aye na shiỹaxauapi saishet da ỹauatton Ñim Lo'onatac 'Enauacna maye Aỹem namaq.

Juan 15:21 Referans Kwoze

Mateo 10:22

Ena'uaque jogaa'me aleua laje' ami qonautenalo qa'a jouaĝat jayem; qalaĝaja ga'me jo'ne 'nañaĝatela't chayovida'a ga'me loiquiaqa' da'me 'loyaĝac, qama'le nach'ega nec'alegue qomle.

Juan 16:3

Jenjo' yauote qa'a ja yateto'n ñe'me Taĝadena' uotaĝa ta'le jayem yateto'n.

Juan 8:19

Qama'le qoyenatec: —¿Jach'e ga'me ue'ta ga'me adet'a? Jesús male 'yategueta: —Da'me ami ja jayem 'te auatetoñi, nach'e ena'am ja auatetoñi ñe'me Taĝadena'; ta'le jayem auatetoñi qama'le nach'e ena'am auatetoñi ñe'me Taĝadena'.

Mateo 24:9

“Chane'eja ami qoyadeuo qomle qaedi ja no'en ga'me ami qo'yeteque; nataq'aen ami qoyala't, nataq'aen yema jena'me aleua ami qoniquiya'alo qomle qa'a jouaĝat da'me jayem oquiyegue.

Mateo 10:18

chayovida'a da'me ami qoyauelo'te jogaa'me jaliaĝanaqa 'me yelolo'te naa'me ale'u lael choqogaa'me jaliaĝanaqa jo'ne p'ajodaye. Ami qo'yeteque da'me dojo' qa'a yajouaĝat da'me jayem; qama'le naq'aeta qomle da'me auepitaqachiñiyac queda'me jayem a'uaĝachiyema nale auajoyiya'agueta jogaa'me nataq'aen gaa'me ja judiopi laje'.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Apocalipsis 2:3

Nataq'aen jayaten da'me oquitalegue da'me 'noota ladic, qama'le 'uo da'me adachoĝodequi queda'me yajouaĝat jayem, choqoda'me ja adeliñi'ñejop.

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

1 Corintios 15:34

Ami, jalcote 'noota ta'le a'viyelaqaiya da'me onaĝaic adadiqui nataq'aen ja yitaĝa auauoyi adoequi, queda'me uo'oe gaa'me ami uetauelo 'me maliaĝa ja yateto'n ñe'me Dios. Jenaac da'me dojo' qaedi 'uo da'me adepocoĝoqui.

1 Corintios 2:8

Qaya'te onolec gaa'me jo'ne nejaliaĝatedelegue jena'me aleua ta'le yayaten dojo' nayatenaĝanaĝac; ta'che joote yayate'n, qama'le ja yanetedaye jaga'me sodoso da'me yala't ñe'me Jaliaĝanec jo'ne naqaeñe netaue da'me 'lonaĝac ñe'me Dios.

Romanos 1:28

Qa'a queda'me ja jetaque yatetoteguet ñe'me Dios, joñe'me yegue'm jogaa'me yemegueta gaa'me jomayaqa lelnataĝaco, qaedi ye't ga'me jo'ne yepaquetedapega.

Hechos 17:23

Qa'a da'me jec'ate'n naa'me oviyapi'ñalo nale auauoyi gaa'me ademaĝacodi', jauana ga'me c'atoĝonaĝala' jo'ne ualegue ga'me qoyediñe, naajo' 'naqataqa: «Tamenaqa' da'me qonetamenot ga'me dios jo'ne ja qoyateton.» Chane'eja, ga'me anetameñetapecot 'me ja auatetoñi, nach'eda ñanaequena qaedi ami ja'aĝatema.

Hechos 9:16

Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”

Hechos 3:17

“Eja, ami yaqaya'olqa, joote jayaten queda'me ami nataq'aen gaa'me adejaliaĝanaqadi' aualachi ca'li ñe'me Jesús, auauoyi da'me dojo' qalaĝaja ja auayachiñe ga'me jo'ne a'vichiyec joñe'me.

Juan 8:54

Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Lucas 6:22

“Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

Mateo 10:39

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

Mateo 5:11

“Nataq'aen ami made'tapolqa qom 'uo ga'me jiyaĝadipi jo'ne ami yejoue'tape nataq'aen ja no'en da'me ami 'yeteque, nataq'aen qom yajouaĝat da'me jayem, qama'le ami qoyedolo'te ga'me yodapecache noqovinaĝanaĝaco 'me t'aĝanataĝana'ape.

Marcos 13:13

Yema ga'me aleua laje'pi ami nautenalo qa'a yajouaĝat da'me jayem oquiyegue; qalaĝaja ga'me jo'ne 'nañaĝatela't chayovida'a da'me loiquiaqa', nach'ega qoyanem da'me lec'alaĝa jo'ne ja 'naidena'a.

Lucas 21:12

“Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.

Lucas 21:17

nataq'aen yema jena'me aleua ami qoniquiyatapegalo jouaĝat da'me jayem oquiyegue.

Juan 8:55

Qalaĝaja queda'me ja auatetoñi joñe'me, dite jayem qamqa'me jateton. Chane'eja qom jenaac da'me ja jateton, qama'le naqayem jo'ne pecaic, qama'le ami jena'ama. Qalaĝaja queda'me eja da'me jateton joñe'me nataq'aen da'me joqoch'alo daa'me 'laqataqa.

Juan 15:24

Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Juan 17:25

Am Taĝadena' jo'ne am yataqatelegue, joga'me aleua laje'pi ja am 'te yateto'n, qalaĝaja jayem qamqa'me am jateton qama'le naa'me naajo' male yayate'n da'me naqa'am jo'ne jayem anamaĝaquena.

Hechos 4:17

Qalaĝaja da'me qaedi jenjo' jo'ne qo'yaĝatetac ja nach'e ta'taqueda da'me qo'yaĝatetapi'ñgui, qama'le cha'li jauoqo lachoĝode'j jogaa'me, qaedi chiyoqotelegue nayi da'me ja yitaĝa 'yaĝatetedac da'me lenaĝat ñe'me Jesús.

Hechos 9:14

Qama'le nayi nec'ata jena'me jenjo', jo'ne uo'oe gaa'me lajoĝolatel, 'me lediijel ga'me lejaliaĝanaqa ga'me tamenaĝaiqui lo'olpi, qaedi qo'mi yecoñe't, ena'uaque qo'mi jo'ne ja'aĝataqatac da'me adenaĝat.”

Hechos 26:9

“Mach'e jayem ca'li da'me jeetapega 'noota da'me qayoĝode' gaa'me jauo'oe jo'ne ñautena ñe'me Jesús jo'ne Nazaret le'ec,

1 Juan 3:1

Piiya, ¡yataqachiñe qo'mi noqopitalo joñe'me Dios jo'ne Qadet'a, qama'le jetaque qo'mi e'n lec'oqo'tolqa! Qama'le eja da'me dojo'; qo'che' gaa'me aleua laje'pi ja qo'mi 'te yateto'n, qa'a ja yateto'n joñe'me Dios.

3 Juan 1:7

Qa'a jogaa'me eque' qaedi t'onataĝadeuo'o joñe'me Jesucristo, qama'le ja yacoteguet ga'me lecochaĝa'j jogaa'me jo'ne ja p'etaqadaiquipi.