Juan 12:48 - Nuevo Testamento Toba Sombrero Negro

⁴⁸ Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

Nuevo Testamento Toba Sur

⁴⁸ Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q.

La'aqtaqa Ñim Lo'onatac 'Enauacna 2013

⁴⁸ Qaq ca Aỹem ỹo'otan, qataq saishet da ỹo'o't naua ỹa'aqtaqa, camaye sogote da huo'o qome ñim ỹo'ot ca nhuaxanaguec. Cha'aye naua ỹa'aqtaqa maye ñasaxarec, nachenaua qome naua ỹo'o't ca nhuaxanaguec na shiỹaxauapi ca pa'atec na'a'q.

Juan 12:48 Referans Kwoze

Lucas 10:16

“Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Romanos 2:16

Ga'me nolo' p'ategue qom Dios ya'uo da'me lec'atenaĝanaĝac da'me nemitaque ga'me lelnataĝacopi 'me ja di'yo't ga'me jiyaĝadipi chiyaqayi q'aen ñe'me Cristo Jesús nach'e naq'aeta da'me onaĝaic 'naqataĝac 'me ja'aĝatetac.

2 Ts 1:8

Qama'le 'uo qomle ga'me 'yeteque jogaa'me jo'ne ja yoqochideta ñe'me Qadet'a choqogaa'me jo'ne ja yacoteguet da'me 'naqataĝanaĝac 'me 'yaĝatetac ñe'me Qadejaliaĝanec Jesucristo.

Juan 11:24

Marta 'yateguet joñe'me: —Jaja'a, eja jayaten da'me yitaĝa nec'alegue qom qo'niyelaĝachidijeguem jodia'me jo'ne joote yele'u, qom yovita ga'me nolo' jo'ne p'ategue.

Hebreos 12:25

Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

Hebreos 2:3

Qama'le nayi, ¿teua'atoqo' qo'mi yaĝa'n ga'me qane'uaĝanaguec, qom ja qadetela da'me nec'alaĝa let'adaic? Qa'a nach'eñe joñe'me Jaliaĝanec jo'ne 'uaechiñe da'me 'yaĝatetac da'me dojo' nec'alaĝa, qama'le jogaa'me jo'ne joote domachita da'me 'naqatac male qo'mi yaloĝonalo da'me naqaeda da'me jo'ne eja.

Juan 5:45

“Ena'te aueñetapega ta'le naqayem 'me 'uo da'me ami jepoleguelo'te da'me jajoyaqa'aguet ñe'me Qadet'a. Ñe'me jo'ne 'uo da'me ami yepoleguelo'te nach'eñe ñe'me Moisés, joñe'me jo'ne 'uo da'me adeuataqataĝanaĝaqui.

Mateo 21:42

Chane'eja Jesús enaac: —¿Qo'li ja auec'achiñe' daa'me nedii's jo'ne 'laqataqa ñe'me Dios? 'Uo na'me eet'oi: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec. Dojo' ya'uo ñe'me Jaliaĝanec qama'le yataqachiñe qadoqoch'em.»

2 Corintios 4:3

Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

Lucas 20:17

Qalaĝaja Jesús yelochiguilo, qama'le enaac: —Qama'le ¿jach'e jogamaĝa yelo'teguet dojo' jo'ne 'yaĝatetac ga'me nedii's: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec»?

Lucas 17:25

Qalaĝaja, 'uaeñe qomle da'me jalcote da'me qoyen yachoĝodec nataq'aen jayem 'yotatedac ga'me jiyaĝadipi jo'ne maliaĝa uo'oe nayi.

Lucas 9:26

Qa'a qom 'uo ga'me jayem nepocoĝolegue nataq'aen daa'me 'yaqataqa, qama'le nach'e ena'am jayem jo'ne yataqachiñe Jiyaĝaua Lec'oĝot ñepocoĝolegue joga'me qom yitaĝa 'ñiyelaq nataq'aen da'me 'yonaĝac choqoda'me 'lonaĝac ñe'me Taĝadena' nataq'aen jogaa'me piyem laje' 'me ja 'nalo'te.

Lucas 9:22

Qama'le t'aqataĝanema: —Jayem jo'ne yataqachiñe Jiyaĝaua Lec'oĝot jalcote da'me yachoĝodec qomle, nataq'aen ja jayem 'te yacoteguet ga'me 'yaĝaicachidipi, jogaa'me lejaliaĝanaqa gaa'me tamenaĝaiqui lo'olpi choqoga'me judiopi napaĝaguenoqo'tpi. Jayem qoyalat qomle, qalaĝaja yenoĝodegue tres gaa'me noloqo'ote qama'le 'ñiyelaĝajeguem.

Lucas 7:30

Qalaĝaja jogaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco qamqa'me ja yacoteguet da'me lachilaĝanataĝanaĝac ñe'me Juan, naq'aeta da'me dojo' 'lotanaĝanaĝa'j da'me jo'ne jetaque Dios 'yeteque jo'ne mach'e liyamaĝa'j jogaa'me.

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Marcos 12:10

Anetoviñetac ga'me jo'ne joote qoyediñe joca'li jo'ne enaac: «Ga'me qa' jo'ne 'yota'n jogaa'me onataĝanaĝayaqa, Male taue da'me neleguemaĝata ga'me qa' 'me t'añiyapeguet ga'me emec.

