Juan 13:14 - Nuevo Testamento Toba Sombrero Negro

¹⁴ Chane'eja qom jayem 'me jayem Paĝaguenataĝanaĝaic nataq'aen da'me jayem Adejaliaĝanequi male jiyo'tape naa'me adapia'chidi', qama'le 'noota qom nach'e ena'ama onolqa'tape da'me ami, aviyo'y naa'me lapiachidi' naa'me adaqayadi'.

Nuevo Testamento Toba Sur

¹⁴ Qaq aÿim mayi sapaxaguenataxaatac qataq aÿim nataxala', yi seÿota'pe naua qadapia'chilli', qaq nagui no'on da ñi 'oonolec da qoñiita nataq'en iÿoi' naua lapia'te ca lÿa.

La'aqtaqa Ñim Lo'onatac 'Enauacna 2013

¹⁴ Qaq Aỹem, maye Aỹem Qarataxala'ai qataq Aỹem Qanapaxaguenaxala'ai seỹota'ape naua qarapia'achilli', qaq nagui no'on da ñi 'oonolec da qoñiita nataqa'en iỹoi' naua lapia'ate ca lỹa.

Juan 13:14 Referans Kwoze

1 Pedro 5:5

Nach'e ena'am da'me ami joĝodipi, 'noota qom a'nonaĝachiguilo jogaa'me 'yaĝaicachidi jo'ne 'uo da'me lejaliaqa'. Nach'e ena'ama ena'uaque da'me ami, a'nonaĝachiguilo onolqa'tape gaa'me adaqayadi' qama'le ena'te ami 'yoĝodenaĝayaqa, qa'a naa'me nedii's jo'ne joote qoyedidiñe joca'li eet'oi: “Joñe'me Dios en lauteua jogaa'me 'yoĝodenaĝayaqa, Qalaĝaja jogaa'me choĝodache lecochaĝanegueta da'me lichoĝodenataĝanaĝac.”

Hechos 20:35

Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

Gálatas 5:13

Ami yaqaya'olqa, Dios ami yiyaĝanalo qaedi ami uojotedañi. Qalaĝaja ena'te aueñetapela't adoĝochi da'me ami uojotedañi ta'le taue q'aen da'me a'vichi ga'me ja no'en. Dite da'me anecochiyapega't qa'a 'uo da'me adoqopich'ii.

Romanos 12:16

'Noota qom onolqa'tape ami adaloi'ta't qaya'te neyota'ya. Ena'te ami 'yoĝodenaĝayaqa, dite da'me aueñe'tem da'me adaloyetapegueta joga'me jo'ne jaleca da'me letadenataĝanaĝac. Ena'te aueñetapela't ami yatenaĝanaĝayaqa.

1 Pedro 4:1

Chane'eja joñe'me Cristo 'uo ca'li da'me lachoĝodec qoyen da'me nejiyaĝauayaĝac, qama'le da'me ami 'noota qom nach'e ena'am oqui'tegue da'me jo'ne ami qoyamaĝalo'te. Qa'a joga'me jo'ne neualaĝae'ye' da'me qoyen lachoĝodec da'me nejiyaĝauayaĝac, nach'ega male ja en 'te lajo'vi naa'me loeco,

1 Corintios 8:13

Chane'eja, qom ga'me jalic chiyaqayi da'me ya'uo loec ga'me yaqaya, qama'le 'noota da'me ja yitaĝa jalic ga'me lapat, qaedi ja yitaĝa chiyaqajeguem ga'me yaqaya.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

2 Corintios 10:1

Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

2 Corintios 8:9

Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

Juan 11:2

Jañe'me María nach'añe jo'ne yiyoĝolo'te joca'li ga'me yoĝoqui da'me ualo'te q'ae'n gaa'me lapia'te joñe'me Jaliaĝanec Jesús, qama'le nataq'aen da'me daqaqa'y q'ae'n joga'me layoĝot.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

1 Timoteo 5:10

Nataq'aen yataqata qoyayaten da'me onaĝaic 'lonataĝanaĝac ca'li: qom yataqata netelalo jogaa'me c'oqo'te, nataq'aen da'me 'uo da'me loqopich'i nale qodejapichiya, nataq'aen da'me joote yataqata yichoĝode'n gaa'me Dios lec'oqo'tepi, chayovida'a da'me lecochiyalo nale jogaa'me 'uo da'me lachoĝode'j, nataq'aen nach'e eta't yauo'oe gamachaqaegaua 'lonataqa jo'ne 'noote'.