Juan 12:49 - Nuevo Testamento Toba Sombrero Negro

⁴⁹ Qa'a da'me jo'ne japaĝaguenataĝanec nale ja ch'e yelnataĝac, dite da'me chiyaqayi ñe'me Taĝadena' jo'ne jayem namaĝaquena. Nach'eñe jo'ne joote jayem yanem da'me mach'e 'yaqataĝanaĝac choqoda'me yapaĝaguenataĝanaĝac.

Nuevo Testamento Toba Sur

⁴⁹ Cha'ayi aÿim nam i'aqtaqa sa ishit da maichi ñalligoxottrela't; cha'ayi ñim ita'a mayi aÿim namaq, ñimayi chigoqtot cam i'aqtac qataq cam sapaxaguenataxanec.

La'aqtaqa Ñim Lo'onatac 'Enauacna 2013

⁴⁹ Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 12:49 Referans Kwoze

Juan 14:10

¿Qo'li ja a'uamaqachiñe da'me nach'ayem jo'ne jone'tajop joñe'me Taĝadena', nataq'aen joñe'me mach'e jayem ne'tajop? Naa'me naajo' jo'ne ami ja'aĝatetapema ja naq'aeta ta'le mach'e 'yaqataqa, dite da'me 'uo ñe'me Taĝadena' jo'ne jayem ne'tajop, nach'eñe jo'ne ya'uo na'me mach'e 'lonataĝanaĝac nale.

Juan 8:26

Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

Juan 5:30

“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 14:31

qalaĝaja 'noota ta'le naq'aeta da'me ja'uo, qaedi jenjo' aleua laje'pi yataqata yayate'n da'me joqopita ñe'me Taĝadena', qama'le ja'uo yema ga'me jo'ne jayem yamaĝalegue. “Nayi oñiijeguem, qolaqa'e jenjo'.”

Juan 15:15

Ja yitaĝa ami jiyaĝanaĝaneque da'me ami ñejoĝonaqa, qa'a ga'me ch'e nejoĝonec ja yayaten ga'me mach'e ye'tetac joga'me lejaliaĝanec. Ami jiyaĝanaĝaneque nayi da'me ami yaqaya', qa'a joote ami jayatenaĝanaĝaneque yema da'me jo'ne jayem 'yaĝatem ñe'me Taĝadena'.

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

Juan 3:32

nach'eñe jo'ne 'yaĝatetac ga'me jo'ne mach'e yauana nataq'aen da'me domachiya, qalaĝaja qaya'te ta'le yaconeguet da'me 'laqataĝanaĝac.

Juan 3:11

Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Juan 6:68

Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Juan 7:16

Jesús male 'yategueta jogaa'me: —Da'me dojo' yapaĝaguenataĝanaĝac ja mach'e yoĝot, dite da'me loĝot ñe'me jo'ne jayem namaĝaquena.

Juan 8:28

Qo'che' ñe'me Jesús enapegalo: —Qomle jayem auañiyajeguem da'me male jayem auep'eñiyajeguem, queda'me naqayem jo'ne jayem Jiyaĝaua Lec'oĝot, qama'le yemta da'me auayachiñe da'me eja naqayem. Nataq'aen auayachiñe qomle da'me qaya'te ta'le ja'uo ga'me ch'e yelnataĝac; onolec da'me ja'aĝatetac da'me jo'ne jayem yapaĝaguenec ñe'me Taĝadena'.

Juan 14:24

Ga'me jo'ne ja jayem 'te noqopita, nach'ega jo'ne ja yoqocha'alo naa'me 'yaqataqa. Nach'ena na'me 'yaqataĝanaĝac jo'ne joote auomachiya; ja mach'e yelnataĝac, dite da'me chiyoqo'ot joñe'me Taĝadena' jo'ne jayem namaĝaquena.