Juan 13:21 - Nuevo Testamento Toba Sombrero Negro

²¹ Ca'li yomat da'me nenaĝatedegue naa'me naajo' 'laqataqa, Jesús male nomeguet joda'me yataqata ja machiñe, qa'a yajouaĝat joda'me yataqata 'yaĝatetelegue joda'me dojo': —Yataqata eja da'me dojo': da'me 'uo ñe'me ami uetauelo jo'ne jayem yaneuo qomle.

Nuevo Testamento Toba Sur

²¹ Qaq co'ollaq ime da nasaxauec de'eda l'aqtac, nachi so Jesús nomteguet da sa nalo'oguet da lquiyaqteÿaxac. Huaña, nachi ÿataqta i'axatta de'eda, 'eeta': –Ÿataqta 'eesa de'eda qami' sa'axatema, da 'oonolec da qoñiita ñi aÿim ÿaneuo qome.

La'aqtaqa Ñim Lo'onatac 'Enauacna 2013

²¹ Qaq co'ollaq ime da nasaxauec de'era la'aqtac, nache So Jesús ỹataqta sa nalo'oguet da 'eeta. Huaña, nache ỹataqta ỹa'axatta de'era, 'eeta': –Ỹataqta 'eesa de'era qami' sa'axatema, da 'oonolec da qoñiita ñi Aỹem ỹaneuo qome.

Juan 13:21 Referans Kwoze

Mateo 26:21

Mane'e ca'li cha'li deque'tape, Jesús enaac: —Eja ami ja'aĝatema queda'me 'uo ga'me jo'ne ami chiyaqauelo jayem p'alegue qomle qama'le jayem yanegue.

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Marcos 14:18

Mane'e ca'li dajotedalegue ga'me niqui'yaĝala' da'me deque'tape, Jesús enaac: —Eja da'me ami ja'aĝatema queda'me 'uo ga'me jo'ne ami chiyaqauelo 'me ena'am dequetac nayi ñeuanaĝaua, jayem p'alegue qomle qama'le jayem yanegue.

Juan 12:27

“Nayi 'uo da'me janomeguet jo'ne ja no'en, qama'le ¿jach'e jogamaĝa 'yaqatac? ¿Qo'li jenaac: «Taĝadena', auen jayem ca'e ga'me yachoĝodec jo'ne 'uo qomle»? Aja'y. Qa'a nach'eda jo'ne qoyouetaque: qo'che' ñanaequena.

Juan 11:33

Ca'li Jesús yauana jañe'me María da'me noyen choqoga'me judiopi jo'ne naequetedapegue', qama'le yataqachiñe let'adaic da'me nedotela't choqoda'me diviloĝol,

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

Hechos 17:16

Mane'e ca'li Pablo cha'li yeuatetapiye ñe'me Silas nataq'aen Timoteo, yataqachiñe nejalichiñe ga'me lauel da'me yauana da'me yema ga'me noic ga'me qop'iyapegalo nale.

Juan 13:2

Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Juan 11:38

Jesús yitaĝa let'adaic da'me nedotela't qama'le yec'ata jaga'me napa'l lae't, jo'ne ch'e jauac joca'li, ga'me nadiiuo napadetaye neta'uet ga'me qa'.

Juan 11:35

Qama'le Jesús noyen.

Marcos 3:5

Chane'eja joñe'me Jesús jalcote da'me totelegue ca'li, nataq'aen dalematayi da'me lec'atenaĝanaĝac qa'a ja jetaque yacoteguet ga'me enaac, qama'le enapega ñe'me jiyaĝaua: —¡Anodegue na'me adouaq! Ñe'me jiyaĝaua nodegue, qama'le paja'a 'noota ga'me louaq.

Mateo 26:38

Qama'le enaac: —Yataqachiñe jayem totelegue: nomeguet da'me leleuaĝa jena'me yeuel. Ovi'ta jena'me jenjo', nataq'aen ena'te anaĝayañe da'me adevitaĝaqui.

Juan 13:22

Qama'le joñaa'me nelapega't joca'li qa'a ja yayate'n jach'e jogamaĝa tachigui dojo' 'naqatac.