Juan 14:12 - Nuevo Testamento Toba Sombrero Negro

¹² Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Nuevo Testamento Toba Sur

¹² Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

La'aqtaqa Ñim Lo'onatac 'Enauacna 2013

¹² Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi.

Juan 14:12 Referans Kwoze

Mateo 21:21

Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Marcos 16:17

Nataq'aen naajo' nañoqotaĝanaĝaco ami naequetapegue'to nataq'aen yema gaa'me jo'ne p'iida'a, qaedi ami lecochigueta: queda'me yenaĝat auamaqayigui jogaa'me payagodipi lepaqa'li; auadenaĝachi' da'me dalaĝayaqa 'naqataqa;

Hechos 16:18

Qayoĝode' gaa'me noloqo'ote da'me ya'uo da'me dojo', chayovida'a Pablo male ja mayiñe q'aen, naqanateta da'me 'viyelaĝaguet qama'le enapega ñe'me nepaqal jo'ne uetaye: —Jaconeguet da'me lañoqotaĝanaĝac ñe'me Jesucristo qama'le am jamaĝalegue qaedi oca'e jana'me. Qanach'e ua'a da'me paja'a yenoĝonegue ñe'me nepaqal.

Hechos 9:34

Pedro enaac: —Eneas, ¡Jesucristo en am yemegue q'aen! ¡Oñijeguem qama'le aue'et na'me at'ochaĝala'! Eneas paja'a ñijeguem ca'li.

Hechos 19:12

qama'le chayovida'a ga'me lapoto lae uotaĝa ga'me louo jo'ne yeyeda'aguet da'me 'loyaĝac nach'egaua qoyaue'ualo ga'me leuaĝaiquipi, qama'le jogaa'me yemedegue, qaya ga'me lapite'nadi, nataq'aen ga'me nepaqa'li ca'ae nale jogaa'me.

Hechos 9:40

Pedro yenoĝonaqatedegue jogaa'me, qama'le yejoidiñe naa'me leliquetel, qama'le netamen; yem qama'le yelo'ta jaga'me leuaĝai, enaac: —¡Tabitá, oñijeguem! Jaga'me neloye qama'le ca'li Pedro yauana, male ñiyiñe.

Hechos 8:7

Qama'le qoyen yemedegue ca'li qayoĝode' gaa'me jiyaĝa'u jo'ne netayelo ga'me nepaqa'li jo'ne ja 'noe'n, qama'le ga'me nepaqa'li chiyaqauelo jogaa'me 'nalaqatedapejeguem; nataq'aen qayoĝode' gaa'me choĝolaĝayaqa jogaa'me ja daconaĝanapiye'ajalo qoyen yemedegue ca'li.

Hechos 5:15

Qoyedode'ga ga'me leuaĝaiquipi da'me loqoeyaĝac, qoyachetalo'te ga'me lela'te nataq'aen 'lochaĝala'te qaedi da'me Pedro tae'di qama'le uotaĝa ch'e lepaqal ga'me tatelo'te jogaa'me.

Hechos 2:41

Chane'eja naq'aeta, gaa'me jo'ne yoqochideta da'me 'laqataĝanaĝac qonachilaĝa'n ca'li; qama'le jojo' nolo' uoja'aegaua tres mil jiyaĝadipi da'me nichidegue ga'me p'etaqadaiquipi.

Hechos 4:4

Qalaĝaja qayoĝode' gaa'me jo'ne domachita ga'me napaĝaguenataĝanaĝac, qama'le p'iida'a; qama'le ga'me tachi'ña liñi ga'me p'etaqadaiquipi, nach'egauate' gaa'me le'emdipi da'me qonaloqote'n, yamta'le yovida'a da'me cinco mil.

Juan 16:7

Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Juan 7:33

Qama'le Jesús enaac: —Nayi cha'li maliaĝa ami jouetauelo, qalaĝaja ja jayem 'te cop'a qom yenoĝodegue naa'me naajo' noloqo'ote, qama'le jec'ata ñe'me jo'ne jayem namaĝaquena.

Romanos 15:19

Qoyen uaĝayet da'me 'lañaĝac ga'me 'nanaqapi, nataq'aen gaa'me di'yo't nañoqotaĝanaĝaco, nataq'aen da'me 'lañaĝac ñe'me Dios Lepaqal. Chane'eja jachiyoqochi'ña di'me Jerusalén nataq'aen ga'me qoyode'talo noyaqapi chayovida'a Iliria. Yataqachiñe yemet'a't da'me japaĝaguenataĝanec da'me onaĝaic 'laqataĝanaĝac ñe'me Cristo.

Hechos 6:7

Joda'me 'laqataĝanaĝac ñe'me Dios nichiquetaye da'me qo'yaĝatetac, qama'le ga'me p'etaqadaiquipi jo'ne Jerusalén laje'pi jalcote da'me nichiquetaye, chayovida'alo qayoĝode' ga'me judiopi tamenaĝaiqui lo'olpi yacoteguet da'me 'naqataĝanaĝac.

Hechos 4:16

Enapega't: —¿Jach'e ga'me jenaqa'teque jaajo' jiyaĝa'u? Qa'a yema ga'me jiyaĝadipi jo'ne neda'ña di'me Jerusalén yayate'n chiyaqayilo da'me dojo' nañoqotaĝanaĝac jo'ne yauote, qama'le ja jaqanatetaq ta'le ñemanaqatapec.

Juan 14:28

Joote jayem auayachiñe da'me jec qomle, qalaĝaja yitaĝa 'ñiyelaq qomle qaedi yitaĝa ami jouetauelo. Qom yataqachiñe eja da'me jayem adoqopichiya, qama'le ami made'tapolqa da'me auayachiñe da'me jec'ata ñe'me Taĝadena', qa'a nach'eñe jo'ne jayem napacalegue.

Hechos 10:46

qa'a domachiyalo da'me yadenaĝa't gaa'me 'naqataqa jo'ne 'yoda'alo qama'le 'nonaĝachidegue joñe'me Dios.

Hechos 4:33

Jogaa'me napaĝaguenataqa 'uo da'me 'lañaĝa'j da'me dapaĝaguenataĝatapec da'me 'liyelaĝajoĝoc ñe'me Jaliaĝanec Jesús, qama'le jalcote da'me Dios yichoĝode'n ena'uaque jogaa'me.

Marcos 11:13

Qamaliaĝa qaya'a da'me yela'a jaga'me epaq jo'ne higuera jo'ne uo'oe gaa'me layoqote, qama'le yec'ata qaedi yec'aten qom nach'e ena'am 'uo jaga'me jala, qalaĝaja qaga'te jala yejamaq gaa'me layoqote, qa'a maliaĝa ja laloqo' ta'le ya'uo jala gaa'me higos.

Juan 4:37

Qa'a jenjo' jo'ne qo'yaĝatetac nale yataqachiñe eja: «'Uo ga'me jo'ne danaĝan, qama'le ga'me laqaya jo'ne dapogaĝan.»

Juan 5:20

Qa'a ñe'me Taĝadena' jayem noqopita nataq'aen da'me jayem yaloĝonalo ena'uaque jogaa'me uo'oe jo'ne 'lonataqa, nataq'aen jogaa'me 'lonataqa laqaya' jo'ne let'adayaqa nach'e ena'am jayem yaloĝonalo qomle, qaedi ami ua'ajopa qomle da'me auoqoch'iyem.