Juan 14:26 - Nuevo Testamento Toba Sombrero Negro

²⁶ qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Nuevo Testamento Toba Sur

²⁶ Qalaxayi cam Espíritu Santo, mayi ñi ita'a qami' namaxalo qome, nactaigui naq'en da i'enaxat, da yaqto' qami' itaua'n qataq qami' i'añaqchi't, camayi qome qami' ÿapaxaguenque 'enauac na lataxaguesat, qataq qami' iuennataxanaxanque 'enauac na i'aqtacpi mayi qami' sanoiguilo.

La'aqtaqa Ñim Lo'onatac 'Enauacna 2013

²⁶ Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Juan 14:26 Referans Kwoze

Juan 15:26

“Qalaĝaja novitequena qomle ñe'me anecochoqo't, ñe'me Dios Lepaqal jo'ne chiyoqo'ot joñe'me Taĝadena', qama'le 'yaĝatetac joñe'me jo'ne yataqatelegue. Ñamaĝaquena qomle qaedi chiyaqaue joñe'me Taĝadena' qama'le jayem 'yaĝatetac.

Juan 14:16

Qama'le jajelaĝanot ñe'me Taĝadena' qaedi namaĝaquena ga'me laqaya jo'ne necochaĝaua, qaedi nach'e eta't ami uetauelo.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

Juan 16:7

Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

1 Juan 2:20

Qalaĝaja, Cristo joote ami yanema joñe'me Dios Lepaqal, qama'le yema ami 'uo da'me ami yayatenaĝaneque yema naa'me naajo'.

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Juan 2:22

Qo'che' ca'li 'niyelaĝajeguem, gaa'me lapaĝaguenataqa male netouetec da'me dojo' 'me nenaĝategue, qama'le ja yoqolegue't naa'me nedii's nataq'aen naa'me 'laqataqa ñe'me Jesús.

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Juan 5:7

Qa'a naajo' tres jo'ne mach'e choqotaĝanaĝayaqa:

Tito 3:5

qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Judas 1:20

Qalaĝaja ami yaqaya'olqa, nach'e aueñeta't a'nañaĝachiyec da'me jo'ne ja 'nalegue 'me adepi'i, nataq'aen anajeñe'teguet ñe'me Dios Lepaqal da'me ami yauequeteda'ague joda'me anetamenaĝaqui.

Hebreos 9:8

Chane'eja joñe'me Dios Lepaqal qo'mi yayatenaĝanaĝaneque queda'me yatemaliaĝa queta da'me 'uaechiñe tamenaĝaiqui, qama'le cha'li ja qoyaloĝon da'me qadadic ta'le jaĝaue di'me p'auo jo'ne yataqata ja 'nalegue.

Hebreos 3:7

Chane'eja, auomachiiya nayi da'me 'laqatac joñe'me Dios Lepaqal jo'ne joote qoyediñe joca'li: “Nayi jenjo' nolo', qom auomachiiya da'me jo'ne Dios 'yaĝatetac,

1 Ts 4:8

Chane'eja, joga'me jiyaĝaua jo'ne 'yota'n naa'me naajo' napaĝaguenataĝanaĝaco, ja ena'am ta'le 'yotan ga'me ch'e jiyaĝaua, dite da'me 'yotan joñe'me Dios, ñe'me jo'ne joote qo'mi yanema joñe'me Lepaqal jo'ne ja 'nalegue.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

2 Pedro 1:21

Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.

Lucas 11:13

Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

Romanos 15:16

Da'me jo'onataĝaneuo'o ñe'me Cristo Jesús qaedi 'uo da'me liyamaĝa'j ena'uaque jogaa'me jo'ne ja judiopi. Ja'aĝatetac da'me onaĝaic 'naqataĝanaĝac 'me chiyaqayi ñe'me Dios, qaedi ga'me ja judiopi nach'egaua ñe'me Dios Lepaqal ja 'nalo'te q'ae'n qama'le jano't ñe'me Dios, ena'am ga'me najaqajec nale qoyigoue 'me jama ga'me laeta.

Lucas 1:41

Mane'e ca'li Elisabet domachiya da'me lep'iyenataĝanaĝac jañe'me María, ga'tae'me notolec nedajeguem da'me uetaue ga'me lat'e lauel, qama'le jañe'me Elisabet najaqachigui joñe'me Dios Lepaqal.

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

2 Timoteo 1:14

Yataqata adetela jona'me Dios Lepaqal jo'ne qo'mi ue'tajopa, qa'a nach'ena am lecochiya qomle qaedi ja aĝadiñi naa'me naajo' napaĝaguenataĝanaĝaco.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Romanos 5:5

Qama'le da'me dojo' qadeuataqataĝanaĝac ja qo'mi 'te yoqovi'n, qa'a ñe'me Dios najaqachiguilo q'ae'n naa'me qadai'li da'me loqopich'i na'ya q'aen ñe'me Lepaqal jo'ne qo'mi yanema.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Hechos 11:16

“Chane'eja ñetouena da'me jo'ne 'laqatac ca'li ñe'me Jaliaĝanec: «Eja da'me Juan dachilaĝanataĝañgui ga'me noĝop, qalaĝaja ami qamqa'me ami qonachilaĝaneque joñe'me Dios Lepaqal 'me ja 'nalegue.»

