Juan 13:17 - Nuevo Testamento Toba Sombrero Negro

¹⁷ Qom auayachiñe' naa'me naajo' uo'oe nataq'aen qom male a'vichi, qama'le yataqata ami made'tape qomle.

Nuevo Testamento Toba Sur

¹⁷ Qaq qami' da qauaÿajñiita de'eda, qataq ishit da qau'ochi, nachi ÿataqta qami' machiyiñi qome.

La'aqtaqa Ñim Lo'onatac 'Enauacna 2013

¹⁷ Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Juan 13:17 Referans Kwoze

Lucas 11:28

Joñe'me 'yateguet: —¡Jaja'a! Qama'le ¡yataqachiñe p'ajaye da'me lamai'j jogaa'me jo'ne naquiaĝata daa'me Dios 'laqataqa, nataq'aen yoqochideta joñe'me!

Santiago 4:17

Chane'eja, ga'me jo'ne yayaten da'me ye'et da'me jo'ne onaĝaic, qama'te ja 'ye'et, nach'ega jo'ne ya'uo da'me mach'e loec.

Santiago 1:25

Qalaĝaja ga'me jo'ne ja yapalaĝate'ta da'me jo'ne domachiya, nach'ega jo'ne yec'aten nataq'aen da'me yelo'tegue da'me namaĝajoĝonaĝac jo'ne yataqatelegue eja, 'uo da'me 'nemaĝac nataq'aen da'me nach'e eta't da'me chimaqategue, nataq'aen da'me yoqo'cha da'me en yepaquichigui da'me jo'ne mach'e eeta da'me dojo' namaĝajoĝonaĝac, qama'le nach'eda jo'ne nach'e eta't en matac ga'me jo'ne 'yetetac.

Apocalipsis 22:14

Made'tape jogaa'me jo'ne yiyo'y joga'me louo, qa'a nach'egaua jo'ne yauata da'me 'uo da'me ladiquiyaĝa'j q'aen jaga'me epaq jo'ne 'uo da'me nec'alaĝa choqoda'me e'n yaqanate't da'me tado'uet q'aen joga'me najom ga'me noic.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Mateo 12:50

Qa'a gamachaqaega jo'ne yoqo'cha da'me yepaquetapega ñe'me Taĝadena' 'me na'ague di'me piyem, naqaega yanoqolec, ya'nole, nataq'aen yat'e.

Juan 15:14

Qama'le naqa'ami jo'ne ami yaqaya', qom a'vichi ga'me jo'ne ami jamaĝalo'te.

Romanos 2:13

Qa'a qom Dios yec'atelo'te joga'me jiyaĝadipi, ja chimaqachiñe da'me lajoĝo'j jogaa'me jo'ne nach'edata da'me domachiyalo daa'me namaĝajoĝonaĝaco, dite da'me lajoĝa'j jogaa'me jo'ne yoqocha'alo.