Juan 13:16 - Nuevo Testamento Toba Sombrero Negro

¹⁶ Yataqata eja da'me dojo' queda'me qaya'te ta'le 'uo joga'me namaĝajec ta'le napacalegue joga'me ladipa, nataq'aen da'me qaya'te 'naqataĝanaĝanec ta'le napacalegue joga'me yamaqatac.

Nuevo Testamento Toba Sur

¹⁶ Qaq ÿataqta 'eesa de'eda qami' sa'axatema, da qaica ca chochi nlatac da napacalec ca n'aco', qataq qaica ca namaxashic da ishit da napacalec cam ÿamaqtac camayi.

La'aqtaqa Ñim Lo'onatac 'Enauacna 2013

¹⁶ Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Juan 13:16 Referans Kwoze

Lucas 6:40

Ga'me napaĝaguenatac ja napacalegue ga'me napaĝaguenoqo't. Qalaĝaja qom yem da'me napaĝaguenaguec, qama'le male ena'am ga'me napaĝaguenoqo't.

Juan 15:20

Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

2 Corintios 8:23

Anetoviñetac queda'me Tito mach'e ñaigaĝaua, nataq'aen queda'me qadalo'ta't da'me jo'onataĝanaq qaedi ami yecochaĝalo. Anetoviñetaque gaa'me dojolqa jiyaĝa'u laqaya' jo'ne quetegue ñe'me Tito mach'e lamaĝa's gaa'me p'etaqadaiquipi jo'ne 'nonaĝachidegue ñe'me Cristo.

Filipenses 2:25

Qalaĝaja nayi 'uo da'me yelnataĝac laqaya, da'me yitaĝa ami jamaĝalo joñe'me qadaqaya Epafrodito, nach'eñe ñe'me adamaĝajequi jo'ne anamaĝayiquena ca'li qaedi jayem lecochiya nale 'uo joga'me jouetac, naqaeñe jo'ne yecochaĝaua nayi, yataqata 'uañaĝaicolec joñe'me. Qama'le jeetapega 'noota qom ami 'viyelaĝalo nayi,