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Juan 20:22

Qama'le yepetetouelo jogaa'me, qama'le enaac: —¡Auacoñiyeguet joñe'me Dios Lepaqal!

Juan 6:45

Uo'oe naa'me ledii's jogaa'me Dios 'laqataĝanaĝanaqa jo'ne eetac: «Yema da'me Dios yapaĝague'n qomle jogaa'me jiyaĝadipi.» Chane'eja ena'uaque jogaa'me jo'ne naquiaĝata ñe'me Qadet'a nataq'aen da'me napaĝaguenalo naa'me 'laqataqa joñe'me, qama'le jayem nec'ata.

Marcos 13:11

Nataq'aen ena'te at'oiyapega ga'me jo'ne anenaĝachiyegue qom ami qoyajoĝona'agueta gaa'me lejaliaĝanaqa gaa'me nemaĝaiqui'. Nach'ega laloqo' da'me anenaĝachiyegue ga'me jo'ne Dios ami yaloĝonalo, qa'a ja naqa'ami ta'le mach'e auojeyi, dite ñe'me Lepaqal joñe'me Dios jo'ne ami yojaĝanaĝa'n.

Mateo 1:20

Ca'li joote yataqachiñe uenatetelegue qaedi naq'aeta da'me ya'uo qanach'e 'uo ga'me piyem le'ec jo'ne chiyaqaje'ma ñe'me Jaliaĝanec, qama'le taue q'aen ga'me 'lochaĝa da'me naloĝoneguet qama'le dojapegue': “José, jo'ne mach'e am David c'oĝot, ena'te at'oiyapega da'me anauela't jañe'me María qaedi a'uoneguet, qa'a ga'me c'oĝot mach'e chiyaqayi da'me 'lañaĝac joñe'me Dios Lepaqal 'me ja 'nalegue.

Hebreos 10:15

Qama'le ñe'me Dios Lepaqal nataq'aen qo'mi 'yaĝatema da'me eeta, enaac:

Juan 12:16

Gaa'me lapaĝaguenataqa ñe'me Jesús maliaĝa ja yayate'n naa'me naajo' jo'ne uo'oe, qalaĝaja ca'li eque' jaa'me noloqo'ote da'me ua'a male yem da'me qo'nonaĝachigui ñe'me Jesús qama'le yemta qouenate'talo da'me yemeda naa'me naajo' jo'ne uo'oe, nach'enaua joote 'yaĝatetedac naa'me nedii's jo'ne Dios 'laqatac lae't.

Marcos 12:36

Qa'a mach'edi David, taue joñe'me Dios Lepaqal qama'le yojaĝanaĝan, enaac: «Ñe'me Jaliaĝanec dojapegue' ñe'me Yejaliaĝanec: Ona'ña na'me jayaten, chayovida'a qom jacho'oto naa'me adapia'te ena'uaque joga'me adaute'upi.»

Apocalipsis 2:11

Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le jogaa'me jo'ne yovidedeta da'me noma't joga'me ja no'en, nach'egaua jo'ne qaya'te ta'le onolec ja no'en jo'ne lachoĝodec qom yovidedeta ga'me neleuaĝa jo'ne p'ategue.»

Efesios 1:13

Qama'le nayi nach'e ena'am da'me ami male ami Dios lec'oqo'tepi, chiyaqayi da'me joote auomachiiya jena'me jenjo' 'naqataĝanaĝac jo'ne eja 'me 'yaĝatetac ñe'me Dios, 'naqataĝanaĝac jo'ne chiyaqayi da'me adec'alaĝaqui, nach'ena jena'me jenjo' male chiyaqayi joñe'me Cristo, da'me joote auacoñiyeguet joñe'me Dios Lepaqal jo'ne ja 'nalegue, nach'ena jenjo' qo'yaĝatapema joñe'me, qama'le en di'yoq da'me yataqata ami Dios lec'oqo'te.

2 Corintios 6:6

Temaqaedi da'me uo'oe ena'uaque naa'me naajo', qalaĝaja jaloĝonaq da'me qaya'te lale'gue da'me qat'oyaĝac, jatetonaq da'me eja, 'uo da'me qadapogaĝadec nataq'aen qo'mi qopitaĝanaqataqayaqa. Ñe'me Dios Lepaqal 'me ja 'nalegue uetaue da'me qat'oyaĝac nataq'aen qadoqopita da'me eja.

Hechos 20:35

Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

Hechos 15:8

Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.

Hechos 7:51

“Qalaĝaja ami, nach'eda da'me ja damichiguilo naa'me adai'lidi' nataq'aen naa'me adequetela lacodi' choqonaa'me adai'lidi' chiyoĝo's. Nach'eda da'me anauchiñetapega ñe'me Dios Lepaqal jo'ne ja 'nalegue, yataqachiñe auañiya'ama dia'me adet'aldi'.

