Juan 13:13 - Nuevo Testamento Toba Sombrero Negro

¹³ Da'me ami nale jayem aviyaĝañetapec «Paĝaguenataĝanaĝaic» nataq'aen da'me aueñeetac nale «Jaliaĝanec», qama'le yataqata eja da'me naqayem.

Nuevo Testamento Toba Sur

¹³ Qami' naxa da aÿim qauÿaxañiÿa, qalaq qoñiÿapec da aÿim sapaxaguenataxanapec qataq aÿim qadataxala'ai. Qaq damayi sa ishit da soqolguet, ÿataqta 'eesa.

La'aqtaqa Ñim Lo'onatac 'Enauacna 2013

¹³ Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Juan 13:13 Referans Kwoze

Lucas 6:46

“¿Toqoch'e jayem aviyaĝañetapec, «¡Am Qadejaliaĝanec!», qama'te ja auauoyi ga'me jo'ne jenaac?

Filipenses 2:11

qaedi male yema qo'yaĝatetedac queda'me nach'eñe joñe'me Jesucristo naqaeñe jo'ne Qadejaliaĝanec. Qama'le naq'aeta da'me yataqata qo'nonaĝachigui joñe'me Dios mach'e Qadet'a.

1 Corintios 12:3

Chane'eja, 'noota ta'le auayachiñe queda'me qaya'te yaqanatet ta'le enaac: “¡Yataqachiñe ja no'en ñe'me Jesús!”, qom naqaeñe ñe'me Dios Lepaqal 'me ja 'nalegue yojaĝanaĝan joga'me; nataq'aen qaya'te yaqanatet ta'le enaac: “¡Jesús mach'e Jaliaĝanec!”, qom ja naqaeñe ñe'me Dios Lepaqal jo'ne yojaĝanaĝan joga'me.

Juan 11:28

Ca'li yem da'me nenaĝategue da'me dojo', jañe'me Marta ec qama'le yiyaĝana jañe'me laqaya María, qalaĝaja ch'e nejoĝo'tot: —Ñe'me Paĝaguenataĝanaĝaic joote novitequena, am yiyaĝana.

Filipenses 3:8

Qama'le yema jo'me 'yonataĝanaĝac ca'li, yataqata jaĝañi nayi, qa'a jouaĝat da'me male yataqata jateton joñe'me Jesucristo mach'e Yejaliaĝanec, qama'le nach'ena na'me yatetonaĝanaĝac jo'ne yataqata onaĝaic. Chane'eja joote jaĝañi yema da'me 'yonataĝanaĝac ca'li, qa'a yataqata jen ja no'en, qaedi jepitaqatenac da'me male joue'tajop joñe'me Cristo

1 Corintios 8:6

qalaĝaja qo'mi qamqa'me jayatenaq queda'me 'uo ñe'me Dios jo'ne onolec, mach'e Qadet'a jo'ne 'netoqo't ena'uaque gaa'me uo'oe, nataq'aen qo'mi yanema da'me qat'oyaĝac jeloqot'ot joñe'me. Nach'e naq'aeta queda'me onolec ñe'me Jaliaĝanec Jesucristo nach'eñe necochoqo't ñe'me Dios joca'li ye'et jena'me aleua nataq'aen ena'uaque gaa'me uo'oe, qama'le da'me qo'mi joda'me qat'oyaĝac chiyoĝoguet joñe'me.

Santiago 2:19

Am ¿qo'li auen eja da'me 'uo ñe'me onolec Qanedios? Qama'le qom naq'aeta onaĝaic da'me aua'uo; qalaĝaja nach'e ena'ama jogaa'me payagodipi yataqata yayate'n queda'me eja 'uo ñe'me Dios jo'ne onolec, qalaĝaja yiviloĝolaqate't q'ae'n da'me loqolanaqa'.

Lucas 10:28

Jesús enaac: —Yataqachiñe 'noota da'me at'ataĝac. Qom aua'uo da'me dojo', auaqanateta da'me at'oyaĝac jo'ne ja 'naidena'a qom'te.

Lucas 7:43

Simón 'yateguet: —Jepetapega queda'me naqaeñe ñe'me yaguegue jaga'me 'lale jo'ne qoyapalaĝat. Jesús 'yateguet: —Eja chimaqachiñe da'me anenaĝategue.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Juan 11:2

Jañe'me María nach'añe jo'ne yiyoĝolo'te joca'li ga'me yoĝoqui da'me ualo'te q'ae'n gaa'me lapia'te joñe'me Jaliaĝanec Jesús, qama'le nataq'aen da'me daqaqa'y q'ae'n joga'me layoĝot.

Juan 11:3

Qo'che' naq'aeta gaa'me dos 'me mach'e naqaya' telopaĝata ñe'me Jesús qaedi t'aqataĝanem: —Jaliaĝanec, di'me anauotaĝaua uetaue da'me leleuaĝa.

Efesios 6:9

Nataq'aen ami jaliaĝanaqapi, 'noota qom yataqata avichoĝodeñi' gaa'me adalemaĝaje'chidi', ena'te aueñi co'yaq ga'me anenaĝachiyidegue, qa'a joote auayachiñe queda'me 'uo ñe'me mach'e Adejaliaĝanequi jo'ne nach'e ena'am Lejaliaĝane'j gaa'me adalemaĝaje'chidi', nach'eñe jo'ne ne'tague di'me piyem, qama'le nach'e eta't naloqote'n yema jena'me jiyaĝadipi, yataqata qaya'te liquiyac joñe'me.