Mateo 25:31

“Da'me jayem jo'ne jayem Jiyaĝaua Lec'oĝot nataq'aen jayem Jaliaĝanec, qom 'ñiyelaq qama'le nachetac da'me yi'yoĝodic, nataq'aen ena'uaque jogaa'me yamaĝa's jo'ne piyem laje' jayem naequetedapegue', qama'le jonañgui jaga'me yejaliaĝaiqui jo'ne p'ajaye da'me li'yoĝodic.

Hechos 3:23

qa'a ga'me ja yoqo'cha ñe'me Dios 'laqataĝanaĝanec qoyijaĝaye qama'le qoyapalaĝat.»

Marcos 8:31

Chiyoqotelegue da'me dapaĝaguenataĝatapec ñe'me Jesús jo'ne nach'eñe yataqachiñe Jiyaĝaua Lec'oĝot, queda'me jalcote da'me lachoĝodec qomle, nataq'aen ja yacoteguet ga'me 'yaĝaicachidipi, nataq'aen jogaa'me lejaliaĝanaqa gaa'me tamenaĝaiqui lo'olpi, nataq'aen joga'me judiopi napaĝaguenoqo'tpi. 'Yaĝatema da'me qoyalat qomle, qalaĝaja qom yenoĝodegue gaa'me tres noloqo'ote qama'le 'niyelaĝajeguem.

Mateo 10:15

Ami ja'aĝatema queda'me qom yovita ga'me nolo' jo'ne laloqo' da'me 'uo da'me le'uaĝanaĝanaĝac ñe'me Dios, qama'le yataqachiñe lama'aja da'me ne'uaĝanaguec jena'me jenjo' noic, ja ena'ama ga'me jiyaĝadipi ca'li 'me neda'ña di'me noic jo'ne Sodoma nataq'aen Gomorra.

Juan 6:39

Qama'le da'me jo'ne lelnataĝac joñe'me, ja jetaque 'uo ga'me onolec jo'ne yejomac gaa'me jo'ne jayem qoyanema, qa'a naqayem jo'ne en 'ñiyelaĝachidijeguem qom yovita ga'me nolo' jo'ne p'ategue.

Juan 8:47

Gaa'me Dios lec'oqo'te naquiaĝanalo naa'me 'laqataqa. Qalaĝaja queda'me ja ami 'te Dios lec'oqo'te, ja jetaque anaquiaĝañiya joñe'me.

Hechos 17:31

Qa'a Dios 'uo qomle ga'me nolo' jo'ne yelotelegue da'me ya'uo da'me chimaqachiñe nemitaguec yema jena'me aleua, yachiyoĝotetelegue ñe'me onolec jiyaĝaua jo'ne 'yatetelegue joñe'me; nach'eñe yaloĝonalo ena'uaque jogaa'me da'me 'niyelaĝachijeguem yachiyoĝotauelo joga'me napa'lpi.”

Hebreos 4:12

Qa'a da'me 'laqatac joñe'me Dios yataqata nec'aletaye nataq'aen 'uo da'me lañoqotaĝanaĝac. Nach'eda jo'ne nichaĝajoĝonaĝat jo'ne p'ajaye, napacalegue ga'me nedaĝanaĝat jo'ne dos naa'me lia'a, qama'le yaqanatet ta'le yeda'uo ga'me lauel ga'me jiyaĝaua, chayovida'a da'me yovidauo ga'me lepaqal, ena'am ta'le yededa'uo gaa'me loiquiaqa'te naa'me lep'inaqa nataq'aen na'me lap'iyoĝo. Qama'le nach'eda jo'ne ya'uo da'me lec'atenaĝanaĝac, naloqote'n gaa'me lelnataĝaco ga'me jiyaĝaua nataq'aen gaa'me jo'ne mach'e lamaico.

Hebreos 10:25

Ena'te jaĝanajoĝoye da'me qadema'a't, qaedi ja jenaqa'ama gaa'me jo'ne joote yaĝadegue, dite da'me 'noota qom onolqa'tape 'yañaqate't gaa'me laqaya'; yataqata jauoqo da'me dojo' qom jauanaĝa da'me male qo'mi nadi'talo ga'me nolo' da'me 'niyelaq joñe'me Qadejaliaĝanec.

1 Pedro 1:5

Yajouaĝat da'me adepi'i jo'ne ami uetauelo, joñe'me Dios jo'ne 'uañaĝaic yataqata ami de'uolo'te, qaedi ami yovidaĝateda'a da'me nec'alaĝa jo'ne mach'e liyamaqatac, jenjo' jo'ne qoyaloĝon jo' qom'te jogaa'me noloqo'ote jo'ne p'atedegue.

2 Pedro 3:3

Qama'le 'noota qom ena'uac da'me ami yataqata auayachiñe nataq'aen da'me anetoviñetaque da'me dojo': jogaa'me noloqo'ote jo'ne p'atedegue qama'le novi't qomle ga'me jiyaĝadipi jo'ne quetapegue'to jogaa'me ja 'noe'n jo'ne mach'e lamaico, choqoda'me e'n le'uenaĝanaĝaco

2 Pedro 3:7

Qalaĝaja di'me piyem nataq'aen jenjo' aleua jo'ne cha'li 'uo nayi, joote qoyeuataqateta'aguet ga'me dole' qa'a nach'eñe ñe'me Dios da'me damaĝajoĝolegue ga'me dole' en yavic, qom yovita ga'me nolo' qom ya'uo da'me lec'atenaĝanaĝac qama'le qoyala't jogaa'me qaleuaĝayaqa.