Hechos 1:4

Ca'li maliaĝa uetauelo gaa'me lamaĝa's, ñe'me Jesús uaqatalo jogaa'me, enaac: —Ena'te oquiya'e di'me Jerusalén, dite da'me cha'li auachiya'a ga'me jo'ne joote ami ja'aĝatapema, 'me jetaque ami yanema ñe'me Taĝadena'.

Hechos 1:2

chayovida'a jo'me nolo' ca'li male qoyauegue di'me piyem. Ca'li maliaĝa 'uo qama'le yanema daa'me lamaĝajoĝonaĝaco jo'ne chiyaqayi q'aen ñe'me Dios Lepaqal gaa'me lamaĝa's jo'ne joote 'yatetelo'te.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Lucas 3:22

qama'le ñe'me Dios Lepaqal di'yoĝoja da'me nenochi'ña joñe'me, ena'am ga'me doqoto'. Nataq'aen queda'me qodomachiya ga'me najamaĝa 'me chimaqapije'ma di'me piyem, jo'ne enaac: —Am yalec jo'ne jauotec, mach'e am jo'ne yataqata Yiquiyac.

Lucas 1:67

Qama'le da'me maqachaĝa doje ñe'me Zacarías, jo'ne let'a ñe'me notolec, yataqachiñe nedaje'mec da'me lamaic qama'le ñe'me Dios Lepaqal cha'li yojaĝanaĝan, enaac:

Lucas 1:35

Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

Lucas 1:15

qa'a ga'me ac'oĝot qomle ñe'me Jaliaĝanec yataqachiñe en p'ajaye. Ja niyomigui ga'me lataĝa, uotaĝa ga'me jo'ne yataqachiñe chem 'me nequejegaĝat, nataq'aen yataqata najaqachigui joñe'me Dios Lepaqal qom maliaĝa ja niyiñe.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Hechos 28:25

Qama'le queda'me ja nalo'ta'ajalo jogaa'me, male queda'e. Pablo nach'edata da'me enaac: —Jodaa'me 'laqataqa ñe'me Dios Lepaqal da'me yojaĝanaĝan di'me Isaías ca'li yataqachiñe tachiguilo jodia'me adet'aldi' ca'li enaac:

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Hechos 15:28

Qa'a 'noota q'aen ñe'me Dios Lepaqal 'me ja 'nalegue nataq'aen qo'mi, da'me ja ami 'te jachaqalo'te gamachaqaega adi'yaqui niyaqa'alo naa'me naajo' uo'oe jo'ne auoviñetaque ta'le aĝañidiñi:

Hechos 13:4

Yem da'me dojo' qama'le ñe'me Dios Lepaqal yama' ñe'me Bernabé nataq'aen Saulo, qama'le dajotegue di'me Seleucia, qama'le nach'edi ua'a da'me nedañgui jaga'me licota jo'ne dajoyi di'me Chipre.

Hechos 7:55

Qalaĝaja ñe'me, najaqachigui ñe'me Dios Lepaqal, yeloje'mec di'me piyem qama'le yauana da'me 'lonaĝac joñe'me Dios, nataq'aen Jesús nechateta'ña ga'me p'aye yayaten ñe'me Dios.

Hechos 5:3

Pedro enaac: —Ananías, ¿toqoch'e auajeta ta'le Satanás am nomat nataq'aen am 'yetec da'me auoqovin ñe'me Dios Lepaqal jo'ne ja 'nalegue, da'me auen colaĝaye jaga'me lajo'vi ga'me a'naleua?

Lucas 2:25

Joca'li gaa'me noloqo'ote 'uo ñe'me jiyaĝaua jo'ne na'ña di'me Jerusalén, lenaĝat Simeón, jo'ne yataqatelegue nataq'aen choĝodenataĝanaĝaic, nataq'aen 'uo da'me leuataqataĝanaĝac da'me qoyiyamaĝachiñe ga'me Israel laje'pi. Joñe'me Dios Lepaqal ue'tajop joñe'me,

Mateo 1:18

Joda'me lañoĝoqui ñe'me Jesucristo eet'oi: José joote 'naĝateguet ca'li qaedi 'uoneguet María, mach'e lat'e ñe'me Jesucristo, qalaĝaja ca'li maliaĝa ja ue'tajop, qama'te yauana queda'me qo'uaĝai jaga'me, qa'a chiyaqayi da'me 'lañaĝac joñe'me Dios Lepaqal 'me ja 'nalegue.

Juan 1:33

Jayem maliaĝa ja jayaten ca'li jach'e jogamaĝa eeta, qalaĝaja ñe'me jo'ne jayem yamaĝalegue da'me jachilaĝanataĝañgui jena'me noĝop joote jayem enapega: «Da'me dojo' 'uo qomle 'me auana, ñe'me jo'ne nenochi'ña ñe'me Yepaqal, nach'eñe joñe'me jo'ne dachilaĝanataĝañgui joñe'me Yepaqal.»

Juan 14:25

“Ami ja'aĝatetapema yema naa'me naajo' queda'me cha'li ami jouetauelo;