Juan 14:20 - Nuevo Testamento Toba Sombrero Negro

²⁰ Qama'le qom yovita ga'me nolo' joote auayachiñe queda'me jone'tajop joñe'me Taĝadena', nataq'aen da'me ami yataqata jayem ademii'teguet, qama'le nach'e ena'am da'me jayem ami jouetauelo.

Nuevo Testamento Toba Sur

²⁰ Nachi que'eca na'a'q ishit qome da qauloÿa'a da aÿim sooto'ot ñi ita'a, qaq qami' nataq'en aÿim qoviita'aguet, nataq'en aÿim qami' soota'agueta.

La'aqtaqa Ñim Lo'onatac 'Enauacna 2013

²⁰ Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

Juan 14:20 Referans Kwoze

Juan 17:26

Chane'eja joote am jatetonaĝanaĝaneque nataq'aen da'me mach'e at'onaĝac nach'e ena'am da'me nach'e eta't da'me jayatenaĝanaĝa'n, qaedi da'me adoqopich'i jo'ne jayem auen ue'tajop nach'e ena'am uetauelo jonaa'me, qama'le nach'ayem da'me jouetauelo.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

1 Juan 4:12

Jalchi'ena qaya'te ta'le yauana joñe'me Dios; qalaĝaja qom ñoqopitaqapega't, qama'le joñe'me Dios qo'mi netauelo nataq'aen joda'me loqopich'i yataqata qo'mi qoyiyamaĝatetouelo.

Juan 14:10

¿Qo'li ja a'uamaqachiñe da'me nach'ayem jo'ne jone'tajop joñe'me Taĝadena', nataq'aen joñe'me mach'e jayem ne'tajop? Naa'me naajo' jo'ne ami ja'aĝatetapema ja naq'aeta ta'le mach'e 'yaqataqa, dite da'me 'uo ñe'me Taĝadena' jo'ne jayem ne'tajop, nach'eñe jo'ne ya'uo na'me mach'e 'lonataĝanaĝac nale.

Romanos 8:1

Chane'eja nayi male qaya'te gamachaqaega ne'uaĝanague'j gaa'me jo'ne yoqotede'uo ñe'me Cristo Jesús.

Juan 10:38

Qalaĝaja da'me qom je'etetac, temaq'aen da'me ja auacoñiyegueta naa'me 'yaqataqa, qalaĝaja a'uamaqachiñe' naa'me 'yonataqa, qaedi male auayachiñe queda'me joñe'me Taĝadena' jayem ue'tajop nataq'aen da'me jayem joue'tajop joñe'me.

2 Corintios 13:5

'Noota qom mach'e ami anec'achiñela't, qaedi auayachiñe qom yataqachiñe ami t'añidañe da'me adepi'i: cha'li auapiyeñi da'me dojo'. ¿Qo'li ja auetadeñiyac joona queda'me Jesucristo ami uetauelo? Qom ja anepachiñiyac qa'a uo'oe nale gaa'me anapiyenaguecodi'.

Colosenses 1:27

Nach'egaua jogaa'me jo'ne Dios jetaque yatetonaĝanaĝaneque joda'me p'ajaye lelnataĝac jo'ne jetaque ya'uo yemata'a't yema ga'me noyaqapi 'me uetedalegue jena'me aleua. Dojo' lelnataĝac jo'ne jetaque ya'uo nach'eda da'me lec'alaqataĝanaĝac ñe'me Cristo, joñe'me jo'ne ami uetauelo, nach'eñe jo'ne adeuataqataĝanaĝaqui 'me chiyaqayi da'me auacoñiyeguet qomle da'me mach'e at'onaĝaqui.

Juan 16:26

Qom yovita ga'me nolo' qama'le auajelaĝañiyot jouaĝat da'me jayem ademii'teguet; ja ja'aĝatetac ta'le nach'ayem da'me ñachoĝodenot ñe'me qaedi ami yichoĝoden,

Colosenses 2:9

Qa'a yema da'me lajoĝoc joñe'me Dios yataqata yematalegue da'me 'loyaĝac ñe'me Cristo,

Colosenses 1:19

Qa'a ñe'me Dios jetaque yanaue joñe'me Lec'oĝot ena'uac da'me nediosyaĝac,

Juan 6:56

Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 16:23

“Qom yovita da'me dojo' qama'le ja yitaĝa jayem auenachetac. Eja da'me ami ja'aĝatema: joñe'me Taĝadena' ami yanema yema ga'me jo'ne auajelaĝañiyec jouaĝat da'me jayem ademii'teguet.

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

1 Corintios 1:30

Qalaĝaja nach'eñe ñe'me Dios ami yapetenegueta joñe'me Cristo Jesús, qama'le nach'eñe Cristo qo'mi yanema da'me layatenaĝanaĝac ñe'me Dios. Qama'le da'me Cristo ya'uo ca'li chiyaqayi da'me ena'am ta'le qo'mi e'n yataqatelo'te ñe'me Dios; Cristo qo'mi 'yatetelo'te qaedi maqachaĝa ja qo'mi 'te 'nalo'te nataq'aen qo'mi yaĝayaĝa'n qaedi ja jaĝaue da'me ja no'en.

Juan 17:7

Qama'le nayi yayate'n da'me yema gaa'me jo'ne jayem auanema yataqata am chiyoqodayi;

2 Corintios 12:2

'Uo ñe'me jateton jo'ne jalchi'ena quetapegue' ñe'me Cristo, yenoĝodegue nayi catorce 'uoidi da'me qoyauegue di'me yataqachiñe p'ajeguem piyem. Ja jayaten ta'le nec'aletaye da'me qoyauec, uotaĝa ga'me lepaqal; Dios yayaten.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

Romanos 16:7

Nataq'aen auep'iyeñi' gaa'me mach'e 'yachaqadiaĝa'u Andrónico nataq'aen Junias jo'ne ñecoñetaĝa'u ca'li jonaqataue jaga'me coñetaĝanaĝaiqui, nach'enaua jo'ne di'yo't da'me uetedaue da'me 'lonata'j jogaa'me Cristo lamaĝa's, nach'enaua joote p'iida'a ñe'me Cristo ca'li maliaĝa da'me jayem.

Juan 14:11

Ena'te jayem auoqoleguechi dite da'me jayem a'uamaqachiñe queda'me jenaac da'me jone'tajop joñe'me Taĝadena', nach'e ena'am joñe'me Taĝadena' jayem ne'tajop; qalaĝaja qom ja auaqanachichi ta'le jayem auep'iiya'a yajouaĝat da'me jenaac, qama'le maqachaĝa jayem auep'iiya'a yajouaĝat naa'me mach'e 'yonataqa.